جايين وهم مرسوم في دماغهم خطة تانية خالص شايفين إن من حقهم يقرروا مرتبي بيروح فين، وتحويشة عمري تروح لمين، وحتى لقمة أكل بنتي الصغير بتبقا حلال زلال عليهم!
افتكروا إنهم كسبوا الجولة من اولها، وإن ندى الطيبة البلهاء هتسكت وتعديها زي كل مرة…
لكن اللي عمرهم ولا في أطياف كوابيسهم ما كانوا يتوقعوه…
إن يوم الأحد ده، وبالتحديد الليلة دي، هتبقى اللحظة اللي هتنقلب فيها الطاولة.
يوم الأحد جه…
ومن الصبح بدري، الشقة كانت مقلوبة ريحة وعمل وسکينة من حلاوة الطبيخ. أنا كنت مجهزة كل حاجة بتركيز وهدوء، والرومي البلدي الكبير اتتبل ودخل الفرن وطلع واخد وش ذهبي يفتح النفس، والسفرة اتفرش عليها أحلى مفرش واتزينت بالأطباق والسلطات. وعلى الساعة اتنين الظهر، أبويا وأمي وصلوا بالسلامة، ومعاهم أخويا الكبير ومراته، ودخلوا يسلموا بحب ودفا وكأن البيت منور بيهم.
قعدنا في الصالة، وبدأنا نضحك ونتكلم، وأنا مستنية
اللحظة اللي هيبتدي فيها الفصل الأخير من اللعبة اللي حماتي وأحمد وأخته دبروها عليا.
وبعدها بعشر دقايق… بالظبط زي ما كنت حاسبة.
جرس الباب رن.
أبويا بص باستغراب وقال
مين جاي لنا النهارده تاني يا ندى؟
قمت من مكاني وأنا ببتسم ببرود وبقول
ضيوف تانين يا بابا.. ناس كده عزيزة علينا!
فتحت الباب…
ولقيت أحمد، وحماتي، وسلفتي دينا واقفين على الطالع والنازل، وكل واحد فيهم داخل برجله اليمين وهو متأكد تمام التأكد إن العزومة والدلاعة والرومي البلدي كله معمولالهم خصيصاً!
حماتي دخلت وهي بتعدي شالها وبتقول بكل ثقة وغرور
أهو كده يا ندى… الواحد لما بيكون عاقل بيعرف إن الزعل ما بيفيدش بحاجة، يلا شدي حيلك بقى وريني عملتي الرومي إزاي.
بصتلها بابتسامة سمجة وواسعة وقلت بصوت هادئ
أهلاً وسهلاً.. نورتوا البيت، اتفضلوا ادخلوا.
قعدوا كلهم على السفرة على طول، ولا كأنهم معزومين بمعرفة أصحاب البيت حتى، ودينا قعدت تظبط
شعرها وتبص للسفرة بزهو ومستنية الأكل يتحط فوراً عشان تلطش أحلى حتة لحمة.
لكن… بدل ما أجيب الأطباق والصواني السخنة من المطبخ…
طلعت من جيبي ظرف أبيض نضيف، وطلعت وراه ملف صغير، ومشيت لحد السفرة، وحطيت الظرف قدام أحمد بالضبط.
أحمد بص للظرف باستغراب، ورفع عينه فيا وقال بنبرة قلق
إيه ده؟ إيه اللعبة دي؟
قلت بصوت ثابت وصارم خلّى الكل يسكت ويصيخ السمع
افتحه يا أحمد.. واقرا بنفسك.
أحمد بلع ريقه بتوتر، ومد إيده فتح الظرف، وطلع منه ورقة مطبوعة بعناية ومكتوبة بالرقم والحرف.
قرأ أول سطر…
وفجأة… اتغير لون وشه، وبشرته باحت، وعروق رقبته نطت كأنه شاف عفريت مش ورقة!
حماتي اتعدلت بقلق وعصبية وقالت
في إيه يا أحمد؟ الواد اتخض ليه؟ وريني كده مكتوب إيه!
قبل ما أحمد ينطق، قلت وأنا باصة في عيون حماتي مباشرة وبكل ثقة
ده يا ست الكل.. كشف دقيق ومفصل بكل المصاريف والالتزامات اللي دفعتها لوحدي من جيبها ومن تعب
شغلي طول الشهر اللي فات، من أول
