ا يا ندى… بطلي دلع بقى وحطي الرومي في الفرن. أنا ودينا جعانين من الصبح. أحمد قالنا إنك جايبة رومي بلدي كبير وغالي، يبقى أكيد هيكفينا كلنا.
دي كانت أول جملة سمعتها من حماتي أول ما فتحت باب الشقة وأنا راجعة من الشغل، وشايلة رومي متجمد وزنه حوالي ستة كيلو. لسه حتى ما لحقتش أقلع الجزمة ولا آخد نفسي من طلوع السلم. حكايات منال علي
أنا اسمي ندى، عندي ٣٤ سنة، متجوزة أحمد، وعندنا بنت اسمها ليان عندها ست سنين، وعايشين في شقة في فيصل. كنت حاجزة الرومي ده من مزرعة من أسبوعين، ودافعة تمنه من مكافأة الشغل بتاعتي، عشان كنت ناوية أعمل غدا حلو ومميز يوم الأحد لأبويا وأمي اللي وحشوني وعايزة أعدي قعدة حلوة معاهم.
إنما أول ما دخلت الشقة… اتفاجئت إن في قعدة عائلية بكامل نجومها، وأنا آخر واحدة تعرف!
متوفره على روايات واقتباسات
حماتي كانت قاعدة مريحة نفسها
على الانتريه الجديد، ولسه لابسة جزمتها من غير حتى ما ترفع رجلها أو تحترم إن دي شقتي. وجنبها سلفتي دينا، اللي بقالها تمن شهور قاعدة في البيت من غير شغل، وكل شوية تقول إنها لسه بتشوف نفسها هتشتغل إيه وتستكشف قدراتها.
أما أحمد جوزي… فكان واقف جنب الباب، منزل راسه في الارض، ومش قادر يبصلي خالص كأنه عامل عاملة.
بصيتله بعينين واسعتين وقلت بصوت هادئ بس جواه بركان
هو إحنا عندنا حد جاي النهارده؟ ولا في مناسبة أنا نسيتها؟ حكايات منال علي
قال وهو متلخبط وبيتكلم بسرعة
ماما ودينا كانوا معديين من هنا بالصدفة… قولتلهم يطلعوا يستريحوا.
قلت باستغراب وسخرية مش محتاجة ذكاء
معديين من هنا؟! دول جايين من شبرا لحد فيصل بالصدفة؟! ده انتم لاقيين طريقكم كويس قوي! وبعدين أنتو شايفين الرومي لسه متجمد في إيده ازاي؟!
حماتي قلبت وشها في ثانية، وقالت ببرود عجيب وهي بتشاور بايدها
ايه
يا بنتي البرود ده! ما تفكيه في الميكروويف وخلاص… هي يعني أزمة ولا قضية مخلعة؟ فكيه وحطيه في الصينية وخلصينا.
قلت وأنا ماسكة أعصابي بالعافية وعروقي بتنبض
هو أصلًا مش هيدخل الميكروويف، ده وزنه ستة كيلو، وعايز تسوية معينة وتتبيلة من امبارح.
دخلت المطبخ وخطواتي تقيلة، وحطيت الرومي قدام الفريزر وأنا حاسة بدموع القهر محپوسة في عيني. ولما فتحت التلاجة عشان أشرب كوباية مية تبرد الڼار اللي في صدري…
لقيتها فاضية تقريبًا! مفيش غير شوية حاجات ناشفة.
إحنا كنا متفقين من امبارح بالحرف إن أحمد هو اللي هيعدي يجيب طلبات البيت والمقاضي وأنا راجعة من الشغل، وأنا اللي أروح أستلم الرومي من المندوب.
لفيتله بسرعة وطلعت من المطبخ وقلت بصوت حاد
فين المقاضي يا أحمد؟ التلاجة صفر!
قال وهو بيهرش في دماغه وبيتجنب بصتي حكايات منال علي
ها؟ أصل… أصل ملحقتش أعدي أجيبها، الشغل كان
ضاغط.
قلت وأنا حاسة إن في
