روايات وقصص

انتقام الجزء الأول

؟

روجيدة: أيوة يا مامي.

أم روجيدة: تمام، كدا احنا ماشين صح.

روجيدة: أنا مش مطمنة، خايفة.

أم روجيدة: خايفة من إيه؟ مهو كل حاجة تمام لحد الوقت، جمدي قلبي انتي بس وسيبي كل حاجة عليا.

روجيدة: حاضر يا مامي.

يقاطعهم في الكلام دخول رشدي والد روجيدة.

رشدي: ما تسمعيش كلام أمك، أمك هتغرقك.

أم روجيدة: انت بتقول إيه؟ أنا هغرقها؟ أنا بثبت رجليها أكتر. وبعدين اتفضل حلها انت يا أبو العوريف.

رشدي: انتوا حرين، أنا قولت اللي عندي، فهد مش غبي ولا سهل، وهيعرف، هيعرف، ولو عرف أنا برة الموضوع. أنا مش قد فهد، سامعين.

روجيدة بوجه شاحب: أعمل إيه؟ قولي.

رشدي: أنا رأيي تصارحيه بالحقيقة، وإلا ما تلوميش غير نفسك.

روجيدة: مهي لو صارحته هتخسره.

أم روجيدة: لالا يا مامي please، أنا مش ممكن أخسر فهد. أنا ما صدقت لقيت أتجوزه، تقوليلي هتخسريه؟ أنا ما عنديش استعداد أخسر المكانة اللي أنا فيها دلوقتي. أنا في أي مكان بقول أنا مدام فهد المهدي بتتفتحلي كل الأبواب.

أم روجيدة: يبقى تسمعي كلامي كويس.

روجيدة: حاضر يا مامي، هسمع كلامك في كل حاجة.

ليرن هاتف روجيدة.

روجيدة: بس بس، دا فهد بيتصل. الووو حبيبي.

فهد: ……

روجيدة: لا يا روحي، أنا مستنياك.

فهد: ……

روجيدة: حاضر، أنا هجهز على ما تيجي.

فهد: ……

ليقول لها والدها: قوليلو يجي يقعد معانا شوية.

روجيدة: بابي بيقولك ما تيجي تقعد شوية.

فهد: ……

روجيدة: أوك يا حبيبي باي.

روجيدة: بيقول مش هينفع، خليها مرة تانية.

رشدي: يقول بتحذير لآخر مرة، بقولكم انتوا الاتنين، أنا خارج لعبتكم. ويتركهم ويذهب.

أم روجيدة: سيبك منه، أنا عاملة حساب كل حاجة.

روجيدة: أوك يا مامي، لما أقوم أجهز نفسي، فهد على وصول.

يتبع.

الفصل الخامس

في بيت أم سارة.

سارة: احكيلي احكيلي، ها واي كمان؟

ملك: هي حدوتة يا بنتي؟ ما أنا حكيتلك 10 مرات، هعيد تاني؟

سارة: سيبيني أقوم أنام. تقولها وهي تتثاوب: عشان أقوم بدري، مش عوزة أتأخر ولا يمسك عليا غلطة، دا باين عليه صعب أووووي.

سارة: طيب هو شكله إيه؟

ملك: شكله؟ شكله يا ستي، راجل هيكون شكله إيه؟

سارة: يا هبلة، أنا أقصد طويل قصير، تخين رفيع، كبير في السن صغير، حلو وحش، كدا يعني.

ملك: يا ختي وأنا مالي بشكله؟ وهو أنا هتجوزه؟

سارة: يا بنتي أنا بسمع إن رجال الأعمال دول بيكونوا مهتمين بمظهرهم، بلياقتهم، محافظين على رشاقتهم، شكلهم حلو زي الممثلين كدا.

ملك: هقولك، مستر شريف ممكن نقول في أواخر العشرينات، شاب طويل وأبيض، تحسي كدا مستحمي باللبن. ههههههه.

سارة: ههههههههه اخرب عقلك. طب والتاني اللي دخلتي فيه شمال؟

ملك: والله يا بنتي أنا كنت بكلم واحد على إنه صاحب الشركة، والتاني ما اخدتش بالي منه غير لما اتكلم. وأنا أصلًا كنت على أعصابي وعوزة أقنعه بأي طريقة يشغلني، لقيت اللي فارد نفسه وبيتكلم، أعمل إيه؟ أسكت.

