حاضر يا ماما. ـ أنا بكلمك لمصلحتك. ـ عارفة. ـ الراجل بيغلط. ـ والست كمان. ـ قصدت إن مفيش بيت بيخلى من المشاكل. ـ وأنا مقولتش إن فيه. ـ أومال؟بلعت ريقي وقولت بهدوء:
ـ المشكلة يا ماما إن الناس كلها بتخاف على البيت، ومحدش بيخاف على اللي جوه البيت. سكتت، وأنا كملت:
ـ محدش بيسأل الست دي بقت عاملة إزاي. بقت مبسوطة ولا لا، مكسورة ولا لا، قادرة تكمل ولا لا.
كل اللي يهم الناس إن البيت يفضل واقف. حتى لو اللي جواه وقعوامردتش، وأنهينا المكالمة._____________________
عدى أسبوع، أسبوع كامل، والبيت غريب، مفيش خناقات بس مفيش كلام برضه. إلياس بقى ييجي متأخر، وأوقات يرجع يلاقيني نايمة، وأوقات أنام وأنا لسه مستنياه، لكن ولا هو فتح الموضوع، ولا أنا.
لحد ما في يوم كنت قاعدة في أوضة النوم برتب الدولاب، ولقيت صندوق صغير، صندوق كنت حاطة فيه حاجات قديمة. خطابات، صور، تذاكر خروجات، حاجات من أول الجواز. فتحت واحدة منهم، ورقة صغيرة كان كاتبها إلياس ليا بعد شهر من جوازنا.
“لو زعلتك يوم، متسيبينيش من غير ما أعتذر.”
فضلت باصة للكلمة، ودموعي نزلت غصب عني، مش عشان الورقة. عشان الراجل اللي كتبها. فينه؟راح فين؟إمتى بطلنا نهتم للدرجة دي؟_____________________وفي نفس الليلة، رجع إلياس بدريأول مرة من شهور. دخل البيت، وبص حواليه. ـ ملك. ـ نعم؟ـ ممكن نتكلم؟
بصيتله. ـ اتفضل. قعد قدامي، ولأول مرة كان متوتر، واضح جدًا. ـ أنا حاسس إنك اتغيرتي. ضحكت. ـ أخيرًا. ـ بتتريقي؟ـ لا. ـ أنا بتكلم بجد. ـ وأنا بقولك بجد. أخيرًا أخدت بالك. سكت. وبعدين قال:
ـ هو الموضوع وصل لكده فعلًا؟ـ أي موضوع؟ـ الطلاق.
والله لأول مرة أشوف الكلمة وهي خارجة من بقه بالشكل ده. مش تهديد، مش عصبية، خوف، خوف حقيقي. بس المشكلة؟ إنه جه متأخر، متأخر أوي. ـ أنت لسه فاكر إني كنت بهزر؟ـ كنت فاكرك زعلانة وخلاص. ضحكت. ـ وأنا كنت فاكرة إنك فاهمني.
سكت، وأنا كملت:ـ بس واضح إن إحنا الاتنين كنا غلط.____________________في نفس الليلة رن جرس الباب، فتح إلياس ولقيت والدته داخلة. أول ما شافتني قالت:
ـ مالك وشك أصفر كده ليه؟مجرد سؤال عاديلكن لأول مرة في حياتي مردتش بابتسامة.
ـ مفيش يا طنط شوية تعب الحمد لله. قعدت، وهي بدأت تتكلم مع إلياس، عن قريبته، وعن فرح بنت خالته، وعن حاجات كتير لحد ما قالت جملة صغيرة جدًا. جملة يمكن محدش ياخد باله منها، لكن أنا أخدت بالي. ـ أصل الست الشاطرة هي اللي تعرف تحتوي جوزها مهما حصل.
وأنا فجأة ضحكت. ضحكة قصيرة جدًا، النوع اللي بيطلع لما الإنسان يكون وصل لآخره. بصتلي باستغراب. ـ بتضحكي على إيه؟بصيتلها، ولأول مرة من خمس سنين، قررت مسكتش. يُـتبـع…_____________________________________#روايات_واسكريبتات_مميزة#مَـارِي
بصيتلها، ولأول مرة من خمس سنين، قررت مسكتش.
ـ بضحك عشان حضرتك بتقولي إن الست الشاطرة هي اللي تعرف تحتوي جوزها مهما حصل. بصتلي باستغراب وكأنها مش متعودة تسمع النبرة دي مني. ـ أيوة، وماله؟هزيت راسي بهدوء. ـ ومين يحتوي الست يا طنط؟سكتت، وأنا كملت:
ـ لما تتعب؟ لما تتكسر؟ لما تبقى شايلة فوق طاقتها؟
مين يحتويها؟ـ هو أنا عملتلك حاجة؟ضحكت ضحكة صغيرة. ـ المشكلة إن محدش شايف إنه عمل حاجة أصلًا. ـ قصدك إيه؟ـ أقصد إن كل مرة كنت أزعل فيها، كنت ألاقي الناس كلها بتطلب مني أستحمل، ومحدش بيسألني أنا قادرة أستحمل ولا لا. سكتت، حتى إلياس سكت.
وأنا لأول مرة حسيت إن الكلام اللي مخبياه جوايا من سنين بيطلع لوحده. ـ أول سنة جواز لما كنت أرجع من الشغل تعبانة وأدخل المطبخ وأعمل كل حاجة، كنت بقول معلش، ولما كنت أتعب وألاقي نفسي لوحدي، كنت بقول معلش، ولما أسمع كلام يوجعني، كنت بقول معلش، ولما أرجع أعيط في أوضتي، كنت برضه بقول معلش، كل حاجة كانت بتتحل عند الناس بكلمة واحدة “استحملي”.
حماتي عقدت حاجبيها. ـ يعني إحنا ظلمناكِ؟ـ لا. قولتها بهدوء. ـ إحنا ظلمنا نفسنا لما فضلنا نعتبر إن تحمل الست فضيلة حتى لو بيموتها من جوه. لقيت إلياس بيرفع عينه ليا وأول مرة أحس إنه بيسمع فعلًا، مش مستني يثبت إني غلط بس بيسمع.
حماتي بصتله وقالت بضيق:
ـ شايف مراتك بتكلمني إزاي؟وقتها حصلت حاجة مكنتش متوقعاها إنه رد عليها.!ـ لا يا أمي، ملك عندها حق. سكتت، وأنا سكت. يمكن عشان دي أول مرة في خمس سنين أسمعه يقولها، أول مرة ميطلبش مني أكبر دماغي، أول مرة ميطلبش مني أعديها، أول مرة ميبقاش الحل عنده إني أسكت.
قامت والدته وهي متضايقة. ـ ماشي يا إلياس واضح إن مراتك بقت أهم من أمك. وقف هو كمان. ـ حضرتك أمي وهتفضلي أمي طول عمرك، بس ده ميمنعش إن ملك اتوجعت كتير. بصتله بصدمة، أما أنا فكنت واقفة مكاني، مش فرحانة، مش منتصرة، بس حاسة إن حاجة كان لازم تتقال من زمان أخيرًا اتقالت.
