روايات وقصص

انتقام الجزء الأول

عصام: ربنا يخليكي يا طنط، سلام عليكم.

أم سارة: سلام يا حبيبي، وابقي سلملي على الست اللي ولدتك.

عصام: يوصل بإذن الله، سلام.

سارة وأمها: مع السلامة.

في فيلا الجد سليم المهدي، في غرفة جني.

آلاء: تعالي نخرج بقي، أنا زهقت.

جني: مش عوزة أخرج، ماليش مزاج.

هايدي: لاء ليه يا كائن النكد؟ انتي الإجازة هتخلص واحنا لا طلعنا مصيف ولا خرجنا خروجة عدلة، من البيت للنادي ومن النادي للبيت. عوزة خروجة كدا مترقعة.

جني: امشي يا بت طرقعي بعيد، مش نقصاكي.

آلاء: دا انتي مملة، كل دا عشان حبيب القلب سافر.

جني وهي تقذفها بالمخدة: اطلعي انتي منها يا غلسة.

آلاء: هههههه خلاص يا مجنونة. قوليلي هتلبسي إيه في الحفلة؟

جني: لسة ما قررتش.

آلاء: يا بنتي مفيش وقت، لسة يومين بس.

جني: ماشي، تعالي بكرة ننزل نشوف حاجة كويسة.

آلاء: أوك بس بشرط أختارلك على ذوقي.

جني: لو عريان مش هينفع، أبيه فهد مش هيوافق بيه، وعمر هيزعل.

آلاء: بت، انتي تسيبي ليا نفسك خالص، لا تقولي أبيه ولا عمر، دي فرصتك عشان تباني قدام عمر إنك كبرتي وما بقيتيش صغيرة.

جني: بس…

آلاء: مفيش بس، اسمعي كلامي.

جني: طيب ربنا يستر وما ياذونيش على إيدك.

عودة للشركة، في مكتب شريف.

أسماء تطرق الباب، إذن لها شريف.

أسماء: مستر شريف، في بنت برة عوزة تتقدم للوظيفة.

شريف: أوك، دخليها يا أسماء. قالها بضيق.

دخلت المتقدمة: السلام عليكم.

شريف: وعليكم السلام. رد عليها شريف.

أما هو فكان ينظر لها من رأسها إلى قدميها، فكانت ترتدي شيميز أسود على بنطلون أسود ليجن، وشعرها مفرود بأريحية على كتفيها، ووجهها خالي من أي مساحيق تجميل، وكانت جميلة ببشرتها البيضاء وعيونها التي لا تحتاج لكحل، فكانت عيونها زرقاء لا خضراء، ما هذا اللون المركب؟ كأنه لون السماء مخلوط بماء المحيط. وشفاه لونها وردي. ليفيق على صوت شريف عندما قال: الاسم والسن؟

ملك: اسمي ملك عبد الله، 19 سنة، في أول سنة ليا في كلية التجارة.

شريف: آسف يا آنسة، مش هينفع تشتغلي معانا، احنا عوزين واحدة متفرغة، وانت زي ما بتقولي في كلية، مش هتقدري توفقي بين الشغل والكلية، ودا طبعًا هيأثر على كفاءتك في الشغل. آسف مرة تانية وحظ موفق ليكي في مكان تاني.

ملك: من فضلك، أنا أصلًا قدمت في الكلية انتساب، يعني مش هروح إلا على الامتحانات، بس من فضل حضرتك جربني حتى أسبوع، وان ما التزمتش همشي والله.

ليقوم فهد من مكانه.

فهد: قالك لا يا آنسة، خلاص مش هينفع.

ملك: حضرتك مين؟ أنا بكلم مستر فهد صاحب الشركة، مش بكلم حضرتك، من فضلك ما تتدخلش في اللي مالكش فيه.

ليبرق شريف عينه ويقول في نفسه: نهارك أسود، في حد يوقف قدام الأسد؟ والنبي كانت بونيه جميلة.

شريف: احم يا آنسة.

فهد: استني انت يا شريف.

ملك بصوت هامس وهي تضع يدها على فمها: احيه، باين عليا عكيت الدنيا.

فهد: بغض النظر عن إني صاحب الشركة أو لا، محدش علمك تتكلمي باحترام وبزوق.

ملك: أنا آسفة والله، حضرتك ما تعرفش أنا محتاجة الشغل دا قد إيه.

فهد: طلبك مرفوض، اتفضلي.

ملك قامت من مكانها وتوجهت للمغادرة المكتب، ولكنها التفتت مرة أخرى: من فضلك، أنا محتاجة الشغل دا بجد والله، أنا شاطرة في الحسابات، وكمان أعرف لغات: إنجليزي وألماني وفرنساوي وإيطالي.

نظر لها فهد باستغراب: عوزة تفهميني إنك بتعرفي اللغات دي؟ طيب أنا هختبرك، ولو نجحتي اعتبري نفسك اتقبلتي، لكن لو فشلتي تاخدي بعضك وما أشوفش وشك تاني.

ملك: حاضر والله أنا جاهزة.

شريف: هات الإيميل اللي الشركة الألمانية بعتته، وهات ورقة وقلم. ناوله شريف ما طلب.

فهد: اتفضلي يا آنسة، ترجميلي الإيميل دا قدامي هنا.

لتأخذ منه ملك الورقة والقلم وتبدأ في ترجمة الإيميل بمهارة.

ملك: اتفضل حضرتك، مكتوب في الإيميل إن الشركة طالبة من حضرتك الحضور لألمانيا خلال أسبوعين لدراسة مشروع استيراد شحنة الأجهزة الطبية للمستشفى الجديد، وكاتبة لحضرتك إنك هتقيم في فندق كبير هناك، وكتبين اسمه وعنوانه. وكمان بيقولوا لحضرتك لو حبيت تجيب الـ Staff كله تقدر تجيبه، بس بلغهم عدد الأفراد في أقرب وقت عشان يبدأوا بعمل الترتيبات اللازمة لاستقبالكم.

فهد: تمام. قالها فهد. بصي يا آنسة، اسمك إيه؟

ملك: ملك يا فندم.

فهد: تمام يا آنسة ملك، تقدري تستلمي شغلك من بكرة. الساعة 8 بالدقيقة تكوني على مكتبك، مدام منيرة هتقعد معاكي يومين وهتعرفك كل حاجة عن شغلك. مش مسموح بأي خطأ في الشغل، مش مسموح بالتأخير أو بالغياب، مش مسموح بالإهمال، مش مسموح بخلط حياتك الشخصية بالشغل. مفهوم يا آنسة؟

ملك: تمام يا فندم، مفهوم، بإذن الله هكون عند حسن ظن حضرتك.

فهد: كدا تقدري تتفضلي، مدام أسماء هتعرفك مكتبك.

لتستأذن ملك وتغادر المكتب بسعادة كبيرة.

شريف: الحمد لله. قالها شريف وهو يزفر من الإرهاق: كأننا كنا بندور على إبرة في كوم قش.

فهد: ……

شريف: إيه يا بوص؟ مالك؟

فهد: مفيش يا شريف، يلا أنا رايح مكتبي.

شريف: أوك يا بوص. أنا هبعت أجيب غدا، تحب أجيبلك معايا؟

فهد: أوك، هاتوا وتعالي عندي. يقولها وهو يهم بمغادرة المكتب.

شريف: أوك.

في فيلا رشدي الصواف، والد روجيدة.

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى