Uncategorizedروايات وقصص

المريله الزرقا

نهى بصت للأرض وقالت
أنا اللي مضيت
شريف سألها
كلها؟
هزت راسها
وفي اللحظة دي بابا قعد على الكرسي وحط إيده على وشه
وقال بصوت مكسور
أنا كنت عارف إن فيه حاجة غلط
بصيتله باستغراب وقلت
كنت عارف إيه يا بابا؟
قال
من كام شهر نهى طلبت مني أمضي على ورق وقالتلي إنه خاص بإنهاء إجراءات البيت بعد وفاة جدتك
سألته
وإنت مضيت؟
قال
أيوه
قلتله
قريت الورق؟
سكت
قلتله تاني
يا بابا قريت الورق؟
قال بصوت واطي
لأ
نهى بدأت تعيط أكتر وقالت
أنا كنت محتاجة توقيعك عشان البنك يخلص الإجراءات
شريف قال
يعني بابا مضى على مستندات من غير ما يعرف محتواها؟
محدش رد
في اللحظة دي فهمت ليه بابا كان ساكت طول الوقت
هو مكنش بس بيهرب من الخناق
هو كان جزء من المشكلة حتى لو من غير قصد
قلتله
يا بابا إنت كنت بتعرف إني ببعت تقارير كل شهر وكنت عارف إن فيه نظام واضح للحسابات
قال
أنا غلطت يا سامية
قلتلها
المشكلة مش إنك غلطت مرة المشكلة إنك لما كنت تقدر تسأل اخترت متسألش
بابا نزل عينه وقال
عندك حق
بعد يومين وصلنا خطاب رسمي من البنك بيطلب حضور كل الأطراف وتقديم توضيحات عن المصروفات
نهى حاولت تتواصل معايا أكتر من مرة
مرة تعيط ومرة تتعصب ومرة تقول إنها هترجع كل حاجة
لكن أنا كنت مصممة إن الكلام يبقى رسمي
رحت البنك ومعايا نسخ التقارير القديمة والاتفاق اللي جدتي عملته معايا
قابلنا الأستاذ سامح
كان واضح إنه مستغرب إن الموضوع وصل للمرحلة دي
قعدنا في مكتبه وبدأ يراجع المستندات
قاللي
يا أستاذة سامية التقارير اللي كنتي بتقدميها دقيقة جدا وده ساعدنا نعرف متوسط مصاريف الرعاية خلال الفترة القديمة
سألته
يعني إيه؟
قال
يعني المصروفات اللي كانت بتتسجل وقت ما كنتي مسؤولة عن رعاية جدتك كانت متوافقة مع الإيصالات ومع حركة الحساب
أما المصروفات الجديدة ففيها اختلافات محتاجة مراجعة
نهى كانت قاعدة جنبي ومش بتتكلم
الأستاذ سامح كمل
إحنا محتاجين نعرف هل أعمال الترميم حصلت فعلا ولا لأ ومين استلم الفلوس ومين وقع على المستندات
شريف قال
أنا عايز كل حاجة تتراجع حتى لو الموضوع أخد وقت
نهى بصتله بصدمة
وقالت
إنت كمان واقف ضدي؟
قالها
أنا مش واقف ضدك أنا واقف مع الحقيقة
المراجعة استمرت أسابيع
البنك طلب فحص الفواتير والتواصل مع الشركة اللي أصدرتها
واتضح إن الشركة مسجلة باسم شخص قريب من نهى وإن الفواتير اللي قدمتها فيها مبالغ أكبر بكتير من قيمة الأعمال اللي اتنفذت فعليا
وفيه فواتير تانية كانت عن شغل اتعمل في بيت نهى مش بيت جدتي
أما الأثاث اللي اختفى من بيت جدتي فلقينا جزء منه في مخزن مأجر باسم نهى
وجزء تاني كانت باعته لتاجر أثاث قديم

لما عرفت الموضوع واجهتها
قلتلها
حتى حاجات جدتي بعتيها؟
قالت وهي بتعيط
أنا كنت محتاجة فلوس
قلتلها
روايات_مشيره_محمد
والكرسي اللي كانت بتقعد عليه كل يوم؟
قالت
أنا كنت فاكرة إنه قديم ومش هيفرق معاكي
ضحكت بحزن وقلتلها
هو إنتي فاكرة إن قيمة الحاجة بتتقاس بسعرها؟
نهى فضلت تعيط
وقالت
أنا عارفة إني غلطت بس كنت خايفة من الفضيحة
قلتلها
الفضيحة مش إننا نعرف إنك غلطتي الفضيحة إنك تفضلي تخبي وتكذبي
بعد المراجعة البنك طلب استرداد المبالغ اللي اتصرفت من غير وجه حق واتخذ الإجراءات القانونية اللازمة لمراجعة المستندات والتوقيعات
نهى اضطرت تبيع عربيتها وجزء من الحاجات اللي اشترتها في تجديد البيت وبدأت تسدد المبالغ على أقساط بعد اتفاق رسمي
أما موضوع الأثاث فاضطرينا ندور على التاجر اللي اشترى الحاجات منه
وبعد مجهود كبير قدرنا نرجع المكتب الخشب القديم والكرسي بتاع جدتي والمكتبة الصغيرة
لكن السجادة وبعض الحاجات التانية كانت اتباعت ومقدرتش أوصل لها
أول يوم رجع فيه المكتب لبيت جدتي دخلت الأوضة ووقفت قدامه فترة طويلة
لمست الخشب بإيدي وافتكرت جدتي وهي بتقولي خلي بالك السوستة ممكن تخدش الخشب
وقتها عيطت
مش عشان المكتب رجع
لكن عشان جدتي نفسها مش هترجع تقعد عليه تاني
بعد فترة ماما طلبت تقابلني لوحدنا
رحنا قعدنا في كافيه صغير قريب من بيتي
فضلت ساكتة شوية وبعدها قالت
أنا عايزة أعتذرلك
بصيتلها وقلتلها
على إيه؟
قالت
على إني ضغطت عليكي زمان وعلى كلامي في العشا
قلتلها
إنتي كنتي شايفة إني ضيعت مستقبلي عشان رفضت الترقية
قالت
أنا كنت فاكرة إنك اخترتي تعيشي مع جدتك عشان بتحبيها وإن ده كان كفاية ليكي
قلتلها
كنت بحبها فعلا بس كنت محتاجة حد يسألني أنا كمان محتاجة إيه
ماما مسكت إيدي وقالت
أنا آسفة يا بنتي
أنا مسامحتهاش في اللحظة دي بالكامل لكن حسيت إن لأول مرة هي بتسمعني بجد
أما بابا فكلمني بعد فترة وقاللي إنه ندمان إنه مضى على ورق من غير ما يقراه وإنه كان لازم يسأل ويتأكد
قلتله

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى