الفصل الخامس عشر
صباحًا في فيلا سليم، كان الجد على طاولة الفطور وبجواره جني وعمر.
عمر: صباح الخير.
نظرت له جني ولم ترد.
سليم: صباح الخير.
فهد: رجعت.
سليم: حمد لله على السلامة.
فهد: الله يسلمك.
فهد: هنقعد امتى عشان نتفق؟
عمر: نتفق على إيه؟
فهد: على معاد الفرح، وعشان تشوفوا إيه ناقص.
عمر وهو ناظر لجني: لا يا فهد، أنا أجلت الموضوع شوية.
سليم: ويتأجل ليه يا ابني؟
جني: جدو لو سمحت، أنا بقول نأجله خالص.
فهد: في إيه يا جني؟
جني: مفيش يا ابيه، أنا بقول أنا لسة قدامي كلية، وكمان أنا نفسي أشتغل مضيفة، والجواز هيعطلني عن كل دا.
عمر: وأنا ما يرضنيش أعطلك يا بنت عمي.
التفت لهم عمر، وتابع فهد: جدي، جني قالت اللي عندها.
فهد: أنا رايح على الشغل، وبالليل هاخد هدومي وأروح شقتي.
سليم: إيه الكلام دا؟ انت عاوز تفرقنا؟
عمر: لا يا جدي، أنا هبقي مرتاح هناك.
وتركهم وغادر.
أما جني فكانت تبكي بقلبها قبل عينها.
جني: بعد إذنكم.
وصعدت باكية.
فهد: العيال دي اللي حصل بينهم؟
سليم: هما شادين مع بعض شوية وهيرقوا، أنا عارفهم، هما بيحبوا بعض قد إيه.
فهد: طيب يا جدي، ربنا يهدي.
[تم استبعاد مشهد حساس]
في مكتب ملك بالشركة، كانت على مكتبها تنقل الملفات على الكمبيوتر الخاص بها، وهي تنقلها وجدت خطأ.
ملك: إيه دا؟ الأرقام دي غلط، دي مكتوبة مرتين، وطبعًا الحساب بيزيد. أكيد مستر فهد مش عارف اللعب اللي في الملفات. لازم لما يرجع أقول له.
بعد وقت من العمل حضر فهد.
فهد: آنسة ملك، حضرتي الملفات اللي هتكون معانا في الاجتماع؟
ملك: أيوة يا فندم.
فهد: طيب ممكن القهوة؟
ملك: حاضر يا فندم، ثواني وتبقي عند حضرتك.
ذهبت ملك وأحضرت القهوة.
ملك: مستر فهد، هتشربها على المكتب ولا هنا؟
فهد: لا حطيها عندك. قالها وهو ينظر في الأوراق التي أمامه.
وضعتها ملك.
ملك: مستر فهد.
فهد: خير يا ملك.
ملك: كنت عوزة أوري حضرتك حاجة.
فهد: حاجة إيه؟
ملك: وأنا بسيف الملفات على الكمبيوتر لقيت فيها غلطات كتير، مثلًا في حاجات مكتوبة مرتين وتلاتة، وفي غلطات في الحسابات.
فهد: وريني كدا، تقصدي إيه؟
ملك: اتفضل يا فندم، مثلًا هنا في بناء القرية السياحية، هنا مكتوب حديد بسعر كذا، ومعدات بسعر كذا، ورجع مكتوب تاني حديد، يعني السعر متضاف مرتين، وطبعًا في الحساب الإجمالي اتحسب تاني. ومش في الملف دا، دا في كذا ملف.
فهد: تمام يا ملك، سيبيلي الملفات دي، وروحي انتي كملي شغلك.
ملك: حاضر يا فندم.
يتصل فهد بالهاتف على شريف.
فهد: شريف، تعالي حالًا، في حاجة مهمة عوزك فيها.
[تم استبعاد مشهد حساس]
في مكتب فهد.
فهد: اتفضل يا سيدي، شوف الملفات دي، وطبعًا أكيد مش أول مرة يتنصب علينا.
شريف: يا خبر، إيه دا؟ طيب والعمل؟
فهد: الاجتماع فاضل عليه ٣ ساعات، اجمعلي كل المحاسبين في الشركة حالًا.
شريف: ماشي يا بوص.
ويرحل شريف لجمع جميع محاسبي الشركة.
فهد: كل محاسب راجع الملف دا هيتجازي، ومش بس كدا، هيعوض الشركة عن الغلطة دي، وإلا بقي هقدم الملفات دي للنيابة وهي اللي هتحقق.
كبير المحاسبين: يا فندم، كل محاسب بيراجع ملف بيمضي عليه، نشوف الملفات اللي فيها غلطات مين اللي راجعها، عشان ما نظلمش حد، وأنا أول واحد تراجعوا ملفاتي.
[تم استبعاد مشهد حساس]
عند سارة وعصام.
عصام: وانت عامل إيه يا ابني؟
عصام: أنا كويس يا طنط.
أم سارة: دايمًا يا حبيبي لما أقوم أعملك شاي.
عصام: اتفضلي يا طنط.
أم سارة: ها يا سارة، مستعدة للكلية؟ مفيش حاجة عليها؟
سارة: أيوة إن شاء الله.
عصام: حبة تتخصصي في إيه؟
سارة: أطفال.
عصام: ليه؟
سارة: عشان أنا بحبهم.
عصام: طيب خير، ربنا يوفقك.
[تم استبعاد مشهد حساس]
في فيلا سليم.
كان عمر يلملم أشياءه في الحقيبة.
دخل سليم عليه.
سليم: بردو يا عمر، عاوز تعمل اللي في دماغك كدا يا ابني؟
عمر: معلش يا جدي، سيبني على راحتي.
سليم: ليه كل دا يا ابني؟ ما تخليش الشيطان يتغلب عليكو. أنا كبرت ومش حمل فراق، كفاية أبوك ومن قبله عمك.
عمر: يا ابني، انتوا اللي فضلتوني. قالها وجلس في تعب.
عمر: جدي، انت تعبان؟
سليم: خلاص، اللي انت عاوزه أنا هعمله.
سليم: ترجع حاجتك مكانها، وتصالح بنت عمك، وتقعد مع أخوها تحدد كتب كتابكم، دا لو مش عاوز تكون دخلة.
عمر: يا جدي…
يقاطعه سليم: اعمل اللي قولتلك عليه يا ابني، البنت مموته نفسها من صباح ربنا.
عمر: حاضر حاضر يا جدي.
[تم استبعاد مشهد حساس]
عند فهد وملك.
فهد: ملك، خدي الشيك دا عشانك.
ملك: عشاني ليه؟
فهد: إيه اللي ليه؟ انتي ناسيه اللي عملتيه؟
ملك: لا يا فندم، أنا ما عملتش حاجة، دا شغلي.
فهد: وأنا قولتلك قبل كدا، أنا ما ببخلش على اللي بيشتغلوا معايا، وانتي كسبتي الشركة كتير في صفقة الأجهزة، وكمان الأخطاء اللي في الملفات.
ملك: يا فندم، بس بردو المبلغ كبير أوي، دا 20 ألف ج.
قام من مكانه وارتدى جاكيته.
فهد: انتي تستاهلي أكتر من كدا. تعالي لما أروحك.
ملك: لا يا فندم، مش كل مرة هتعب حضرتك.
فهد: لا تعب ولا حاجة، يلا جهزي حالك.
[تم استبعاد مشهد حساس]
الفصل السادس عشر
في بيت سارة.
سارة: يلا يا سارة هنتأخر.
ملك: يا بنتي ما تقلقيش، مش هنتأخر.
أم سارة: جهزتوا يا بنات؟
سارة: أيوة يا ماما.
أم سارة: طيب يا حبايبي عشان ما تتأخروش.
ويذهبا إلى أحد المولات لشراء الكثير من الملابس لملك وسارة.
سارة بعد لف: آه، حرام كدا، أنا رجلي مش قادرة. تعالي نقعد شوية.
ملك: طيب تعالي.
سارة: أنا حاسة بلمعة في عنيكي كدا جديدة.
ملك وهي تشرب العصير: لمعة إيه يا أم لمعة انتي؟ ههههه.
سارة: اضحكي اضحكي وتوهي الكلام، ملك حساكي متغيرة بجد. في حاجة أنا ما عرفهاش؟
ملك: بصي يا ستي، تقدري تقولي في حاجة، بس مش عارفة إيه.
سارة: آه قولتيلي، ودا من امتى؟
ملك: بردو مش عارفة.
سارة: ويبقي مين سعيد الحظ؟
ملك: يبقي مستر فهد صاحب الشركة.
سارة: طيب وهو؟
ملك: مش عارفة يا سارة، عارفة هو راجل تقيل أوي، راجل فيه كل الشخصيات، جنتل وقاسي وكريم وحازم و…
سارة: حيلك حيلك، أنا بسألك هو مشاعره إيه من ناحيتك، مش بقولك اوصفيه. خلي بالك يا ملك، انتي مالكيش تجارب في الحياة، ما تثقيش في حد بسهولة.
ملك: يا بنتي الحكاية من طرف واحد بس.
سارة: طيب وهو ما لامحش ليكي بأي حاجة؟
ملك: لا.
سارة: طيب بصي بقي، قلبك غالي، مش أي حد يسكن فيه، فهماني يا ملك؟
ملك: فهمانكي أكيد، بس مشاعرنا مش بإيدنا.
سارة: أكيد، بس بردو خلي بالك.
ملك: يلا بقي نكمل الحاجات عشان ما نتأخرش.
سارة: يلا بينا.
[تم استبعاد مشهد حساس]
الفصل السابع عشر
[تم استبعاد مشهد حساس]
في بيت سارة.
سارة: دا كل اللي حصل؟ وبعدين وانتي رأيك إيه؟
