
جني: محمد رسول الله.
تقفل معه وتحضن الهاتف.
سليم بضحكة بها لؤم: جني مالك يا حبيبتي؟
جني بوجه يكسوه حمرة الخجل: ها اه لا مفيش يا جدو، أنا هروح أنام. تصبح على خير.
سليم: تصبحي على ألف خير يا روح جدو. قالها سليم وهو مبتسم، فهو يشعر بالرضا، فأمنيته ابنه الراحل باتت أن تتحقق.
عند عمر.
يغلق عمر الهاتف ويأخذ نفس عميق ثم يهاتف رجاله.
عمر: وحوش الدخلية، هنبدأ الهجوم بالأدوات وبالإيد، مش عاوز استخدام قوة في الأول، أنا عاوز حمزة حي.
الرجال: تمام يا فندم.
عمر: في اتنين فوق سطح المخزن واتنين من الجانب، وفي 3 عند باب المخزن، تقريبًا في جوة نفس العدد. أنا عوزكم تغطوني وأنا هلف من الباب الخلفي للمخزن، وهاخد معايا عيد وزاهر وصلاح. كل اتنين منكم هيستلموا اتنين، وأول ما تخلصوا تدخلوا على طول عشان تدعموني.
الرجال: تمام يا فندم.
عمر: بالتوفيق يا وحوش.
عمر لمصطفى عبر اللاسلكي: كله تمام عندك؟
مصطفى: كله تمام، ابدأ بالتوفيق إن شاء الله.
عمر: إن شاء الله.
في بيت ملك، في غرفة والدتها، تقف أمام صورتها.
ملك: ماما حبيبتي، كان نفسي تكوني معايا تدعميني وتدعيلي. قد إيه وحشتيني أوي، انتي وبابا، ربنا يرحمكم يارب.
وأخذت من الدولاب قميص لوالدتها واحتضنته، وذهبت لتنام وهو بحضنها، فهذه عادتها عندما تشتاق لها.
ملك: يارب وفقني ومتحوجنيش لمخلوق. منك لله يا مجدي زي ما حوجتني.
لتتذكر ملك كلامها مع والدتها.
ام ملك: ملك حبيبتي، قومي يا قلبي، كفاية كدا، عينك هتوجعك.
ملك: شوية بس يا ماما وهقوم، أنا داخلة تحدي أنا وصحباتي على مين هيجيب أعلى درجة، وبنتك لازم هي اللي تكسب التحدي.
ام ملك: يا حبيبتي انتي بقالك 7 ساعات قاعدة القعدة دي، كتير كدا عليكي. طيب كلي السندوتشات دي وارجعي تاني.
ملك: يا مامتي يا حبيبتي، بنتك هتبقي دكتورة قد الدنيا، ولازم تذاكر كتير أوووي عشان تجيب مجموع يدخلها طب.
ام ملك: يارب يارب يا حبيبتي، أشوفك أجمل دكتورة.
ملك: يارب يا مامتي يارب. وتقبل يد والدتها.
لتمسح ملك دموعها بعد أن عادت لواقعها: حبيبتي، الله يرحمك انتي وبابا.
وتذهب ملك في نوم عميق.
في فيلا فايز الجيار.
فتحي: أنا جبتلك طلبك يا باشا.
فايز: تمام يا فتحي، شكلك بتفهم.
فتحي: احنا خدامين معاليك.
فتحي السروجي، 47 سنة، محاسب في شركة فهد، زير نساء، غير أمين، خائن للأمانة، يعشق المال، فهو عبد له.
فايز: قولتيلي اسمك إيه؟ قالها فايز.
عبير بمياعة: عبير، عبير يا باشا.
فايز: اسمك حلو.
عبير بضحكة خليعة: اسمي بس يا باشا.
فايز: أشوف وأحكم.
عبير: شوف يا باشا، أنا من إيدك دي لإيدك دي.
فايز: لا دا الليلة شكلها هتحلو. احم، روح انت يا فتحي.
فتحي بضحكة سمجة: أوامر معاليك يا باشا.
عبير: طب وأنا؟
فايز: لا انتي لاء، احنا لسة بينا كلام، لسة هيبتدي.
ليتركهم فتحي مع شيطانهم.
عند عمر.
فقد تعاملت القوة معهم بمهارة فائقة، وتم القبض عليهم جميعًا.
عمر لحمزة: والله وقعت يا حمزة.
حمزة بنظرة كلها غل: ما يجي إلا الشاطر يا سعادة البيه.
عمر للقوة: خدوهم يلا.
حمزة رجل في الـ 45 من عمره، من أكبر تجار المواد الممنوعة، يكره عمر جدًا، فهو عدوه اللدود، أحبط له الكثير من العمليات وقبض على معظم رجاله.
عمر لمصطفى: كله تمام؟
مصطفى: تمام يا بطل.
عمر: شدد الحراسة عليه يا مصطفى، دا مش سهل.
مصطفى: ما تقلقش يا عمر، مش هيقدر يهرب المرة دي.
عمر: يلا بينا، أنا هلكان.
مصطفى: ما تيجي معايا الإدارة ونروح مع بعض.
عمر: أوك يلا.
ليرحلا بعد يوم شاق.
يتبع.
