
أمانى السيد بعد وفا. ة مراتى اتقدمت لزميلتى اللى معجب بيها ورفضت عشان عندى طفلين من مراتى القديمه وانا مش قادر على تربيتهم لواحدى فاتقدمت لواحده جارتى مطلقة وافقت واتجوزنا وبقت تعامل ولادى يكل حب واهتمام بعد فتره وبعد ما حياتى استقرت ومراتى اهتمت بالعيال وشالت كل مسؤليتهم لقيت زميلتى اللى فى الشغل اللى كنت معجب بيها رجعت تكلمنى تانى وانها حابه إننا نرجع لبعض خصوصاً إن ولادى مابقوش مشكله لأن مراتى واخده بالها منهم وهيفضلوا معاها يعنى عايزانى اتجوزها على مراتى عشان العيال تفضل بعاد عنها وهى ماتتحملش مسؤليتهم وقتها كنت فرحان لانها وافقت انها ترتبط بيه بس فى نفس الوقت مكنتش عارف رد فعل مراتى ايه خصوصاً أنها شايله مسؤوليه الولاد اللر زميلتى رفضتنى عشانهم وانا شايف إن عندها حق لانها مش ملزمه تربى ولاد مش ولادها فضلت افكر كتير اعمل ايه وخصوصاً انى كل يوم بتعلق بزميلتى أكتر من اليوم اللى قابله وخايف ارجع اخسرها فقولتلها إننا نتحوز ونعمل فرح ونعزم زمايلنا وانى هجبلها شقه بس مش عايز مراتى تعرف عشان أنا مش عارف رد فعلها وفى نفس الوقت لو زعلت ومشيت انا مش هعرف اتصرف بالعيال وخصوصاً إن امى ست كبيره ومعندهاش خلق واختى مشغوله بيبتها وولادهاوعرضت على زميلتى الفكرة وهى وافقت خصوصاً إن الكل هيبقى عارف انها مراتى معادا مراتى بس هى اللى ماتعرفش وفعلاً بدأت احهز كل حاجه وانا حريص إن نجوى ماتعرفش حاجه وفعلاً جبت الشقه وجهزتها وحضرت القاعه وكل حاجه تمام ويوم الفرح حصل اللى ككنتش عامل حسابه دلقيت قدامى فى القاعه نجوى ومعاها ولادى
وقتها فضلت واقف مكاني مصدوم، وببص لنجوى اللي كانت داخلة القاعة بخطوات ثابتة، ووراها ولادي، وكل واحد فيهم ماسك شنطة هدومه الصغيرة. قربت مني وحطت الشنط قدامي وقالت بمنتهى الهدوء:
– دول ولادك يا حازم، جايبالك أمانتك، ومن النهارده كل واحد فيهم هيبقى في مسؤوليتك.
بصيت لها وأنا مش مستوعب كلامها وقلت:
– إنتِ بتعملي إيه يا نجوى؟ وإيه الشنط دي؟ وإنتِ جاية هنا ليه أصلاً؟ردت وهي بتبصلي في عيني:
– جاية أباركلك يا عريس، وأسلّمك ولادك قبل ما أباركلك على الجوازة الجديدة.
حاولت أقرب منها وأتكلم معاها بعيد عن الناس، لكنها رجعت خطوة لورا وقالت:
– مفيش كلام بيني وبينك لوحدنا يا حازم، أنا جاية أقولك كلمتين وأمشي. وبعدين طلعت ورقة من شنطتها ومدتهالي وقالت:
– أنا طالبة الطلاق، ودي أول خطوة في الموضوع، وعلى فكرة أنا حامل، وعشان كده لازم تعرف إنك من النهارده هتاخد ولادك وتعيش بيهم في شقتك الجديدة، لأن أنا ليا حضانة، والشقة من حقي، ومش هفضل في بيتك وأنت بتجهز بيت تاني لواحدة غيري.
حسيت إن رجلي مش شيلاني، وبصيت لها بصدمة وقلت:
– حامل؟! إنتِ حامل يا نجوى؟ طب وإزاي؟ وإمتى عرفتي؟قالت بمرارة:
– مش مهم عرفت إمتى، المهم إنك كنت بتجهز فرحك وبتحجز شقتك الجديدة، وأنا كنت بجهز نفسي إني أكون أم للمرة التالتة، بس واضح إن كل واحد فينا كان بيجهز لحياة غير التاني.
بصيت لولادي اللي واقفين جنبي، وبعدين رجعت بصتلها وقلت:
– طب والعيال؟ هتسيبيهم يمشوا معايا كده؟ إنتِ عارفة إني مش هعرف أتصرف لوحدي!ردت من غير تردد:
– زي ما أنا كنت بعرف أتصرف لوحدي معاهم، إنت كمان هتعرف.
دول ولادك يا حازم، مش مسؤولية واحدة غريبة عنهم، ولا ينفع تفتكر إن وجودي في حياتهم معناه إنك اتخلصت من دورك كأب. حاولت أمسك إيدها، لكنها سحبتها وقالت:
– متحاولش توقفني، أنا استحملت كتير، وكنت فاكرة إنك مقدر اللي بعمله، لكن إنت استغليت حبي ليك ولولادك علشان ترتب حياتك مع واحدة تانية من غير ما تشيل همهم.
