روايات وقصص

سلفتي لغت حجز الـ 30 طقم لعيد الميلاد حمايا ج 1 حكـايات مني السيد حصري

اسأل مراتك عن الهدوم، هي تفهمك.
قفلت قبل ما يلحق يزود كلمة.
بالليل، وفي الوقت اللي كان المعازيم مبهورين فيه، أنا كنت لسه قاعدة في الورشة وسط الكراتين. فتحت واحدة منهم، كان فستان لونه فوشيا محروق عليه جاكيت أوف وايت، بتاع شيرين… مطرزالها في ديل الفستان الداخلي زهور ياسمين صغيرة عشان عارفة قد إيه بتحب تتباهى ببناتها.
كنت لسه هقفل الكرتونة، لقيت الباب اتفتح ودخلت بنت شابة ومعاها أمها، باين عليهم التعب والبساطة. البنت كان كتب كتابها الأسبوع اللي بعده ومامعاهمش تمن فستان تفرح بيه ستها التعبانة اللي نفسها تشوفها عروسة.
خدت مقاس البنت، سبحان الله، كان بالمللي على طقم من اللي اتلغوا.

قيسيه كده يا بنتي.
أول ما خرجت من البروفة، أمها عيطت من كتر الحلاوة.

بكام ده يا أبلة عزة؟ والله مانقدر على تمنه.

هتلبسيه، وبعد الفرح ترجعيهولي مغسول ومكوي.

مايرضيش ربنا، تعبك يا ست الكل!
يبقى تمنه صورة ليكي وانتي حاضنة ستك وإنتي لابساه.
في الأيام اللي بعدها، الهدوم كلها لقت أصحابها، عروسة يتيمة، وبنات غلابة… أم رحاب كانت تقولي: “كده بتوزعي شقا شهر ع الأرض؟”
كنت أقولها: الهدوم دي اتعملت عشان تستر وتفرح قلوب، مش عشان تتكنز في كراتين.
بعد خمس أيام، كنت بكنس قدام عتبة الورشة، وفجأة لقيت عربيات سودا كبيرة وقفوا في أول الحارة ونزل منهم ناس. ومن العربية اللي في النص نزلت ست هانم، شعرها فضي شيك جداً، ومعاها اتنين مساعدين.
أول ما قربت خطوتين، عرفتها في ثانية… الست عايدة البحيري، أرملة صاحب مجموعة شركات ورئيسة واحدة من أكبر جمعيات إحياء التراث.
مسكت إيديا الاتنين بحرارة:

الأسطى عزة… أنا بدور عليكي بقالي سنين!
لساني اتربط.
شاورت للمساعد بتاعها، طلع من الجراب قفطان حرير تقيل بلون أخضر زمردي في نبيتي، لفيته وبصيت في بطانته من جوة، لقيت الغرزة المخفية بتاعتي، الوردة الصغيرة.

القفطان ده أنا اللي كنت مفصلاه من تلاتين سنة لفرح بنتي الكبيرة.

أنا مجهزاه عشان يتعرض في المعرض الدولي للتراث، الست عايدة كملت بحماس، بس المرة دي، مش هيتحط جنبه اسم الأتيليه اللي باعه، هيتحط بالبنط العريض اسم الست اللي أبدعته بإيديها.
وقبل ما أرد بكلمة واحدة، لمحت عربية بيضا بتقف في أول الشارع ورا العربيات الكبيرة.
كانت شيرين لسه نازلة منها، عينيها كانت هتطلع من مكانها وهي شايفة هانم من أكبر هوانم مصر ماسكة إيدي وبتناديني يا أسطى عزة، وفاردة قطعة من شغلي وسط الشارع بكل فخر.
“هذه القصة من وحي خيال الكاتب، وأي تشابه بينها وبين الواقع في الأسماء أو الأحداث هو محض صدفة غير مقصودة.”

2 من 2التالي
تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى