أحمد كان واقف في الزاوية، مربع إيديه، وعينيه بتمشي في الشقة بحسرة. قربت من صورة الفرح الضخمة المعلقة. مسكت أطراف البرواز، وبكل قوة عندي، سحبت الصورة ونزلتها على الأرض، ودست على القزاز برجلي لحد ما اتكسر ميت حتة وتحطم وشه تحت جزمتي.
الصوت رن في الشقة كلها، وأحمد اتنفض مكانة وكأن الكسر ده كان في قلبه هو. بصيت له وقلت بصوت واطي جداً عشان هو بس يستمعه: — الصورة دي كانت كذبة… زي الخمس سنين اللي عشتهم معاك بالظبط.
أحمد قرب مني ودموعه بدأت تنزل، بس المرة دي ما كانتش دموع ندوم، كانت دموع انكسار وخوف من المستقبل: — نادين… أرجوكي، بلاش القضايا. أنا مستعد أطلقك بكرة، وأسيبلك الشقة، وأكتبلك تنازل عن كل حاجة، بس بلاش التزوير وبلاش السجن. أنا لو اتسجنت مستقبلي ضاع!
ابتسمت له ابتسامة شاحبة وقاسية: — ومستقبلي أنا اللي ضاع وأنا مستنياك تكبر وتنجح؟ والسنوات اللي سرقتها من عمري وأنت بتبني حياتك مع واحدة تانية على حسابي؟ مين هيعوضني عنها؟ البوليس هيتولى أمره يا أحمد، والقانون هو اللي هياخدلي حقي منك حرفاً بحرف.
أمين الشرطة خلص المحضر، وتوجه لأحمد وقال له: — اتفضل معانا على القسم يا أستاذ عشان تعمل أقوالك في محضر التزوير واستغلال العقار. أحمد اتسمر مكانه، وبصلي بقلة حيلة وهو بيتسحب من إيده قدام العمارة كلها، والجيران طالعين في البلكونات يتفرجوا على “العريس” اللي كان بيلبس بدلة الفرح البارح، وهو طالع في عربية البوليس النهارده.
بعد ما مشيوا، قعدت على الكنبة في الشقة الفاضية. السكوت كان مالك المكان. الأستاذ فاروق حط إيده على كتفي وقال: — نادين يا بنتي، الشقة كده بقت تحت تحفظ المحكمة لحد ما نخلص إجراءات نقل الملكية النهائية ورادع عقود التزوير. الطلاق هينزل في أول جلسة للضرر، وحقك المالي كله هيرجعلك بالقرش.
هزيت رأسي، وطلعت تلفوني. لقيت رسالة جاية لي من رقم غريب… فتحتها، وكانت من “سمر”. الرسالة كان مكتوب فيها: “نادين… أنا آسفة. أنا عرفت كل حاجة، وعرفت إنه كان بيستغلني زي ما استغلك، وكان بياخد مني فلوس باسم الاستثمار عشان يشتري بيها الدهب اللي كان بيوريهوني.
أنا رفعت عليه ق\ضية نصب النهارده. أنا مش زعلانة منك، أنا بشكرك إنك أنقذتيني قبل ما ألبس دبلته رسمياً. لو محتاجة أي شهادة مني في المحكمة ضد أحمد، أنا جاهزة.” قفلت التلفون، وبصيت للشباك. الشمس كانت بدأت تغرب، والنور الأحمر كان مالي الأوضة.
كنت فاكرة إن الانتقام هيخليني أحس بالسعادة، بس للحظة حسيت بوجع عميق… وجع على الأيام اللي ضاعت، وعلى الثقة اللي اتقتلت. بس في وسط الوجع ده، كان فيه شعور تاني بيولد جوايا… شعور بالحرية. تلفوني رن تاني… المرة دي كان المحامي بيخبرني إن أحمد طلب محامي ثاني وممصم يرفض الطلاق إلا لو تنازلت عن قضايا التزوير والتعويض، ومهدد إنه هيسحب الق\ضية لسنوات طويلة في المحاكم.
وقفت، وبصيت لنفسي في المراية، وقلت بمنتهى القوة: — يبدو إن المعركة لسه مخلصتش يا أحمد… وأنا جاهزة للجولة الجاية. كان الصمتُ في الحارة أثقل من الحجارة، صمتٌ يسبق انفجار المطر أو انفجار الدماء. وقف “عمران” على عتبة الدكان القديم، يمسح بقطعة قماش بالية حديد سيفه العتيق، وعيونه معلقة بأول الشارع حيث تتجمع الظلال.
