فتحت الخط على محامي العيلة، الأستاذ فاروق، وصوتي كان أهدى بكتير من اللي هو متوقعه في ظروف زي دي. — أستاذ فاروق، الشقة القديمة بتاعة ماما… أحمد كان مأجرها بعقود مزورة. النهاردة اكتشفت كل حاجة، ومحتاجة حضرتك تبدأ فوراً في إجراءات رفع ق\ضية طلاق للضرر، وق\ضية تبديد ومحضر تمكين، وتجهّز بلاغ للنيابة بتهمة التزوير واستغلال عقار بدون وجه حق.
الأستاذ فاروق ذهل لثواني، وسألني بذهول: — نادين يا بنتي… أنتِ بتتكلمي جد؟ أحمد عمل كل ده؟! أنتِ فين دلوقتي؟ — أنا في العربيتي، رايحة بيت بابا وماما. أرجوك اجهز بالورق، مش عايزة أديه فرصة يلمس قشة واحدة من اللي أخدها مني. قفلت السكة، ودست على البنزين.
الرياح كانت بتخبط في قزاز العربية، وشريط الخمس سنين اللي فاتوا بيعدي قدام عيني كأنه فيلم سينما… كل كلمة حلوة قالها، كل مرة قال إنه مسافر شغل، كل تأخيرة، كل كذبة نسجها ببراعة… كانت بتتحرق في عقلي وبتتحول لرماد.
أول ما وصلت بيت أهلي، فتحت الباب بالمفتاح. أمي كانت قاعدة في الصالة بتبص في الساعة وقلقانة، وأول ما شافتني قامت وفتحت إيديها وابتسمت: — حبيبتي يا نادين… كل سنة وأنتِ طيبة يا قلبي. كنت قلقانة عليكِ، أحمد اتصل بيكِ؟ قالي إنه في السفر وهيكلمك.
بصيت لأمي… النظرة اللي في عيني خليت ابتسامتها تختفي تدريجياً. حطيت شنطتي على الكنبة، وقعدت، وبدأت أحكيلها… كلمة كلمة، وموقف موقف. أمي إيدها راحت على قلبها، ووشها أصفر، والدموع نزلت من عينيها في صدمة مش قادرة تستوعبها: — أحمد؟! أحمد اللي دخل بيتنا حافي وماحيلتوش حاجة واستأمنّاه؟
أحمد اللي كتبنا له الشقة إيجار صوري عشان يساعد نفسه؟ يعمل فيكِ كده يا نادين؟! وفي عيد ميلادك؟! في اللحظة دي، تلفوني بدأ يرن من غير توقف. شاشة التلفون كانت بتنور باسم “أحمد”. مرة… اتنين… عشرة… خمسين مرة.
وبعدها بدأت تيجي رسائل واتساب منه كالمطر: “نادين ارجوعي افهميني!” “سمر طردتني وفضحتني قدام أهلها والمأذون مشي!” “أنا اتدمرت يا نادين… أرجوكِ افتحي ردّي عليا، والله العظيم كل ده كان غلطة وساعة شيطان!” “أنا بحبك إنتِ… الشقة والدهب وكل حاجة تحت رجلك، بس ما تخربيش بيتنا!
”بصيت للرسائل ببرود تام، وعملت له “بلوك” على كل البرامج، وحظرت رقمه. فجأة، جرس الباب رن بهستيريا. تخبيط قوي ومتواصل على الباب، وصوت أحمد طالع من برة وهو بيبكي وبيصرخ: — نادين! افتحي يا نادين! يا عمي افتحوا لي أترجاكم! اسمعوني الأول!
أمي قامت مرعوبة، بس أنا وقفتها بإيدي. مشيت بخطوات ثابتة لحد الباب، وقفت وراه، وقلت بصوت صارم هز العمارة كلها: — لو إيدك اتمدت على الباب ده تاني يا أحمد، أو صوتك عليّ، أنا هطلب النجدة فوراً وهتسلمهم محضر التعدي والتزوير وأنت واقف مكانك.
امشي من هنا برجلين كرامتك… لو فاضل فيك كرامة. الصوت برة سكت لحظة. أكن الكلام نزل عليه زي الساطور. وسمعت صوته وهو بيتخنق بالدموع: — نادين… أنتِ بتضيعي كل حاجة بنيناها في لحظة؟ رديت عليه بابتسامة قاسية من خلف الباب: — إنت اللي هدمت كل حاجة في تلات سنين يا أحمد… أنا بس جيت ألم باقي حاجتي من تحت الأنقاض.
امشي. سمعت صوت خطوتين راجعين لورا، وصوت أقدامه وهو بينزل السلم مكسور ومطأطأ الرأس. ثاني يوم الصبح… صحيت على صوت تلفوني بيرن. كانت شريكتي في الاستوديو، مها. فتحت الخط، وقبل ما أتكتم، مها قالت لي بصوت مرعوب ومتوتر: — نادين… أنتِ فين؟ افتحي الفيس بوك فوراً! الدنيا مقلوبة!
فتحت منصات التواصل الاجتماعي… والصدمة كانت منتظراني. سمر… العروسة… كانت منزلة فيديو بث مباشر وصور العقد والصورة الضخمة اللي كانت على الحيطة، وحاكية القصة كلها بالتفصيل! الفيديو كان جاب مئات الآلاف من المشاهدات في ساعات قليلة
