روايات وقصص

انتقام الجزء الأول

جني: من فضلك كلمني على طول، لو في حاجة مزعلاك عرفني، مش هتفضل متجاهلني كدا على طول.

عمر وبعد أن ضرب كيس الرمل بغيظ جعلها تنتفض من الخضة: عمر: أنا قولتلك كام مرة ما تتأخريش برة لحد الساعة 9.

جني: أنا ما اتأخرتش والله، أنا كنت مع صحباتي، مش معقول همشي وأسيبهم.

عمر: آها تمام، تكسري كلمتي ولا إنك تزعلي صحباتك؟ ماشي يا جني براحتك. وهم بمتابعة رياضته.

إلا إنها قالت له: خلاص آخر مرة مش هتأخر تاني، بس عشان خاطري ما تمشيش وانت زعلان مني.

نظر لها عمر بدون ولا كلمة.

جني وهي بعيون دامعة وشفاه مرتعشة: خلاص أنا عرفت إني ماليش خاطر عندك، عن إذنك.

إلا إن صوته أوقفها: جني…

التفتت له جني وهي ناظرة للأرض كي لا يرى دموعها.

قرب منها وبان فرق الطول والحجم بينهم.

عمر: بوصيلي. قالها عمر.

جني وهي تهز راسها يمين ويسار ومازالت تنظر للأرض.

قرب منها أكثر ورفع ذقنها بيده.

عمر: جني.

أجهشت جني بالبكاء وارتمت في حضنه.

عمر وهو يمسد على شعرها: جني خلاص بلاش عياط، أنا مش زعلان.

جني بصوت باكي ومازالت في حضنه: انت زعلان ومتجاهلني.

عمر: بس والله مش هزعلك تاني.

جني: ليه يا جني؟ قالها عمر.

رفعت عيونها الباكية له كأنها لم تفهم سؤاله.

عمر: بقولك ليه مش هتزعليني تاني؟

جني: عشان… عشان… عشان انت ابن عمي وما أحبش أزعلك.

عمر: بس كدا؟ سألها عمر.

عضت جني على شفاها وقد اكتسى وجهها بحمرة الخجل: لا مش بس كد.

عمر وقد قرب وجهه من وجهها أكثر: هاا أومال إيه؟ قالها بصوت هامس.

جني: أنا… أنا هروح لجدو، أكيد بينادي عليا.

وفرت من أمامه هاربة.

نظر عمر في أثرها وردد في خفوت: هتجننيني يا بنت عمي.

في شركة فهد.

شريف وهو يهاتف المنسق الإعلامي للشركة: ادي كل المواصفات اللي قولتهالك، اعمل الإعلان فورًا، عوزين سكرتيرة لمكتب فهد باشا في أسرع وقت.

المنسق: تمام يا فندم.

يفتح باب المكتب ويدخل بعصبية.

فهد: ها لقيت سكرتيرة؟

شريف: لسة بنعمل الإعلان.

فهد: انت لسة هتعمل إعلان؟ دا ولا أسبوع على ما تلاقي واحدة مناسبة، كدا الشغل هيتعطل. قالها بصوت عالي.

شريف: مالك يا صاحبي؟ فيك إيه؟

فهد: مفيش، أنا عامل على الشغل.

شريف: مفيش شغل متعطل ولا حاجة، حتى منيرة لسة بتيجي ما اجازتش.

فهد: ……

شريف: طيب تمام، هسيبك لما تهدا خالص عشان تحكيلي. ولا أقولك، تعالي النهاردة هسهرك حتة سهرة هتنسيك اسمك في كام بنت جداد، إنما إيييييييه صاااااروخ أرض جووو.

فهد وهو ينظر له نظرة يعرفها هو.

شريف: احم، طب أنا رايح المكتب وهشوف كام حاجة كدا وراجعلك تاني تكون هديت.

فهد بعد ما خرج شريف وهو يقول في نفسه بألم: ليه يا جدي ديمًا بتعمل معايا كدا؟ ليه بتمسكني من الإيد اللي بتوجعني؟ ليه بتجبرني أعمل حاجات أنا مش عوزها؟ ليييييه.

