مصېبة تانية ورا الجملة دي
طيب… فين المرتب؟ مش نزل من يومين؟
سكت. سكت خالص ومردش.
ثواني كده كأن الوقت وقف فيها…
وبعدين قال بصوت واطي وخاڤت
حولته كله لماما.
افتكرت إني سمعت غلط، أو إن عقلي بيصتلف بيا من تعب الشغل.
قلت وأنا بضحك ضحكة عصبية
يعني إيه كله؟! قصدك إيه؟ قصدك ال 15ألف جنيه كلهم؟!
قبل ما أحمد ينطق، حماتي ردت بسرعة وبجاحة مفيش بعدها بجاحة
أيوه، حولهم كلهم ليا. أصل دينا محتاجة لابتوب كويس جداً عشان هتبدأ تتعلم جرافيك ديزاين وتعمل مستقبلها، وأحمد أخوها الكبير، والراجل الحقيقي لازم يقف جنب أخته ويحميه ويظبطها. وبعدين ما إنتِ ما شاء الله شغالة ومرتبك حلو أوي، تقدري تصرفي على البيت والشقة لحد الشهر ما يخلص، إيه يعني لما تشيلي الليلة شوية؟!
الكلمة نزلت على دماغي زي صاعقة كهربا. متوفره على روايات واقتباسات
بصيت لأحمد اللي بيبتلع ريقه بصعوبة…
احنا لسه فاضل قدامنا تلات أسابيع
كاملة على المرتب الجاي!
وعلينا فاتورة الكهربا اللي هتنقطع لو مادتفعتش بكره، وقسط العربية اللي لو اتأخر غرامته مصېبة، ومصاريف درس الرسم بتاع بنتي ليان اللي بتتطالب بيه كل أسبوع.
خدت نفس طويل… طويل جداً لدرجة إني حسيت روحي بتتسحب مني.
رجعت الرومي جوه الفريزر، وقفلت باب الفريزر بصوت عالي هز المطبخ، وطلعت وقفت قدامهم وقلت بكل هدوء يخوف
تمام… يبقى النهارده مفيش غدا ولا رومي ولا أي زفت.
حماتي قامت واقفة مرة واحدة على حيلها وقالت بعصبية وصوت عالي ملت شقة فيصل
إيه قلة الذوق والبطن البطرانة دي؟! أنتي بتطردينا بالأكل وبتقوليها في وشنا كده عيني عينك؟!
بصتلها ببرود وقلت بابتسامة سمجة
في شوفان في المطبخ، ومية في التلاجة… أحمد يقف يعملكم أحلى طبق شوربة شوفان، يشرفكم.
وفتحت دولاب الصالة وخدت شنطتي ومفاتيحي عشان أنزل ألحق أجيب بنتي ليان من الحضانة قبل ما تتاخر.
لكن قبل ما أمد ايدي على أوكرة الباب.
..
أحمد نط بسرعة ومسكني من إيدي بقوة وقال بصوت مكسور بس فيه أمر
استني يا ندى… بلاش تعملي مشكلة وتكبري الموضوع على الفاضي. ماما بتقول إن معاكِ تحويشة في البنك… ما تطلعي منها وتصرفي علينا الفترة دي وخلاص، مفيهاش حاجة يعني، كلنا عيلة واحدة!
وقفت مكاني متجمدة…
بصيت لإيده وهي ماسكة إيدي، وبعدين بصيت في عينه وأنا مش مصدقة اللي وداني سامعاه وقلت بصوت يرجف
إنت… إنت كمان حكيتلهم على تحويشة عمري اللي شايلاها للزمن ولعملية أبويا؟! حكايات منال علي
نزل عينه في الأرض فورا وماقدرش يرفعها قصادي…
وفي نفس اللحظة…
حماتي ابتسمت ابتسامة صفراء مستفزة وقالت بصوت مالي قلبه الشړ
أومال يعني! هنبقى عيلة إزاي لو في أسرار بين الراجل ومراته؟ الفلوس دي مالهاش عازة لو ما اتصرفتش في وقت الجد، وفي الآخر كلنا عيلة واحدة وهتفيدنا كلنا!
ساعتها بس…
فهمت بكل وضوح إنهم ماجوش علشان ياكلوا الرومي البلدي الغالي
اللي دافعة تمنه من عرق جبيني…
دول