وبصت للعروسة اللي كانت واقفة مش عارفة تقول إيه، ثم رجعت بصتلي وقالت:
– اتفضل كمل فرحك، الشقة الجديدة جاهزة، والعروسة مستنياك، والولاد بقوا معاك… يعني مفيش أي حاجة تعطل حياتك الجديدة. وبعدها لفت ومشيت، وسابتني واقف وسط القاعة، قدامي ولادي وشنط هدومهم، وورايا عروسة كنت مستني اللحظة دي من سنين.
لكن لأول مرة ماكنتش عارف أفرح باللي كنت مستنيه، ولا حتى أقدر ألحق نجوى قبل ما تخرج من حياتي. فضلت واقف مكاني، عيني بين نجوى اللي كانت بتبعد عني وبين ولادي اللي واقفين جنبي بشنط هدومهم، ومش عارف أعمل إيه ولا أتصرف إزاي.
العروسة قربت مني وقالت بعصبية:
– حازم، هو إيه اللي بيحصل ده؟ وإيه حكاية إنها حامل وعايزة تطلقك؟ وإنت كنت مخبي عليا كل ده ليه؟بصتلها وقلت بتوتر:
– أنا نفسي مش فاهم حاجة، اديني فرصة أتصرف. ردت بضيق:
– فرصة إيه؟
دي مراتك وجاية بنفسها تقولك إنها حامل وعايزة تطلقك، وإنت واقف ساكت! هو إنت كنت متوقع إنها هتفضل ساكتة لحد ما تتجوزني؟ما رديتش عليها، لأن عيني كانت لسه متعلقة بنجوى وهي بتخرج من باب القاعة، وفجأة ابني شدني من إيدي وقال:
– بابا، هو ماما نجوى زعلانة منك؟
إحنا عملنا حاجة غلط؟نزلت لمستواه وقلت:
– لا يا حبيبي، إنتوا مالكوش دعوة بأي حاجة. قال ببراءة:
– طب هي مش هترجع معانا البيت؟السؤال ده خلاني أحس إني مخنوق، فقمت بسرعة وقلت للعروسة:
– أنا آسف، الفرح مش هيكمل النهارده. بصتلي بذهول:
– إنت بتقول إيه يا حازم؟!
إنت هتسيبني في نص فرحي وتمشي؟قلت وأنا باخد مفاتيح عربيتي:
– أنا لازم ألحق نجوى وأفهم منها اللي حصل، وبعد كده نبقى نتكلم. صرخت فيا:
– يعني إيه تفهم منها؟ إنت ناسي إنك كنت بتقولي إنك بتحبني وإنك مستني اللحظة دي من سنين؟وقفت وبصتلها وقلت:
– أنا فعلاً كنت مستني اللحظة دي، بس مكنتش متخيل إنها هتيجي على حساب بيتي وولادي بالشكل ده. قصص وروايات أمانى سيد خرجت من القاعة وجريت على عربيتي، وسقت ورا نجوى وأنا برن عليها، لكنها كانت بتقفل في وشي. لحد ما لمحتها واقفة عند موقف العربيات، قربت منها ونزلت بسرعة.
– نجوى! استني، بالله عليكي استني!لفت وبصتلي ببرود:
– إنت سايب عروستك وجاي ورايا ليه؟ مش المفروض تكون فرحان دلوقتي؟قلت وأنا بحاول ألقط نفسي:
– أنا مش فاهم إنتِ ليه عملتي كده؟ طب على الأقل نتكلم ونشوف حل. ضحكت بوجع وقالت:
– حل إيه يا حازم؟
إنت كنت عامل حسابك على كل حاجة، حتى إنك تفضل محتفظ بيا علشان أربي ولادك، وتتجوز واحدة تانية وتعيش معاها. بس واضح إنك نسيت تحسب حساب إن ليا كرامة أنا كمان. قربت منها وأنا بحاول أهدّيها وقلت:
– نجوى، اسمعيني بس، أنا عارف إني غلطت، وعارف إن اللي عملته ملوش أي مبرر، بس صدقيني الموضوع في الأول كان زي ما إنتِ فاهمة، أنا كنت عايز أتجوزها وفي نفس الوقت أفضل محتفظ بيكي علشان الولاد،
لكن لما لقيتك قدامي وعرفت إنك ممكن تمشي وتسيبيني، وإن قدامي اختيار إني أكمل معاها أو أرجعلك، أنا اخترتك إنتِ.
بصتلي باستغراب وقالت:
– اخترتني؟! هو أنا كنت في مسابقة بيني وبينها يا حازم؟قلت بسرعة:
– لا، والله مش قصدي كده، أنا بقولك إني اكتشفت إني مش عايز أخسرك، وإن وجودك في حياتي مش لمجرد إنك بتربي ولادي، أنا حبيتك يا نجوى، واتعلقت بيكي، ومش عايز غيرك، ووعد مني مش هكرر اللي حصل ده تاني، ولا هفكر في جوازة تانية، بس ارجعي معايا وخلينا نحل كل حاجة.

