منوعات

صرــخت بنتى كشفت السر

شغلت كشاف الموبايل وبصيت جواه
كان الممر بينتهي عند غرفة صغيرة مليانة كراتين وأثاث قديم
دخلت بحذر ولقيت على الأرض لعبة أطفال قديمة
كانت عربية صغيرة حمرا
مراتي أول ما شافتها بدأت تعيط
قالت
ـ دي لعبة شريف

رفعتها من الأرض ولقيت تحتها ورقة صغيرة مكتوب عليها
أنا هنا
قبل ما أقدر أفهم معنى الجملة سمعت صوت خبط من آخر الممر
ثلاث خبطات ورا بعض
وقفت مكاني
مراتي مسكت دراعي بقوة
ـ أحمد اطلع بره
لكن صوت الخبط اتكرر

وبعده سمعنا صوت راجل بيقول
ـ مين هناك
قلبي كان بيدق بسرعة
قلت بصوت عالي
ـ مين
محدش رد
قربت من آخر الممر ولقيت باب حديد صغير
فتحته بحذر
كان وراه مخزن تاني فيه رفوف قديمة وشنط وأوراق كتير
وفي الركن كان فيه كرسي خشب

 

وعليه جهاز تسجيل قديم
حطيت الشريط اللي لقيناه في الجهاز وضغطت تشغيل
في الأول كان فيه تشويش وبعدها ظهر صوت شاب
ـ لو حد بيسمع التسجيل ده يبقى أنا معرفتش أخرج من هنا
الصوت كان صوت شريف
مراتي حطت إيديها على بقها وبدأت تعيط

كمل شريفروايات_مشيره_محمدـ بابا كان بيستغل المخزن ده عشان يخبي أوراق ملكية بيوت وأراضي كان بياخدها من أصحابها بالغش والتزوير
ـ ولما اكتشفت الموضوع حاول يخليني أسكت
ـ أنا مش لوحدي هنا
ـ فيه ناس تانية اتظلمت بسبب اللي بيعمله

ـ أنا سجلت كل حاجة وخبيت النسخ في مكان محدش يعرفه
وفجأة التسجيل وقف
وبعد ثواني رجع الصوت تاني
ـ يا نيرمين لو إنتي اللي بتسمعي التسجيل ده سامحيني إني سيبتك لوحدك
مراتي انهارت في العياط
كانت بتقول
ـ شريف كان عارف إن بابا هو السبب
بصيتلها وقلت

ـ والدك كان بيعمل إيه بالظبط
ردت وهي بتترعش
ـ كان عنده مكتب عقارات وكان بيزور عقود بيع وشراء وبيستغل ناس غلابة مش بيعرفوا يقروا كويس
ـ وشريف اكتشف ده
هزت راسها
ـ أيوه
في اللحظة دي سمعنا صوت حركة جاية من ناحية الباب الخارجي للمخزن

حد كان بيحاول يفتح الباب
طفيت كشاف الموبايل وشديت مراتي ورا الرفوف
الباب اتفتح ببطء
ودخل راجل كبير في السن
كان ماسك كشاف صغير وبيتحرك بحذر
فضل يبص حواليه لحد ما وقف قدام جهاز التسجيل
وقال بصوت واطي

ـ مين اللي فتح المكان ده
مراتي شهقت
الراجل لف بسرعة ناحية الصوت
ولما نور الكشاف على وشها اتجمد مكانه
قال
ـ نيرمين
مراتي كانت بتبصله وهي مش مصدقة
ـ عمو فؤاد
كان فؤاد عمها وأخو أبوها
قرب منها وقال
ـ إنتي عرفتي إيه

قلت له وأنا خارج من ورا الرف
ـ إحنا عرفنا كل حاجة
بصلي بغضب وقال
ـ إنت مالكش دعوة بالموضوع ده
ـ بقى ليا دعوة لما بنتي تكون بتخاف من حاجة مستخبية في أوضة نومها
الراجل سكت لحظة وبعدها قعد على الكرسي
كان واضح عليه التعب

قال
ـ أنا كنت مستني اليوم ده من سنين
مراتي سألته
ـ شريف فين يا عمي
بص للأرض ومردش
كررت السؤال وهي بتعيط
ـ شريف فين
رفع عينيه وقال
ـ شريف عايش
حسيت إن الأرض بتتحرك من تحت رجلي

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى