أنا موافقة على الطلاق.”
قولتها وأنا واقفة قدامه، مستنياه يبصلي، أو يتوتر، أو حتى يستوعب إن الجملة دي عمرها ما خرجت مني قبل كده. لكن اللي حصل؟ إن إلياس ضحك، أيوة، ضحك فعلًا. ضحكة قصيرة وهو بيحط الموبايل على الكنبة وبيقول:ـ تمام يا ملك.
فضلت باصة له، فكمل وهو بيقوم من مكانه:ـ ولما تهدي ابقي كلميني. وراح ناحية الأوضة، كأن مفيش حاجة حصلت. كأن دي مش أول مرة أقول كلمة ممكن تهد بيت كامل. كأنها خناقة عادية من الخناقات اللي بتتنسي بعدها بساعتين.
وقفت مكاني وأنا ببص لضهرهوالغريب؟إني مزعلتش من رد فعلهلأن ده بالضبط اللي كنت متوقعاه. إلياس عمره ما كان بيصدق إن عندي قدرة أمشيعمره ما شافني غير الواحدة اللي بتسامحالواحدة اللي بتعديالواحد اللي مهما زعلت بترجعلدرجة إنه بقى متأكد إن ده هيحصل كل مرة.
دخل الأوضة وقفلت أنا باب الشقة وخرجت للبلكونةوالله ما كنت بعيطيمكن عشان تعبت من العياط أصلًاخمس سنين جوازخمس سنين كاملةولو حد سألني إذا كنت بحب إلياس؟هقول أيوة، لحد دلوقت، ودي كانت المشكلة، إنك ساعات بتحب حد جدًا، وفي نفس الوقت تبقى موجوع منه جدًا.
افتكرت أول سنة جوازلما كنت بستناه يرجع من الشغل وأفضل أجهز كل حاجة عشان نفرح بأي ساعة نقضيها سوا. كنت وقتها فاكرة إن أي مشكلة هتتحل، وأي خلاف هيعدي، وإن الحب كفاية. بس محدش قالنا إن الحب لوحده ساعات مبيبقاش كفاية، محدش قالنا إن التجاهل بيكسر أكتر من الخناقات، وإن الإهمال بيقتل حاجات جوا الإنسان من غير صوت.
في السنة التانية تعبتدور برد شديد وحرارة عالية، كلمته وقتها. ـ إلياس، لو سمحت تعالى بدري النهارده. ـ عندي شغل يا ملك. ـ مش قادرة أقف. ـ استحملي شوية. استحملت، ورجع بعد نص الليل. ولما شافني نايمة من التعب قعد يعتذر، وقتها سامحته زي كل مرة.
وفي السنة التالتة لما والدته قالت قدامي:ـ واضح إن الشغل أهم من البيت عند بعض الناس. كانت بتقصدني لأني شغالة في حضانة جنبنا، وهو سمع، والله سمع، بس عمل نفسه مسمعش، ولما رجعنا البيت زعلت. فقال:ـ خلاص يا ملك، كبري دماغك.
كبرت دماغي، وفي المرة اللي بعدها كبرت دماغي، واللي بعدها، واللي بعدها. لحد ما بقيت بحس إن مفيش حاجة ليا حق أزعل منها أصلًا. لأن الرد دايمًا واحد.”عديها.””كبري دماغك.””متعمليش مشكلة.”
المشكلة إن كل حاجة كنت بعديها كانت بتفضل جوايا، تتراكم، وتتراكم، وتتراكم، لحد ما بقت جبل.
سمعت باب الأوضة بيتفتح ولقيته واقف بيبصلي من بعيد. ـ لسه زعلانة؟ضحكت بمرارة. ـ تخيل. ـ ملك بلاش بقى. ـ بلاش إيه؟ـ إحنا أكبر من الحركات دي. هزيت راسي. ـ فعلًا، إحنا أكبر من كده بس واضح إنك الوحيد اللي مش واخد بالك.
عقد حاجبيه. ـ قصدك إيه؟بصيتله ثواني، ثواني طويلة. وقولت:
ـ أنت فاكر إننا بنتخانق بسبب اللي حصل النهارده؟ـ مش ده السبب؟ـ لا. ـ أومال؟ابتسمت. ـ إحنا بنتخانق بسبب كل اللي حصل قبل النهارده. سكت وأنا لأول مرة مكملتش كلام. لأن الحقيقة؟
كنت تعبت من الشرحتعبت من إني أشرح أنا زعلانة ليهومكسورة ليه، ومتغيرة ليه. لو كان عايز يفهم، كان فهم من زمان. دخلت أوضتي وقفلت الباب، وهو مدخلش ورايا، ولا حاول يكلمني، ولا حتى خبط على الباب وده كان طبيعي.
لأن إلياس كان لسه مقتنع إن بكرة الصبح هصحى عادي وأعمل الفطار عادي، وأرجع ملك القديمة عادي. أما أنا فأول مرة من سنين بدأت أسأل نفسي سؤال واحد بس، هو أنا لو فضلت مكملة بالشكل ده عشر سنين كمان هفضل أنا؟ ولا هضيع في النص؟
____________________صحيت تاني يوم بدري على غير عادتي مفيش سبب معين، أو يمكن فيه يمكن عشان نمت ساعتين بس. قمت من السرير وبصيت جنبي، مكان إلياس كان فاضي، غالبًا نزل الشغل. مفيش ورقة، مفيش رسالة، مفيش حتى “صباح الخير”، والغريب إن دي أول مرة آخد بالي من حاجة زي دي، أو يمكن أول مرة أبطل أبررها.
دخلت المطبخ أعمل قهوة، وبعد ما خلصت طلعت وأنا بفتح درج في الأوضة بتاعتنا وطلعت منه صورة فرحنا. صورتين بيضحكوا، والله كنا مبسوطين مش تمثيل، مش كذب، كنا فعلًا مبسوطين. لدرجة إني قعدت أبص للصورة دقيقة كاملة وأسأل نفسي:إحنا إمتى اتغيرنا؟
وإزاي؟إزاي اتنين كانوا بيستعجلوا الساعة تعدي عشان يشوفوا بعض، بقوا يقعدوا بالساعات في نفس البيت ومحدش فيهم يحس بالتاني؟رن موبايلي، كانت أمي وقبل ما ترد كنت عارفة إن كلمها وشكالها ودي تاني حاجة بتضايقني إنه ليه يدخل حد في مشاكلنا حتى لو كانوا أهلي؟
أول ما رديت قالت:ـ عاملة إيه يا ملك؟ـ الحمد لله. ـ وإلياس؟ضحكت من غير إرادة مني. ـ معرفش. ـ يعني إيه متعرفيش؟ـ يعني نزل الشغل. سكتت ثواني. وبعدين قالت:
ـ ملك، متكبريش الموضوع. غمضت عيني، نفس الجملة، نفس الجملة اللي حافظاها.
