
أم روجيدة: بالعكس يا هبلة، معنى إنه مش فارق معاه الخلفة منك يبقى لازم تقلقي، كدا تبقي عايشة معاه على كف عفريت.
روجيدة بترقب: بتقولي إيه يا مامي؟
أم روجيدة: طبعًا الرجل لما بيحب الست بيحب حاجة تربطوا بيها، ومفيش أجمل من الأطفال.
روجيدة بحزن: طيب وأنا بإيدي إيه أعمله وما عملتوش؟
أم روجيدة: ما تقلقيش، كل مشكلة وليها حل بإذن الله، سيبي كل حاجة عليا واطمني.
بصت لها روجيدة بقلق وقالت: ربنا يستر.
في فيلا الجد سليم المهدي، في غرفة المكتب.
فهد: دا كل حاجة عن المشروع، في أي ملاحظات؟
الجد سليم: لا يا ابني، مفيش.
فهد: في حاجة يا جدي؟ مالك؟ انت تعبان، صوتك مش عجبني.
الجد سليم: الدكتور كلمني وقالي روجيدة تمام وتقدر تخلف ومفيش عندها موانع، ولازم انت كمان تروح تكشف وتعمل تحليل عشان يشوف التأخير من إيه.
لينتفض فهد من مكانه قائلًا بعصبية: أنا مش عارف في إيه، احنا ما بقالناش كتير متجوزين، ليه الصربعة دي؟
الجد سليم: صربعة إيه يا فهد؟ أنا نفسي أطمن عليك، نفسي أشوفلك حتة عيل قبل ما أموت.
فهد: ما تقولش كدا، بعد الشر عنك يا جدي، ربنا يبارك في عمرك ويخليك لينا.
الجد سليم: يا ابني دي سنة الحياة، أنا نفسي أشوف عيالك، انت وعمر، انتوا اللي فضلتوني بعد ما أبوك الله يرحمه اتوفى، وعمك اللي سافر وحتى لا بيسأل عليا ولا على ابنه.
فهد: بتأفأف، حاضر يا جدي اللي تشوفه.
الجد سليم: بجد يا فهد؟ يعني أحجزلك؟
فهد: مش وقته، نخلص من المشروع دا، وأوعدك هعمل اللي انت عوزة.
ليجمع أوراقه ويضعها في الشنطة المخصصة للعمل، ويتركه ويصعد لغرفته.
الجد سليم: ربنا يهديك يا ابني يارب.
يتبع.
الفصل الثالث
في مكان جديد، أول مرة نزوره، في شركة فايز الجيار، أكبر منافسين لشركات فهد.
فايز الجيار، 52 سنة، رجل لعوب، يعمل في كل ما هو ممنوع، شعاره في الحياة: الغاية تبرر الوسيلة.
فايز الجيار يهاتف شخصًا ما: أنا قولتلك كلمة واحدة، المناقصة الجديدة أنا اللي هاخدها ومعنديش حل تاني. انت اخدت مني فلوس كتير المرة دي، وإلا بقي هوصل الملفات اللي تحت إيدي لفهد باشا وهو يشوف شغله معاك.
الشخص: لا لا أرجوك يا فايز بيه، إن شاء الله هعمل اللي انت عوزه.
فايز: لما أشوف. إلا قولي، البنت اللي قولتلي عليها اسمها إيه؟
الشخص: اسمها عبير يا باشا.
فايز: طيب في أقرب وقت عوزك تعرفني عليها.
الشخص: حاضر يا فايز باشا، انت تأمر.
فايز بعد ما أنهى المكالمة بابتسامة شيطانية: والله وجَه اليوم اللي هشفي غليلي منك، وهخلص القديم والجديد يا ابن المهدي.
في يوم جديد تشرق فيه الشمس على أبطالنا.
عند ملك.
استيقظت ملك ودخلت إلى الحمام وتوضأت وارتدت إسدالها ثم صلت وهي على سجادة الصلاة، رافعة يدها دعت ربها بأن ييسر أمرها.
انتهت ملك وأبدلت ملابسها وهمت بالذهاب لسارة صديقتها.
رنت جرس الباب، فتحت لها سارة.
ملك: صباح الخير يا سوسو.
سارة: صباحو فل يا لوكا.
سارة: ناوية على إيه النهاردة؟
ملك: هنزل أدور على شغل، مفيش حل غير كدا قدامي.
سارة: فعلًا حبيبتي، ربنا يسهلك أمرك يارب، وإن شاء الله انتي قدها.
ملك: آها يا سوسو، يا رافعة معنوياتي. قالتها وهي تحتضنها.
ملك: مالك يا سارة؟ فيكي حاجة؟
سارة: والله ما عارفة أقولك إيه.
ملك: هو الموضوع خاص بدكتور عصام؟
سارة: أيوة يا ملك، مش عارفة، ساعات بحس إنه بيبادلني نفس إحساسي بيه، وساعات بحس إني ولا على باله.
ملك: يا سارة يا حبيبتي، دكتور عصام راجل عملي، تقريبًا مش بيعرف يعبر عن إحساسه.
سارة: يعني تقصدي إيه؟ تقصدي إني أصارحه باللي في قلبي؟
ملك: لا طبعًا مش دا قصدي، أنا قصدي إنك تركزي في مذاكرتك، انتي في طب يعني مذاكرة ليل ونهار، وسيبك من الحكاية دي مؤقتًا، الوقت هو اللي هيحلها. وعلى فكرة أنا حاسة إن دكتور عصام مهتم بيكي. انتي ناسية ازاي لما جبتي مجموع كبير وهو اللي شجعك على دخولك طب؟
سارة بسعادة: بجد يا ملك؟ تفتكري؟
ملك: طبعًا يا بنتي، هو انتي شوية؟ دا انتي القمر بتاعنا.
سارة: هو يطول. ياريت يا ملك، أصلك ما تعرفيش أنا بحبه قد إيه، آها دا هو العشق يا بنتي.
ملك ضاحكة: يا بت اتقلي، مش كدا. يلا اسيبك بقي سلام. قالتها ملك وهمت بالذهاب لإيجاد عمل.
في فيلا الجد سليم المهدي، في غرفة فهد.
فهد: يوووه احنا مش هنخلص من الزن دا؟ قولتلك لما أخلص من المشروع اللي في إيدي، وكمان في حفلة رجال الأعمال السنوية، كل دا وانتي بتتكلمي في تفهات.
روجيدة: تفهات؟ انتي بتسمي الخلفة تفهات يا فهد؟ وتظاهرت بالبكاء: يبقى انت مش بتحبني زي ما ماما بتقول. لو بتحبني كنت سعيت للخلفة بنفسك. يا فهد أنا بحبك ونفسي في حتة طفل منك يكبر جوايا، وكمان جدك اللي مستلمني كل يوم في الرايحة والجاية، واديني عملت زي ما قال والدكتور قالي كله تمام.
فهد بضيق: خلاص يا ستي، هعملك اللي انتي عوزاه بس أخلص من الشغل اللي عندي.
روجيدة: حبيبي يا فهود، هتيجي على الغدا النهاردة؟
فهد: لا اتغدوا انتوا، أنا هتأخر.
روجيدة: ماشي يا حبيبي، أنا هتغدي مع مامي وهقعد معاها، وانت راجع عدي عليا خدني.
فهد: ماشي، يلا سلام. قالها فهد وتركها وذهب.
في غرفة الألعاب الرياضية الخلفية للفيلا، وهو يرتدي بدلة التمرينات الرياضية ويلبس الكفازات الخاصة برياضة الملاكمة، وهو يضرب الكيس الرملي، تدخل عليه جني.
جني وهي هائمة بشكله، فكان كالأبطال المحاربين بكتاب الأساطير، بشعره غير المرتب وقطرات العرق المتصببة على جبينه وعضلاته النافرة من المجهود.
عمر أول ما انتبه لها بابتسامة جانبية زادته وسامة على وسامته.
عمر: خير يا جني، في حاجة؟
جني: ها اه لا أبدًا، أصل أصل جدو بعتني ليك عوزك.
عمر: طيب روحي قوليله هخلص تمرين وهاخد شاور وجايله. احم، هو انت مش رايح الشغل النهاردة؟
عمر: لا أنا مسافر كمان 3 ساعات ورايا مأمورية في أسوان هقعد أسبوع.
جني بحزن: أسبوع؟ يعني مش هتحضر الحفلة؟
عمر: لا إن شاء الله هحضرها، هرجع على عصر يوم الحفلة.
جني: طب تحب أجهزلك شنطتك ولا حاجة؟
عمر: لا شكرًا، أنا محضر كل حاجة. قالها باقتضاب.
جني: هو انت زعلان مني؟
عمر: وهو انتي بتعملي حاجة تزعل؟

