
كانت كاميليا عند ذلك المجهول، ويفعلون ما حرمه الله، والذى هم فى غفله عنه، وأنه يراقبهم، انتهوا من حديثهم وبدأ فى التحدث معا.
المجهول بخبث: بس الفكره جهنمية بصراحه، كده نبدأ نسحب فلوس ونتنغنغ زى ما إحنا عايزين على حس سبع البرومبه هههههه.
كاميليا بدلال: بس بردو ما تنساش واحده وحده، بدل ما تتأكد عنده فكرة أهله عنى أنى استغلاليه وبتاعت فلوس يا حبيبى.
المجهول بضحكه رنانه: على أساس إنك مش كده يا روحى، بس إحنا عايزين نحوبك الدور صح.
كاميليا بعدم فهم: نحوبك الدور اذاى، مش فاهمة.
المجهول بسخريه: اظاهر كده نسيتى أمك العيانه، واللى يا حرام عنها کانسر، واللى كنتى بتسحبى فلوس على قفاها، ولا ايه يا روحى.
كاميليا بتفكير: لا، دى سبها عليا، أنا خالتى فاتن ممكن تساعدنى فى الدور.
المجهول: والبت العاميه دى عايزين نخلص منها، أحسن تبوظ كل حاجة عملناها.
كاميليا بضحك: لا.
منصور: أنت لسه مصر بردوا يا بوى على جوازة مريم من جاسر، البت من الصبح مش مبطله عياط، وأنا بردوا بعد كلام ليها مش عارف هأثر عليها ولا لأ، ربنا يستر بقا.
صالح: وأنا يا بوى خايف جاسر يعاند ويكابر ويرفض الجوازه دى، خصوصا وهو بيحب واحده من مصر، أنا متأكد انه مش هيرضى.
الحاج مهران: أنا كنت لسه عند مريم وبلغتنى بموقفها، أما إبنك يا صالح هنشوف عرفت تربى ولا لأ يا ابن هنيه.
صالح بتوتر من مغزى حديث ابوه: صالح ان شاء الله خير يا بوى، يا رب يوافق.
قطع حديثهم نزول جاسر والذى تحدث.
جاسر بهدوء: أنا عايز أقولكم حاجه.
الحاج مهران: خير يا ولدى عايز تقول إيه.
جاسر: أنا موافق على الجوازه دى.
صالح بسعادة: موافق يا بنى تتجوز مريم، الله يرضى عنك يا بنى.
الحاج مهران: منصور، انشر الخبر فى البلد كلها، لازم الكل يعرف ان جاسر ابن صالح الصياد هيتجوز مريم بنت عمه فارس، وكلوا معزوم على الفرح.
جاسر: أستنى يا عمى، أنا لسه ما كملتش كلامى، أنا اه هتجوز مريم، بس عندى شرط.
يتبع
الحلقة 4
الحاج مهران: شرط شرط إيه يا ولدى.
جاسر ببرود: أنا اه هتجوز مريم، بس اليوم إللى هتجوزها فيه، أنا هتجوز معاها كاميليا حبيبتى.
صالح بحدة: إيه اللى انت بتقوله ده يا زفت، أنت أنت واعى للى بتقوله ده.
جاسر بأستفزاز: هو ده اللى عندى، هتجوز مريم يبقى هتجوز كاميليا، وكمان جوازى من مريم مش عايز حد يعرف بيه، ها قولت إيه ياجدى.
منصور بحده: أنت اتجننت ولا إيه، بنت أخويا مستحيل تتجوز بالطريقة دى، لا وكمان جوازها هيبقى فى السر، ده فعلا جنان رسمى.
جاسر: لو سمحت يا عمى ما تتدخلش، أنا بكلم جدى، ها ياجدى موافق ولا لأ.
منصور بغضب: أكيد طبعا مش موافق على الكلام الفارغ ده.
نزل على صوت منصور الغاضب الجميع، وأخذوا يتسألون فيما بينهم عن ما يحدث، ولكن عند نزول آخرهم وكان مروان، قطع حديث منصور طرقة من عصى الجد وتحدث فى هدوء ظهر بعد تفكير مريب.
الحاج مهران: وأنا موافق يا جاسر.
جاسر: موافق، طيب كويس، كده كل واحد هيحقق إللى عايزه، كده تمام.
الحاج مهران بهدوء: بس أنا بردوا لسه ما كملتش كلامى، بس هيبقى بينى وبين أبوك.
جاسر بعدم فهم: كلام إيه إللى هيبقى مع أبويا، إحنا مش خلصنا كلام ولا إيه.
الحاج مهران بلهجه ذات مغزى: خلصنا كلام، بس كلامى مع أبوك لسه ما انتهاش، حصلنى على المكتب يا صالح انت ومنصور.
مروان: جدى هو فيه إيه، وإيه الدوشة دى كلها.
الحاج مهران بصرامه: بعدين يا مروان بعدين.
توجه كلا من الحاج مهران وخلفه صالح ومنصور، وتوجهوا ناحية المكتب حتى يتكلمون فيما بينهم.
عند جاسر
جاسر بتفكير: مهاب، تفتكر جدى عايز إيه من بابا، أنا مش مطمن خالص.
مهاب: مش عارف، بس بعد إللى أنت قولته ده، أعرف أن جدك بيفكر فى مصيبة، بس أكيد حاجة مش متوقعه.
جاسر: تفتكر ربنا يستر، أنا مش عارف هو بيفكر فى إيه، خاصة بعد إللى حصل.
مهاب بتسأول: بس ممكن أعرف أنت إزاى قدرت تقول الكلام ده، وازاى أصلا تفكر فيه.
جاسر ببرود: أنت عارف كويس أنى البفكر فيه بعمله، ومش بيهمنى حد مهما كان.
مهاب: الفكره دى بتاعت كاميليا صح، عشان انت استحالة تفكر بالطريقة دى.
جاسر بأستفزاز: اه فكرة كاميليا يا مهاب، وكويس أنها فتحتلى باب التفكير فى كده، أصلا أنا ماقدرش أعيش من غيرها، وأنت عارف كده كويس.
مهاب بسخريه: أنت مش ملاحظ أنت بقيت عامل إزاى، الهانم بتجرك وراها وأنت مستسلم ليها، لا وكمان غاضض بصرك عن إنها مستغله وعرفاك عشان فلوسك، وكمان هتضيع من إيدك جوهره عشان حاجة فالصوا، أنت مش بتحبها يا جاسر، أنت بس مبهور بيها، بس لما تقابل حبك الحقيقى هتفتح، وصدقنى هيكون بعد فوات الأوان يا صحبى.
جاسر بحده: أحترم نفسك يا مهاب، وأنت بتكلمنى أنا مستحيل حد يسيطر عليا وعلى تفكيرى، وكاميليا مش مستغله، انتوا بس واخدين عنها فكره غلط، ومين الجوهرة دى، مريم الكفيفه العاميه، واللى عمرى ما هندم على إللى بعمله فيها، واللى لسه هعمله، مريم وجدها هما إللى مستغلين، هما اللى عايزين يجوزونى واحده عاميه عشان عارفين ان ما فيش حد هيبص ليها بسبب اعاقتها.
مهاب بضحك: أنت مصدق الكلام إللى بتقوله ده، ولا أنت بس بتحاول تقنع بيه نفسك، للأسف أنت ميؤس منك، عن إذنك.
فى ذلك المكتب
كان الحاج مهران يجلس على كرسى مكتبه الفخم الوثير، ويجلس فى مقابله ولاده صالح ومنصور الذين يتطلعون لوالدهم فى قلق ومن هو قادم، ولا يجرؤون على الحديث، ووالدهم ينظر لهم بغموض.
الحاج مهران: منصور، اتصل بمحسن المحامى وخليه ياجى ومعاه موظف من الشهر العقارى.
منصور بعدم فهم: ليه يا بوى عايزه، فى حاجة، إيه دخل المحامى دلوقت.
الحاج مهران: اتصل يا ولدى عشان تسمع الكلام إللى هقوله لأخوك.
منصور بطاعه: امرك يا بوى إللى تشوفه.
اتصل منصور بالمحامى وابلغه أن يأتى ومعه موظف شهر عقارى، تنفيذ لكلام والده الذى لا يفهم مبتغاه، ولكن هو ينفذ كلامه فى صمت.
صالح بتسأول: ها يا بوى، منصور عمل إللى أنت عايزه، قولى عايز منى إيه يا بوى.
الحاج مهران: من ٣٤سنه أخوك فارس اضطر يصلح غلطك، ويتجوز بت السيوفى، وأنت سبتنا وروحت تعيش حياتك، واتجوزت إللى أنت عايزها، اتجوزها هو، ورغم صغر سنه وقتها اتجوز واحده أكبر منه عشان يحافظ على سمعة عيلتنا وسمعة البنيه الغلبانه دى، بس ربنا أراد أنها تغيب بعد جوازها بسنتين، وأخوك اتجوز اللى هو عايزها، أنا وقتها مقدرتش اعارض، أصل مش بعد تضحيته دى هعارض، بس ما خطرش فى بالى ان عيلة السيوفى هترجع للتار تانى، خاصة بعد جواز فارس من بتهم، لكن بغيابها رجعت غربان الشوم تحوم حوالين دارنا، غيبوا أخوك ومرته فى ليله غبره، ومريم فقدت بصرها بسبب ان العربية اتقلبت واتخبطت فى دماغها، ومروان حصله كسور كتيره فى جسمه.
بأعجوبه: كن عند مروان ١٨سنه و مريم ٩.
صالح بدموع: هو ده إللى أنت كنت عايزنى فيه يابوى.
الحاج مهران: لا، عشان تقدم تعويض ل مريم على إللى حصلها واللى هيحصلها لو ولدك سابها، وده شئ أنا مش عايز أفكر انه يحصل.
صالح بلهفه: قول يا بوى عايزنى أعمل إيه، وأنا هنفذه فورا.
الحاج مهران: توزع كل املاكك على ولادك بشرع ربنا إللى قال عليه، ونص نصيب جاسر يتكتب بأسم مريم بيع وشړا، ها إيه رأيك يا ولدى، موافق ولا لأ.
صالح وقد أخذ وقت يفكر فى حديث ابوه، هل يوافق أم لا لا يدرى، ولكنه اخذ قراره سيوفق حتى يعوض ابنة أخوه على ما حدث لها.
صالح: أنا موافق يا بوى، وأى حاجه هتقول عليها أنا موافق عليها من غير ما أعرف.
الحاج مهران: كده يبقى أتفقنا، بس كل إللى حصل فى الأوضة دى هيفضل سر بينا إحنا التلاتة، مفهوم.
صالح: منصور: مفهوم يا بوى.
جاء المحامى ومعه موظف الشهر العقارى، وتم توقيع العقود وتوثيق حق كل واحد بيع وشراء مع موظف الشهر العقارى، والذى أكد عليه الحاج مهران هو والمحامى أن يبقى الموضوع سر بينهما، ويجب أن لا يعرفه أحد مهما كان.
فى الحديقة
كان يجلس كلا من مهاب ومعه سلمى يتحدثون فيما بينهم عن ما حدث.
سلمى: شفت جاسر عمل إيه فى البنت، اهنها وزلها بأعقتها، ولا كأن عندها قلب ومشاعر وبتحس زينا، جاسر أتغير أوى يا مهاب.

