شاردة بحالها كيف كانت منذ أيام قليلة وكيف صارت الان، كيف تبدل حالها، كيف كانت تحلق عاليا من السعادة وكيف اصبحت تائهة بدنياها حتى هذة اللحظة لا تفهم لا تعى ما يحدث حولها تشعر كأنها مساقة ، رفعت راسها لاعلى مغمضة العينين تتساءل…
” انا ايه ال جابني هنا، انا عمرى ما جيت البلد دى ،انا كنت بسمع عنها بس، ده انا حتى ما كنتش اعرف بيروحوها أزاى؟! ودلوقتي بقت هى مكانى واهو راكبة مواصلة منها علشان اروح شغلى واخر اليوم مواصلة علشان ارجعلها تأنى”
نظرت من النافذة جوارها اكملت بمرارة: انا ايه ال بيحصلى ده يارب.
أتتها الإجابة سريعة ” الحمد لله” عبارة كتبت على ظهر سيارة اجره مرت من أمامها.اغمضت عينيها: الف حمد وشكر ليك يارب بس انا مش قادرة استوعب ، ازاى يعنى يحصل ده كله فى الفترة الصغيرة دى انا مالحقتش افوق من جرح قلبى مش يمكن لو كنت استنيت كان رجع مش يمكن الأمور ما بينا كانت اتصلحت؟!
أنتفضت من جلستها على صوت عالى يصدح ب” مرأت واحد ما يخدهاش واحد”
هزتها تلك الجملة بقوة، جعلتها تلتفت حولها لتعرف مصدرها، يقع نظرها على رجلين جالسين بالأمام إلى جوار السائق يتحدث أحدهم بحمية وعصبية متابعا الى من يجلس جواره.
” كله مكتوب مين هيتجوز مين وامتى وازاى ربك مسبب الاسباب ياخي ”
ضيقت عيناها بخوف وهى تستمع لحديثه، لتتساءل برعب هل يمكن أن يكونا قد استمعا لحديث نفسها، هل كانت شاردة لتلك الدرجة ولم تعى على أفكارها التى خرجت بصوت مسموع للجميع، لم تتحمل كثيرا نظرت من النافذة لتجد أنها كادت تقترب من مكان عملها تبقى مسافة صغيرة يمكن أن تسيرها على قدميها هى بالأساس بحاجة لذلك، لتنطق سريعا:
“على جنب هنا يا اسطا”
أسرعت بخطاها وهى تستنشق الهواء العليل من حولها، خطت بقدمها لداخل الحضانة التى تعمل بها، يهنئها ويبارك لها كل من يقابلها ولم تخفى عليها نظراتهم المندهشة وعلامات الاستغراب تملأ وجوهوهم.
دلفت إلى الصف الخاص بها ولم تبالى بتلك الواقفة بالزاوية تنظر لها من بعيد لا تقوى على الاقتراب منها او حتى تهنئتها كما فعل زملاءها وهى الأقرب لها هنا من الجميع، لتضع الأخرى الهاتف على اذنها لتنطق بعد لحظات عندما أجابها الطرف الاخر:
_الو.
_…
ايوه جت جت بس .
_……
شكله زى ما قولتلك اتجوزت.
_…
_ما هو كل بيباركلها اهو.
_….
_حاضر حاضر هتابعها من بعيد لحد ما تيجى، سلام.
تنهدت عقب أغلاقها للهاتف متمتمه: ربنا يستر.
بينما هى عقب دخولها التف حولها الأطفال سعداء بعودتها لهم فلقد مر اسبوع كامل ولم يروها به.
بعد وقت والأطفال منشغلين بالرسم وهى جالسة على مكتبها الصغير تنظر لهم تتابعم بعينيها وعقلها بمكان أخر تحرك قلمها بين اصابعها بشرود.
_”مريم”
_تخشب جسدها ، أنقبضت يدها على القلم بقوه تنظر امامها لا تعرف هل تتوهم صوته ام ماذا؟
_اتاها الصوت مرة أخرى” مريم”
اغمضت عينيها لبرهه تستجمع شتاتها، التفت برأسها باتجاه الباب ببطء ليرتجف قلبها بين أضلعها وهى تراه يقف أمام الباب.
ازاحت عينيها بعيدا عنه وهى تنهره بصوت هادى مرتجف خائف لا ترغب بأثارة جلبه: لو سمحت اتفضل من هنا وجودك هنا غير مرغوب فيه.
_انتى بتقوليلى انا الكلام ده يا مريم.
_مريم بتحذير: مدام مريم من فضلك.
اقتطع المسافة الفاصلة بينهم بخطوة وقف أمامها يميل عليها بجزعه بسرعة اجفلتها عادت على أثرها بظهرها للخلف.
_كدب، انتى مش ممكن تعملى فيا كده.
_حضرتك انا اتجوزت من أسبوع وكل الناس عارفه ده.
_ كفاية يا مريم انا عارف انى غلطت فى حقك، بس والله العقاب ده صعب عليا اوى كفاية لحد كده.
_ايه هو ال كفاية، حضرتك انا وحده ست متجوزه كلامك ده مينفعش ولا وجودك من الأساس.
نظر لها لثوانى ليخرج صوته متحشرج : طب فى عروسة تنزل شغلها بعد اسبوع من فرحها؟!
_اه، عادى وممكن من تانى يوم كمان.
_طب فين دبلتك انتى مش لابسة دبلة فى ايدك.
_انا مش مجبرة انى ابررلك حاجة بس علشان تقتنع وتمشى دبلتى وسعت على ايدى واهى فى شنطتى هغيرها.
انهت حديثها وهى تضع المحبس على المكتب امامه.
نظر لها بأعين زائغة تزاحم بها الدمع ، يزيحيها بيده رافع رأسه لها .
_لا مش مصدقك برضه.
