منوعات

صرــخت بنتى كشفت السر

روايات_مشيره_محمدكنت واقف قدام الدولاب وبحاول أشوف إيه اللي فوقه من غير ما أعمل صوت
مديت إيدي وجبت كرسي من جنب التسريحة وطلعته بحذر وبعدها وقفت عليه وبدأت أرفع راسي واحدة واحدة
في الأول كل اللي شوفته كان شوية بطاطين قديمة وشنط متكومة فوق بعض وعلبة كرتون كبيرة عليها تراب

لكن فجأة عيني وقعت على حاجة خلت جسمي كله يتجمد
كان فيه طرف قماشة أسود ظاهر من ورا البطاطين
مديت إيدي وحاولت أشد القماشة لكن إيدي خبطت في حاجة صلبة
قربت أكتر وبصيت كويس
كانت شنطة سفر صغيرة ومقفولة بسلسلة حديد

الغريب إن الشنطة كانت متحطوطة في آخر الدولاب بشكل متعمد وكأن حد حاول يخبيها عن أي حد ممكن يبص من فوق
نزلت من على الكرسي وفضلت واقف مكاني
إيلي كانت واقفة عند باب الأوضة ومتابعاني بعينيها
قالت بصوت واطي

 

ـ لقيتها يا بابا
بصيتلها وسألتها
ـ إنتي شفتي إيه يا حبيبتي
شاورَت ناحية الدولاب وقالت
ـ الراجل اللي كان فوق
حسيت إن قلبي وقع في رجليا
ـ راجل مين يا إيلي
ـ الراجل اللي بيستخبى فوق الدولاب

افتكرت إنها ممكن تكون شافت لعبة أو دمية قديمة شكلها غريب لكن كلامها خلاني أقلق أكتر
ـ هو كان فين يا حبيبتي
رفعت صباعها وشاورت على نفس المكان اللي لقيت فيه الشنطة
وبعدين قالت جملة خلتني أحس إن الأوضة كلها بتلف بياروايات_مشيره_محمدـ هو بصلي وقال لي متقوليش لبابا

في اللحظة دي سمعت صوت مفتاح الباب الرئيسي
مراتي رجعت من بره
نزلت من على الكرسي بسرعة وروحت ناحية إيلي وشيلتها
دخلت مراتي وهي شايلة أكياس خضار وفاكهة وقالت باستغراب
ـ إيه يا جماعة مالكم واقفين كده ليه

بصيتلها وقلت
ـ عايز أسألك سؤال ومحتاج منك تجاوبيني بصراحة
ضحكت وقالت
ـ خير يا عم المحقق إيه اللي حصل
ـ الشنطة الصغيرة اللي فوق الدولاب دي بتاعت مين
أول ما سمعت السؤال ابتسامتها اختفت
بصتلي كام ثانية من غير ما تتكلم وبعدها حطت الأكياس على الأرض

ـ إنت طلعت فوق الدولاب
ـ أيوه طلعت وشوفت شنطة مقفولة بسلسلة
وشها اتغير أكتر وقالت بسرعة
ـ سيبك منها دي شنطة قديمة بتاعتي من زمان
ـ طب ليه مقفولة بسلسلة
ـ فيها حاجات خاصة بيا
ـ طب وإيه اللي يخلي إيلي تقول إنها شافت راجل فوق الدولاب

مراتي بصت لبنتنا وقالت بعصبية
ـ إيلي بتقول كلام كتير يا حبيبي دي طفلة صغيرة وبتتخيل
لكن إيلي كانت ماسكة في رقبتي وبدأت تعيط
ـ لأ يا ماما أنا شوفته
مراتي قربت منها وقالت
ـ شوفتي مين يا حبيبتي

إيلي خبّت وشها في كتفي وقالت
ـ الراجل اللي كان بيخبط من جوه
ساعتها أنا ومراتي بصينا لبعض
خبط
إيلي قالت بيخبط
يعني الموضوع مش مجرد شخص شافته
سألتها وأنا بحاول أسيطر على صوتي
ـ كان بيخبط في إيه يا إيلي
ـ في الدولاب يا بابا

مراتي قربت بسرعة وحاولت تاخدها مني
ـ خلاص يا إيلي كفاية كلام وروحي العبي
لكن البنت رفضت تنزل من حضني
حسيت إن فيه حاجة غلط وإن مراتي عارفة أكتر بكتير من اللي بتقوله
استنيت لما إيلي نامت بالليل وبعدها دخلت أوضة النوم وقفلت الباب

السابق1 من 6
تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى