
مهاب بحده: كله من الحيه إللى إسمها كاميليا، وأخوكى زى الأهبل بيمشى وراها، تخيلى أنها صاحبة فكرة جوازه منها، وان جوازته من مريم هيفضل فى السر، واحده متسلقة صائدة ثروات.
سلمى بضحك: حيلك حيلك اهدى شويه، بعدين هو حر فى اختياره، بس أتمنى ما يرجعش يندم بعدين، انت مش عارف مريم دى عامله إزاى، رغم أنها عاميه إلا أنها دخلت كلية اقتصاد وعلوم سياسية، لا وكمان مثقفه، عندها مكتبه كبيره جدا فيها كتب ادبيه وسياسة واقتصادية وفى الفلسفة وعلم النفس، ده غير الروايات ورقتها واسلوبها، وهى بتتكلم رغم أنها أصغر منى إلا أنها تعرف عنى كتير، أنا بجد أتمناها زوجه لأخويه، دى انسانه راقيه.
مهاب: وأنتى عرفتى ده كله ازاى يا زقرده، أنتى.
سلمى بمرح: اسكت مش أنا اتصاحبت عليها واتكلمنا سوى وبقينا صحاب، أنا حبيتها قوى يا مهاب، بجد ما شفتش حد فى رقتها ولا طيبة قلبها.
مهاب بغيره: انتي ماشيه تحبى فى الكل، وسايبه هوبا حبيبك، أنا مش عايز فى قلبك حد غيرى يا روحى.
سلمى: وأنت كنت كلمت بابا يا خويا، وبعدين انت بصراحة بق بس، مفيش فعل.
مهاب بصدمه: أنا بق بس يا سلمى.
سلمى بتأكيد: اه يا مهاب، أنت بق بس، فعل ما فيش.
مهاب: وكمان بتكرريها، طب إيه رأيك أن أنا هكلم أبوكى النهارده، وبالليل أن شاء الله دبلتى هتكون فى إيدك يا بنت صالح.
سلمى بضحك: عرفت بقى أنا بحبك ليه.
مهاب بتسأول: ليه يا قلب مهاب.
مهاب: عشان مجنون وبتعمل إللى فى دماغك يا هوبا، يا حبيبى.
مهاب بأبتسامه: وأنا كمان بحبك يا روح هوبا من جوه.
فى غرفة مريم
دلف الحاج مهران بعد طرقه على الباب حتى يتحدث إلى حفيدته ومحبوبته مريم، ويحاول أن يقنعها بتبلك الزيجه، فهو يعرف أنها سترفض بعد أن تعرف شروط جاسر للزواج منها.
الحاج مهران: مريم، أنتى فاضية يا بتى.
مريم بأبتسامه: اه يا جدو فاضية، عايز حاجة.
الحاج مهران: كنت عايز اتكلم معاكي شويه فى موضوع أكده.
مريم بأهتمام: موضوع إيه ده يا جدو، اتفضل أتكلم، أنا سمعاك أهو.
الحاج مهران: جاسر ولد عمك وافق على جوازه منك، بس عنده شروط.
مريم بأستغراب: شروط إيه دى يا جدو، أنا مش فاهمه حاجة.
الحاج مهران: جاسر بيحب واحده من مصر، وقال عشان يتجوزك، جوازكم هيبقى فى السر، وكمان هيتجوز البت بتاعة مصر دى.
مريم بدموع: وأنت يا جدو موافق على كلامه ده، موافق تكسرنى مع واحد ما بيحبنيش ولا أنا كمان بحبه، ليه يا جدو ليه.
الحاج مهران: لا عاش ولا كان إللى يزلك يا بتى، طول ما أنا عايش، وأنى حقك حفظهلك مقدم، عشان ولد صالح لو هفه عقله وازاكى ولا طلقك، أنتى تدوسى على رقبته، انى سبق وقولت بنات الصياد ما يتزلوش، واصل وانى قد كلمتى.
مريم بدموع: ازاى بقى حقى محفوظ مقدما، بعد إللى قاله البيه يا جدو، أنا مش فاهمه.
الحاج مهران: متسأليش عشان مش هجاوبك يا مريم، كل حاجه هتعرف بوقتها، بس صبرك عليا، بس وعايز أقولك حاجه، هيجى عليكى الوقت إللى تتشكرينى فيه على الجوازه دى.
هم مهران ان يخرج من الحجره، ولكن ندته مريم.
مريم: هنشوف يا جدى، ما عرفتش حاجه فى موضوع العملية بتعتى.
الحاج مهران: الدكتور عزت عم يدور على دكتور شاطر ومتميز فى الحلات إللى زييكى، وقريب قوى، هتعملى العمليه وتفتحى يا مريم ان شاءالله.
مريم: أن شاء الله يا جدو.
خرج الحاج مهران من غرفة مريم وتركه فى تفكيرها ومشاعرها اتجاه هذه الزيجه، والتى اضطرت أن توافق عليها غصبا حتى تحمى أخيها، ولكن سوف نرى ما تخبئه لنا الأيام.
فى التراث
كانت رهف ومروان يجلسون مع بعضهم ويتحدثون فيما بينهم.
مروان بحب: مالك يا روح قلبى مبوزه ليه ها.
رهف بحزن: أنت عارف ليه يا مروان، ما تستعبطش فيها أرجوك.
مروان بحنان: أعرف إزاى بقى من غير ما تقوليلى، اتكلمى أنتى وأنا هحللك كل مشاكلك.
رهف: أنت مش بتسأل عليا ولا بتجبلى حاجة زى كمان، ده غير إنك بدور على التار وبتجرى ورى حاجة مش هتجيب غير الخراب، وأول حاجة عملتها دبست أختك فى جوازه هى مش عايزاها.
مروان بحنان: أنتى عارفه يا حبيبتى أن موضع التار ده مفروغ منه، وأنا قولت هحاول أنى مأفكرش فيه، وجواز مريم ده امر جدى، وما حدش يقدر يعارضه، صح ولا غلط يا رهف.
رهف بحزن: صح، بس لو ليا خاطر عندك وبتحبنى بجد، اوعدنى إنك هتنسى فكرة التار دى، وعشان خاطر مريم كمان، ما تنساش إنك عندك ناس تخاف عليهم يا مروان، أرجوك.
نزلت دموعها وهى تتحدث مما لمس قلب مروان من الداخل، ففكر فى الأمر الذى تجاهله كثيرا، ماذا سوف يحدث إلى حبيبته واخته إذا حدث له شئ بسبب التار، يجب أن لا يفكر فى هذا الأمر مجددا، من أجلهم هم فقط أكثر أثنين حبا على قلبه.
مروان بتفكير: أوعدك يا رهف، عشان خاطرك أنتى و مريم، أنى مش هفكر فى التار تانى، كفايه إللى راحوا لحد دلوقتى، مش عايز خلاف تانى.
رهف بسعاده: بجد يا مروان، مش هتفكر فى التار تانى.
مروان بأبتسامه: اه رهف، مش هفكر فى التار تانى، وده وعد من ابن الصياد.
رهف: أنا مبسوطه بيك أوى يا مروان، بس بس فى نفس الوقت مكسوره وقلبى وجعنى.
مروان بتسأول: مكسوره من إيه يا قلبى، احكيلى.
رهف بحزن: مكسوره وموجوعه على مريم، أنت ما تعرفش جاسر قال إيه النهارده، أنا مش قادره أتخيل مريم حاسه بأيه بعد ما سمعت شروطه.
مروان بعدم فهم: شروط إيه دى بقى إللى بتتكلمى عليها، أنا مش فاهم.
رهف بتوتر: الاستاذ عايز يتجوز حبيبته بتاعت مصر، وكمان يخلى جوازه من مريم سرى، ودى شروطه عشان يتجوزها.
مروان بهدوء مريب: أنتى متأكدة من إللى أنتى بتقوليه ده يا رهف.
رهف بخوف: اه متأكده يا مروان.
دخل مروان إلى القصر وهو يحمل بداخله كل معانى الغضب والعصبية، فهو لم يتخيل أن تصل وقاحة ذلك ال جاسر إلى تلك للدرجه أبدا.
كان الجميع يجلس فى الداخل ما عدا صالح و مريم الذين كانوا يتحدثوا مع بعضهم فى الأعلى.
مروان بغضب: عمى منصور، صحيح إللى سمعته ده.
منصور: أنت بتتكلم عن إيه يا مروان، أنا مش فاهم عشان أرد عليك يا ولدى.
مروان بغضب: الشروط إللى حطها ابن أخوك عشان يقبل جوازه من أختى، صح ولا غلط.
مروان بقوه: صوح يا مروان، كل إللى أنت سمعته ده صح يا ولدى.
مروان بغضب وهو يهز رأسه: صح، وأنتوا إزاى تقبلوا أن بنتكوا تتجوز بالطريقة دى اصلا، ولا أنتوا فاكرين أن ملهاش حد فهتبيعوا تشتروا فيها.
تدخل صالح فى الحديث.
صالح بحده: الموضوع ده اتكلموا فيه الكبار وخدوا قرارهم، ومش مسموح لحد ان يتدخل فيه.
مروان بغضب أعمى: لو سمحت ما تدخلش فى اللى ملكش فيه، والموضوع لو يخص حد فهو يخصنى أنا وبس، فاهم إللى بنتكلم عنها دى أختى إللى ملهاش حد غيرى، أنت فاهم.
أتت طرقه قويه تأمر بالصمت للجميع، والتف على أثرها الجميع لصاحبها الذى وجه حديثه لمروان.
الحاج مهران بحده: لما تكلم عمك تكلمه عدل، أنت فاهم ولا لأ، و مريم أنى الوحيد اللى من حقه يقرر مصيرها، مفهوم، منصور أعمل التجهيزات عشان فرح جاسر على مريم الأسبوع الجاى.
صمت الجميع إثر كلامه، خاصة مروان، وذهب صالح لتنفيذ كلام والده، فكلامه سيف قاطع لا يحتاج للمجادله ابدا، فهو سيتم رغم أنف الجميع.
رواية صعيدية رائعة للكاتبة نورهان لبيب الجزء الثانى
من الحلقة الخامسة الى الثامنة
الحلقة 5
بعد مرور أسبوع