سارة: ههههه لاء ودي تيجي.

ملك: سيبيني بقي بجد، أنا هلكانة، عوزة أقوم فايقة ونبقي نتكلم بعدين.

سارة: ماشي، سلام يا موزتي.

ملك: سلام يا قلبي.

في عربية فهد.

روجيدة: حبيبي، مامي جابت التحاليل وهوديها بكرة للدكتور.

فهد بضيق لم يبينه: أوك.

روجيدة: بيبي، كنت عوزة مبلغ، لاني بعد الدكتور هنزل أشوف فستان عشان الحفلة، مفيش كام يوم.

فهد: ليه؟ هي Credit Card مفيش فيها فلوس؟

روجيدة بدلع: لا يا روحي، أنا كنت اشتريت شوية حاجات كنت محتاجها. إيه يا قلبي، هتحاسبني؟

فهد: لا مش القصد، أنا أقصد إن كان فيها مبلغ كبير مفيش أسبوع.

روجيدة بحزن مصطنع: خلاص بقي، هاخد من بابي فلوس عشان فهود حبيبي بيحسب عليا.

فهد: روجيييييدة، اتعدلي، من امتى أبوكي بيصرف عليكي؟

روجيدة: مهو انت يا حبيبي اللي بتتكلم، أنا روجيدة مرات فهد سليم المهدي، لازم أبقى أشيك واحدة، وأجيب أغلى حاجة، لازم أكون very special.

فهد: ماشي يا روجيدة، أنا مش بحسب عليكي، دا كان مجرد سؤال. وعلى العموم يا ستي، بكرة هحطلك مبلغ محترم يكون تحت تصرفك، مبسوطة كدا؟

روجيدة بفرحة: جدًا جدًا يا قلبي، امووووه.

ثم مسكت فونها وبدأت تتصفح فيه، ليكمل طريق العودة في سكوت تام.

في أسوان، في المكتب.

مصطفى صديق عمر.

مصطفى: جتلنا إشارة باقتحام مخزن مصنع الأسمنت، حمزة مخبي المواد الممنوعة فيه، مصادرنا أكدت دا.

عمر: ربنا يسهل ونقدر نمسكه بالمواد الممنوعة متلبس.

مصطفى: إن شاء الله يا بطل.

عمر: أنا هاخد القوة وهنتحرك حالًا.

مصطفى: أوك يلا بينا، عربية الأسلكي هناك ومتابعينهم خطوة بخطوة، ما تقلقش كله خير إن شاء الله. لا إله إلا الله محمد رسول الله.

مصطفى الحبشي، صديق عمر المقرب، 31 سنة، متزوج من بنت عمه وعنده ولد.

في فيلا الجد سليم المهدي، في المكتب يجلس سليم المهدي.

جني: جدوو حبيبي، أنا زعلانة منك، انت ما بقيتش تحبني.

سليم: أنا ليه يا حبيبتي؟ دا انتي الغالية بنت الغالي.

جني بدلع: ما بقيتش تقعد معايا زي الأول ولا تتكلم معايا.

الجد سليم المهدي: انتي اللي خلاص نستيني، كل ما صحباتك يجولك يا تقعدي في أوضتك يا تروحي معاهم النادي وخلاص استغنيتي عني.

تقبله جني: لا يا جدو، والله ما أقدر أستغني عنك.

يرن هاتف الجد.

سليم: الووو عمر، ازيك يا حبيبي.

عمر: ……

الجد: أيوة كلنا تمام، اوعي تتأخر على الحفلة، انت لازم تكون موجود.

عمر: ……

الجد: إن شاء الله يا حبيبي.

عمر: ……

الجد: لا فهد لسة ما رجعش.

عمر: ……

الجد: أيوة معايا اهي، تحب تكلمها؟

عمر: ……

الجد: خدي يا جني كلمي عمر.

جني برقة: الو عمر، ازيك عامل إيه؟

عمر: ……

جني: أنا كمان الحمد لله.

عمر: ……

جني: حاضر والله أنا ما بتأخرش، حتى اسأل جدوو.

عمر: ……

جني: أيوة بكرة نازلة لسة هشتري.

عمر: ……

جني: حاضر هشتري مش قصير ومقفول.

عمر: ……

جني: لا مش هروح لوحدي، آلاء وهايدي هيكونوا معايا.

عمر: ……

جني: وانت كمان خلي بالك على نفسك.

عمر: ……

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى