قصص و روايات

عشق الزين لزيزي محمد

زين بحدة: الزمى حدودك علشان لو غضبى طالك هتقلقى منى.

ليليان بصريخ: بطل تحذرنى بقا.

زين خرج من الاوضه قبل ما يعمل حاجة ويندم عليها وراح اوضه الرياضه يطلع غيظه فيها احسن.

فى الشرقيه

توحيدة: ايمان هاتى رقم عبد الرحمن.

ايمان: احم ماما هو انتى خلاص قررتى.

توحيدة: ايوا وهاتسمعى وانا بكلمه.

توحيدة اتصلت على عبد الرحمن.

عبد الرحمن: الو.

توحيدة: ازيك يابنى.

عبد الرحمن بفرحه: اهلا يا حجه ها قررتى.

توحيدة: ايوا يابنى انا موافقه .. بس لسه موافقه قريبى اللى فى سعوديه زين هاتصل بيه ينزل فى اى وقت.

عبد الرحمن: براحتك ياحجه المهم موافقتك.

توحيدة: لا المهم موافقه قريبى دة دا الكل فى الكل.

عبد الرحمن: تمام … ممكن ابقا اجيب امى وتقعد معاكوا شويه.

توحيدة بتنهيدة: ماشى يابنى تشرف فى اى وقت.

عند عاصم ويوسف

عاصم: ها الراجل دا متصلش.

يوسف: لسه مستنى اتصاله اهو.

تليفون يوسف رن.

يوسف: الو عملتوا ايه.

اتصاب ونقلو العنايه المركزة.

يوسف: هو انت باعتلى واحد حمار مش عارف الفرق بين الاصابه والغياب.

متقلقش الامور تعدى ….. وهو فى المستشفى هانخلص عليه.

يوسف: عاوز اسمع المرة الجايه كل خير علشان مزعلكش.

يوسف قفل معاه وقعد متنرفز.

عاصم: ابن الكلب هرب حتى من الغياب … يوسف عزت لو فاق هانروح فى داهيه.

يوسف: متقلقش يابابا … لو هما مش عرفوا هاروح بنفسى واخلص عليه.

فى بيت الجارحى

زين بيلعب رياضه وكانه بينتقم منه نفسه وكان متعصب وعلى اخرة تليفونه رن وكان رقم توحيدة قلق جدا هو يوم مش باين اصلا.

زين: الو.

توحيدة: ازيك يا بنى.

زين: الحمد لله ياحجه توحيدة اخبارك انتى.

توحيدة: انا كويسه .. بس فى عريس كان جاى لايمان يوم الجمعه وكنت عاوزك تقعد معاه يابنى علشان انت راجلنا بعد حسن الله يرحمه.

زين بهدوء: الف مبروك انشاء الله هاجيلكوا.

توحيدة: بس انا يابنى معرفاهم انك عايش فى السعوديه ومحاسب ومتجوز ومخلف تؤام.

زين: ههههههه ايه دة كله يا حجه ليه كدا.

توحيدة: علشان اهل ليليان سألوا عليك وشكوا فيك ولازم اللى يتكلم معاهم يتكلم بثقه ويألف حوار عليهم.

زين: ايوا مفهوم تمام…… مفيش مشكله.

توحيدة: ليليان اخبارها ايه وحشتنى اوى.

زين بتنهيدة: كويسه.

توحيدة: شكلها مجنناك معلش استحملها والله هى غلبانه وبتتاخد بكلمه الحلوة.

زين: ربنا يهديها.

زين قفل مع توحيدة واتنهد ووقف يفكر يحل مشكلته ازاى معاها.

دادة سميحه: زين يابنى …. رد عليا.

زين فاق على صوتها: احم معلش يا دادة …. فى حاجة.

دادة سميحه: ايوا مراد تحت وعاوزك.

زين: طيب تمام هانزله … لو سمحتى يادادة جهزى العشا لليليان وكوبايه اللبن قبل اى حاجة.

فى المكتب

مراد: ايه يا زين انت قلقتنى ولا فهمتنى اى حاجة ومشيت ومبتردش على فونك.

زين: متقلقش يا صاحبى الامور تمام.

مراد: ايه سبب المشكله دى وليه رفدت ليليان.

زين: كدا رفدتها كدا عادى ياعنى ايه اللى فى الموضوع غريب.

مراد: ايه الغريب انت بتهزر ….. انت رفدتها فاجأه ومن غير اسباب وجبت مكانها واحدة وانت اصلا مكنش عندك سكرتيرة شخصيه انت اخترعت الشغلانه دى ليها علشان تكون جنبك.

زين ببرود: حبيت يكون عندى سكرتيرة شخصيه حبيت الوظيفه دى.

مراد: زين بطل البرود دا …. انا فاهم كويس ليه رفدتها علشان على الباشا صح كلامه عصبك … بس انت لو اى حد فكر يعاكسها قدامك ايه هاتأذيه وتخلص منه على كدا.

زين بعصبيه: اى حد يا مراد يعاكسها قدامى هانسفه …. لو كنت سبتها وعلى الباشا فضل كل مرا يجى علشان خاطرها هاتبوظلى كل حاجة هاتبوظلى اللى بخططله من سنين عارف هاتبوظو ازاى لما تلاقونى أذيته قدامكوا كلكو.

مراد: انا عارف كويس انك مبتحبوش بس..

زين قطع كلامه وهو متعصب: انا مبحبوش بس …. قول انا بكرهه .. قول انا عايش بس علشان انتقم منه وأحرق قلب ابوة.

مراد: طيب اهدى يا صاحبى دا مش حل انك تعيش علشان تنتقم طيب وزمان كنت ساكت ….. دلوقتى بقا فى ليليان.

زين: مراد متمثلش المثاليه عليا … انت لما مراتك وابنك اتأذوا قصاد عنيك منمتش قبل ما تصفيهم كلهم صح.

مراد: زين انا أذيتهم علشان شوفتهم وهما بيتأذوا قصاد عينى ليا حق .. بس انت بقا عدواتك مع على الباشا مبنيه على الباطل.

زين بعصبيه: ومين قالك انها مبنيه على الباطل … ومين قالك انى مشوفتش ابوة واحنا بنتأذى انا وابويا وامى وهو بيضحك ومبسوط و مين قالك ان ابويا متحايلش عليه علشان ينقذنا قبل ما العربيه تولع بينا وانا شوفته بيضحك وبيقوله غياب بقا ياعز انت وابنك ومراتك انا اللى دبرت الحادثه دى وبتمنى اشوفك وانت بتتأذى واديك اهو خلاص كلها ثوانى وتسافر فوووق ومترجعش تانى وسابه ومشى …… انت عارف ان كلامه لسه بيتكرر قدامى وكانه امبارح وفى ودانى على طول مين قالك ان مكنتش صاحى وشايف الخطر ومستنيه وانا طفل صغير مفهمش حاجة …. لولا عم حسن لما كان ماشى بالصدفه هو اللى انقذنى يامراد كنت غبت.

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى