الفصل الأول
في أحد الأحياء القديمة بالإسكندرية، داخل بناية سكنية، تجلس ملك وحدها تتناول الفطور، فهي تعيش بمفردها منذ رحيل والديها في حادث.
يرن جرس الباب، فتقوم تفتح الباب.
سارة: صباح الخير يا لوكا.
ملك: صباح الفل يا سوسو.
سارة جارة ملك وصديقة طفولتها، في نفس سنها، في السنة الأولى من كلية الطب، فكان حلمها هي وملك منذ الصغر أن يصبحوا أطباء، ولكن ملك حولت إلى تجارة كي تستطيع دفع المصروفات.
سارة: ها فطرتي؟
ملك: أيوة فطرت.
سارة: هتعملي إيه النهاردة؟ بردو هتروحي له؟
ملك: أيوة لازم أشوف لي حل معاه.
سارة: طيب لو عمل معاكي زي كل مرة وماطل، هتعملي إيه؟
ملك: والله ما عارفة، أنا مش معايا حتى ورق يثبت حقي، بابا الله يرحمه كان واثق فيه جدًا.
سارة: طيب يا حبيبتي، ربنا يوفقك ويحنن قلبه عليكي ويديكي حقك.
ملك: يارب يا سوسو.
تخرج الفتيات من بيت ملك، فيجدوا الست فاتن أم سارة أمام بيتها.
أم سارة: ها يا بنتي نازلة؟
ملك: أيوة يا طنط بإذن الله.
أم سارة: ربنا يوفقك يارب.
ملك: يارب يا حبيبتي ادعيلي.
الست فاتن أم سارة جارة ملك، وكانت صديقة لوالدتها، فهي تحبها كابنتها، ووقفت معها بعد رحيل والدتها ووالدها منذ أكثر من سنة.
ملك: هنزل أنا بقي.
أم سارة: ماشي يا حبيبتي ما تتاخريش.
ملك: حاضر يا طنط سلام.
تنزل ملك الدرج، فتجد دكتور عصام الساكن في نفس البناية يقفل باب شقته.
دكتور عصام: صباح الخير يا ملك.
ملك: صباح الخير يا دكتور.
دكتور عصام طبيب متخصص في أمراض النساء والتوليد، يعمل في إحدى المستشفيات الخاصة، 29 سنة، معجب بملك، ولكنها تعتبره أخًا لها ليس أكثر، أما سارة فهو عشقها منذ الصغر.
عصام: رايحة في مشوار؟ تحبي أوصلك؟
ملك: شكرًا يا دكتور، مش عوزة أتعبك معايا.
عصام: مفيش تعب ولا حاجة، يلا بينا.
تركب ملك مع د. عصام عربيته، ويتجهوا إلى مكتب شريك والدها كي تتوصل معه في حل لمشكلتها.
في فيلا الجد سليم المهدي، في غرفة فهد، يقف بهيبته أمام المرآة يرتدي ملابسه، وينظر من خلالها لتلك النائمة، ويتقدم إليها بتأفأف، ويجلس بالقرب منها.
فهد: روجيدة يلا قومي عشان تفطري معانا، أنا كدا هتأخر.
روجيدة: بهمهمة حاضر يا حبيبي، انزل انت وأنا هحصلك.
فهد: 10 دقايق بالكتير، لو ما لقيتكيش نزلتي، مفيش خروج النهاردة.
روجيدة: حاضر حاضر، أقل من 10 د وهتلاقيني تحت.
ينزل فهد ويتركها كي تجهز.
روجيدة الصواف، 27 سنة، من أكبر عائلات في الإسكندرية، جميلة وشيك جدًا، تحب فهد ولكن تحب المال والنفوذ أكثر، متزوجة من فهد أكثر من سنتين ولم تنجب، وهذا ما يعكر صفو حياتها، فالجد يصر يوميًا عليها وعلى فهد للذهاب للدكتور، فأمنية حياته رؤية حفيد لأكبر وريث له فهد.
في غرفة الطعام، نجد الجد يترأس الطاولة ويجلس بجانبه عمر، يدخل عليهم فهد ويقبل يده.
فهد: صباح الخير يا جدي، صباح الخير يا عمر.
عمر: صباح الفل.
الجد سليم: صباح الخير يا حبيبي، فين ميراتك؟
فهد: بتجهز ونازلة.
الجد سليم: هتعمل إيه النهاردة؟
فهد: في مشروع جديد، هجيب الورق النهاردة بإذن الله ندرسه مع بعض.
الجد سليم: على خيرة الله يا ابني.
فهد: أومال فين جني؟ هي مش هتفطر معانا ولا لسة نايمة؟
جني من خلفه: ودي تيجي يا ابيه بردو؟ صباح الخير يا ابيه. وتقبل يد جدها: صباح الخير على عيون أحلى جدوو.
الجد سليم: صباح الفل يا حبيبة جدوو.
جني: صباح الخير يا عمر. قالتها وهي لا تنظر إليه.
عمر: صباح الخير.
الجد وهو ينظر لهم من تحت النظارة: هو في حاجة مزعلاكي من عمر؟
جني وهي تنظر لعمر بغيظ: أبدًا يا جدوو مفيش.
عمر وهو يتجاهلها: طيب أقوم أنا، لهتاخر.
الجد سليم: انت لسة ما أكلتش.
عمر: لا كفاية كدا، أنا الحمد لله شبعت. وينظر بتعالي لجني ويلقي السلام عليهم ويذهب.
جني بغيظ: غتت.
الجد: بتقولي حاجة يا جني؟
جني: هاا أبدًا يا جدوو.
تدخل عليهم روجيدة: صباح الخير يا جماعة. وتجلس بجانب زوجها.
الجد وجني وفهد: صباح الخير.
الجد سليم: إن شاء الله تجهزي نفسك الساعة 5، أنا حجزتلك عند دكتور كبير وشاطر.
روجيدة: حاضر إن شاء الله، هتيجي معايا يا فهد؟
فهد: لا أنا مش فاضي، ممكن تاخدي مامتك معاكي، هنراجع ورق مشروع جديد.
روجيدة بتذمر: طيب.
وبعد تناول الفطور، يلقي عليهم فهد السلام ويذهب لعمله، وتصعد كلًا من جني وروجيدة لغرفتها.
تصل ملك إلى مقر شركة شريك والدها.
ملك: السلام عليكم، ممكن أقابل مجدي بيه؟
موظف الاستقبال: والله يا فندم، مجدي باع صفيه الشركة هنا وسافر.
ملك: إيه بتقول إيه؟ سافر؟ سافر فين؟
الموظف: والله يا هانم ما أعرف، كل اللي أعرفه إنه سافر، وإن صاحب الشركة الجديد اسمه حاتم بيه. تحبي تقابليه؟
ملك: أقابله أقول له إيه؟ طيب ممكن لو سمحت تخليني أقابله، يمكن يعرف مكانه.
الموظف: ثواني. ويتصل على السكرتيرة لتستأذن لها بمقابلته.
الموظف: حاضر، اتفضلي يا هانم، حاتم بيه في انتظارك.
تصعد ملك لمكتب صاحب الشركة الجديد.
السكرتيرة: أفندم.
ملك: ممكن تبلغي حاتم بيه إني عوزة أكلمه؟ قوليله ملك عبد الله.
السكرتيرة: أوك، ثواني أبلغه.
بعد دقائق تأتي لها السكرتيرة.
السكرتيرة: اتفضلي.
بداخل المكتب يجلس رجل في الـ 50 من عمره، ويأذن لها بالتقدم.
حاتم: اتفضلي.
ملك: شكرًا لحضرتك، ممكن أسألك؟ هو مجدي بيه صفى الشراكة بينكم صح وسافر؟
حاتم: أيوة، الكلام دا من شهرين.
ملك: طيب حضرتك ما تعرفش مكانه؟
حاتم: والله اللي أعرفه إنه سافر ألمانيا ومش هيرجع تاني.
ملك بدموع: سافر؟ طيب وأنا أعمل إيه؟
حاتم: أنا مش فاهم حاجة، ممكن توضيح؟
ملك ببكاء: مجدي كان صاحب بابا الله يرحمه، وخلاه يبيع حتة الأرض اللي حيلتنا على دهب ماما، على مبلغ كان محوشه في البنك، واداهم لمجدي بيه عشان يشاركه في مشروع، وكان ماشي كويس لحد ما بابا اتوفى. دلوقتي بابا بقاله سنة متوفى، وكل ما أجيله يقولي مفيش فلوس، المشروع بيخسر. وآخر مرة جيتله هنا قالي تعالي بعد شهرين أكون كونلك مبلغ كويس، واديني جيت لقيته سافر.
حاتم: والله يا بنتي أنا مش عارف أقولك إيه، أنا استلمت الشركة من شهرين ومعرفش أكتر من اللي قولتهولك.
قام من مكانه وتوجه إليها، وأخرج من جيبه بعض المال وقال لها: ممكن تقبلي مني المبلغ دا، ولو احتجتي حاجة أنا زي والدك.
ملك وهي تنظر إليه بعيونها كلها دموع: حضرتك أنا مش شحاته، أنا اتنصب عليا.
حاتم: ومين قال إنك شحاته؟ خدي المبلغ دا، وأول ما يتوفر معاكي فلوس روديه.
تنهض ملك وتتجه إلى الباب وهي تجفف دموعها: شكرًا لحضرتك. وخرجت فورًا من المكتب.
لينظر حاتم في أثرها وينظر لرزمة المال ويقول: بنت عفيفة النفس…
تهبط ملك وتخرج من الشركة وهي تبكي وتقول في نفسها: الله يرحمك يا بابا، لو كنت عايش ما كانش حصل كدا.
البارت خلص، يارب يعجبكم.
الفصل الثاني
في عيادة الدكتور.
الدكتور: بصي يا مدام روجيدة، مبدئيًا كدا حضرتك معندكيش أي موانع للحمل، وللاطمئنان هنعمل شوية تحليل وبإذن الله كله خير.
مامة روجيدة: طيب خير يا دكتور، هنعمل التحاليل وهنجيبهالك، شكرًا لحضرتك.
ويهموا بالخروج من العيادة. مامة روجيدة سيدة في بداية عقدها الخامس، سيدة من سيدات المجتمع الراقي.
في فيلا الجد سليم المهدي، في غرفة جني، تجلس مع صاحباتها المقربين، آلاء وهايدي، في نفس سنها ويدرسون في نفس كليتها.
آلاء لجني: انتي يا بنتي، انتي افردي بوظك دا.
جني: سيبيني في حالي، مش دا كان رايك؟