يتبع.

الفصل الرابع

في الشركة، بمكتب شريف، يستقبل المتقدمات لعمل السكرتيرة. كل المتقدمات بلا استثناء وكأنهم يتقدمون للعمل بملهى ليلي، بملابسهم الفاضحة ومساحيق التجميل المبالغ فيها. فكان شريف جالسًا مبتسمًا وأمامه تجلس إحدى الفتيات، ولكن تغيرت ابتسامته وارتسمت الجدية عندما فتح عليه فهد المكتب.

فهد: هاتلي ملف المناقصة الجديدة أراجع الشروط. وانت كمل.

شريف: أوك.

شريف: تقدري تتفضلي انتي يا آنسة، وهنبلغك بالفون.

الفتاة بدلع: هستني اتصالك باااي.

شريف وهو يغمز بعينيه: مش هخليكي تستني كتير.

فهد: مش عارف انت هتعقل امتي.

شريف: مش هعقل، خليتلك العقل أنا مبسوط كدا.

فهد: طب انجز يلا.

شريف وهو يناوله الملف: احم، بقولك إيه يا بوص، ما تتبحبحها حبه معانا، اهي تبقي تطري الدنيا شوية.

فهد: شرييييف، أنا قولتلك خلي الهلس بعيد عن الشغل.

شريف: خلاص يا بوص ما تتعصبش، اللي تشوفه.

شريف وهو يهاتف سكرتيرة مكتبه أسماء في الفون: أسماء، دخلي اللي عليها الدور.

ودخلت الفتيات الواحدة تلو الأخرى، ولكن دون جدوى.

مع آخر متقدمة تخرج من المكتب.

شريف بنفاد صبر: أهو مفيش ولا واحدة، هنعمل إيه؟

فهد وهو يفرك ذقنه: شريييف، اللي قولت عليه يتنفذ بالحرف. ويتابع النظر في الملف.

في بيت سارة.

أم سارة: هي ملك ما اتصلتش؟

سارة: اتصلت يا ماما وقالت إنها رايحة شركة عشان تقدم في إعلان السكرتيرة.

أم سارة: ربنا يوفقها يا بنتي ويوفقها لولاد الحلال يارب.

سارة: يارب يا مامتي.

يرن جرس الباب.

أم سارة: قومي افتحي، تلاقيها ملك.

سارة: لحقت دي؟ مش معقول. تقولها وهي تفتح الباب.

عصام: احم، السلام عليكم.

سارة وأمها: وعليكم السلام.

أم سارة: مين يا سارة؟ ملك دي؟

سارة: لا يا ماما، دا دكتور عصام.

أم سارة: تعالي يا ابني، اتفضل.

عصام: احم، آسف، بس كنت حابب أسأل على ملك، عملت إيه مع شريك باباها؟

سارة: الرجل نصب عليها وسافر.

عصام: لا حول ولا قوة إلا بالله. طب هي كانت قالتلي ممعاها أي حاجة تثبت حقها، هتعمل إيه دلوقت؟

سارة: ولا حاجة، هي أساسًا استعوضت ربنا فيهم.

عصام: طب هي موجودة؟ أقدر أكلمها؟

أم سارة: لا والله يا ابني، نزلت تدور على شغل.

عصام: شغل إيه دا اللي هتدور عليه وهي لسة في أولى كلية؟ مش كفاية ما دخلتش الكلية اللي بتحلم بيها؟

سارة: لا يا دكتور، هي قدمت انتساب عشان تقدر تشتغل وتصرف على نفسها.

أم سارة: والله يا ابني أنا قولتلها بلاش شغل، وانتي عندي زي سارة وما تقلقيش من أي مصاريف، بس هي اللي أصرت.

د. عصام: أنا عارف ملك نفسها عزيزة، مش هتقبل حد يساعدها. طب أستأذن أنا، وآسف مرة تانية.

أم سارة: لا يا ابني ما تتأسفش، انت تيجي في أي وقت.

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى