منوعات

صرــخت بنتى كشفت السر

مراتي صرخت
ـ إيهروايات_مشيره_محمدـ شريف عايش يا نيرمين
ـ طب فين طول السنين دي
ـ كان محبوس في مصحة خاصة بعد ما أبوكي اتهمه إنه مش متزن نفسيا وإنه بيهدد العيلة
مراتي قربت منه وهي بتترعش
ـ وإنتوا سبتوه هناك

ـ أنا حاولت أساعده لكن أبوكي كان عنده علاقات وفلوس وكان بيقدر يوقف أي حد في طريقه
ـ طب ليه مقولتليش
ـ عشان كنت خايف عليكي
قلت له
ـ وهو خرج من المصحة ولا لسه
هز راسه
ـ خرج من سنة تقريبًا
ـ وراح فين

ـ مش عارف
مراتي قعدت على الأرض وفضلت تعيط
كانت فاكرة إنها فقدت أخوها من أكتر من عشرين سنة وفجأة عرفت إنه عايش
لكن المفاجأة الأكبر كانت لسه جاية
عمها فؤاد مد إيده في جيبه وطلع صورة قديمة
وقال
ـ دي آخر صورة وصلتهالي منه
خدت الصورة

 

كان فيها شريف واقف قدام بيت صغير وفي إيده ورقة
وعلى ضهر الصورة مكتوب عنوان في مدينة تانية
مراتي بصت للصورة وقالت
ـ أنا لازم أشوفه
فؤاد قال
ـ مش قبل ما نبلغ الشرطة ونقدم التسجيلات والأوراق اللي تثبت اللي حصل
وافقته

لأننا لو خرجنا ندور على شريف من غير ما نأمن نفسنا ممكن اللي حصل زمان يتكرر
تاني يوم الصبح رحنا القسم ومعانا التسجيل والدفاتر والمستندات
الضابط سمع التسجيل وبدأ يسألنا عن تفاصيل كتير
وبعد مراجعة الأوراق اكتشفوا إن فيه بلاغات قديمة عن تزوير عقود واستيلاء على أملاك ناس

وبدأت التحقيقات من جديد
أما أنا فكنت مشغول بحاجة واحدة
إيلي
البنت الصغيرة اللي كانت أول واحدة تشوف الخطر وتصرخ
رجعت البيت ولقيتها قاعدة مع جدتها بتلعب
جريت عليا وقالت
ـ بابا إنت طلعت الراجل من الدولاب
حضنتها وبوست راسها

ـ أيوه يا حبيبتي ومش هيقدر يخوفك تاني
سألتني ببراءة
ـ هو كان وحش
ابتسمت وقلت
ـ لأ يا حبيبتي هو كان محتاج حد يساعده
لكنها قالت جملة خلتني أضحك رغم كل اللي حصل
ـ طب خلاص يا بابا نلعب الطيارة بس من غير ما نطلع فوق الدولاب

ضحكت وشيلتها وقلت
ـ اتفقنا يا كابتن
بعد أسبوعين قدرنا نوصل لشريف
كان عايش في شقة صغيرة في مدينة بعيدة وبيشتغل في ورشة نجارة
أول ما مراتي شافته فضلت واقفة مكانها مش قادرة تتحرك
كان شعره بقى أبيض ووشه اتغير لكن عينيه كانت زي ما هي

قالت بصوت مبحوح
ـ شريف
بص ناحيتها وكأنه مش مصدق
ـ نيرمين
جريت عليه وحضنته وفضلوا يعيطوا هما الاتنين
كان مشهد صعب
أخت وأخوها رجعوا لبعض بعد سنين طويلة من الفراق والكذب
بعد ما هدي شوية قعدنا معاه وحكى لنا كل اللي حصل

قال إن أبوه لما اكتشف إنه عرف موضوع التزوير حبسه في المخزن فترة بمساعدة ناس كانوا بيشتغلوا معاه وبعدها اتهمه بالمرض النفسي ودخله المصحة
لكن شريف قدر يحتفظ ببعض الأوراق اللي تثبت الحقيقة
وكان عمه فؤاد بيساعده من بعيد لحد ما قدر يخرج ويبدأ حياة جديدة

سألته مراتي
ـ طب ليه مرجعتش تدور عليا
قال لها
ـ رجعت مرتين لكن كنت خايف أجيبلك مشاكل معايا وكنت مستني لما أقدر أثبت كل حاجة
وبعدها بصلي وقال
ـ بنتك هي اللي اكتشفت الشنطة صح
هزيت راسي
ابتسم وقال
ـ أنا كنت عارف إن اليوم ده هييجي

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى