منوعات

ملجئ نجمة الصباح

قلت

ـ أوعدك

ملك ابتسمت وقالت

ـ إحنا مش محتاجين أم غنية إحنا كنا محتاجين أم موجودة

الكلام فضل جوايا طول اليوم

بعد سنة قررت أبيع المحل وأفتح مشروع صغير لتدريب البنات اللي خرجوا من دور الرعاية على الخياطة والتفصيل

مكنتش عايزة أعمل كده علشان أشتري رضا بنتيّا

كنت عايزة أعمل حاجة مفيدة للبنات اللي ممكن يكونوا عاشوا ظروف شبه ظروف ملك ومريم

في يوم الافتتاح حضرت ملك ومريم

وقفوا جنبي وإحنا بنقص الشريط

ولما الناس مشيت مريم قربت مني وقالت

ـ أنا فخورة إنك بتعملي حاجة كويسة

ابتسمت وقلت

ـ دي حاجة بسيطة يا بنتي

ردت

ـ مش بسيطة بالنسبة للبنات دول

وبعدين سكتت شوية وقالت

ـ بس متفتكريش إن ده بيمسح اللي فات

قلت

ـ عمري ما هفتكر كده

بعدها بأيام رحنا نزور قبر الحاجة زينب

وقفنا قدام قبرها وملك حطت وردة بيضا

وقالت

ـ دي الست اللي كانت أمنا وقت ما إحنا كنا محتاجين أم

 

مريم مسحت دموعها وقالت

ـ ربنا يرحمها كانت بتعاملنا كإننا بناتها بجد

وقفت بعيد شوية وفضلت باصة للقبر

مكنتش عارفة أطلب منها السماح حتى بعد موتها

لأنها كانت شايلة مسؤولية أنا هربت منها

ملك قربت مني وقالت

ـ إنتي عارفة إحنا جينا هنا ليه؟

قلت

ـ علشان نزور الحاجة زينب

قالت

ـ أيوه وعلشان نفتكر إن فيه ناس ممكن متكونش من دمنا لكنها تختار تحبنا وتحمينا

مريم مسكت إيدي وقالت

ـ إحنا مش هنرجع نعيش معاكي دلوقتي لكن ممكن نبقى عيلة من جديد واحدة واحدة

بصيت لهم ودموعي نزلت

لكن المرة دي مكنتش هطلب منهم ينسوا

كنت عارفة إن في حاجات مهما اعتذرنا عنها مش بترجع زي الأول

وفي طريق الرجوع ملك قالتلي

ـ ماما ممكن أسألك سؤال؟

قلت

ـ اسألي يا حبيبتي

قالت

ـ لو رجع بيكي الزمن لنفس الليلة دي كنتي هتعملي إيه؟

فضلت ساكتة لحظات طويلة

وبعدين قلت

ـ كنت ههرب من أبوكم لو لازم لكن مكنتش هسيبكم ورايا كنت هاخدكم معايا حتى لو هننام في الشارع وكنت هدور على أي حد يساعدني لكن مكنتش هكرر نفس الغلطة أبدًا

مريم بصت من الشباك وقالت

ـ للأسف الزمن مرجعش يا ماما

قلت

ـ عارفة يا بنتي وده أكتر درس اتعلمته في حياتي

رجعت بيهم البيت اللي كنت عايشة فيه وقتها

ولأول مرة من 16 سنة حسيت إن عندي عيلة

لكن الحقيقة اللي فضلت عايشة معايا إن ملك ومريم هما اللي قرروا يفتحوا لي باب في حياتهم رغم إني أنا اللي قفلته في وشهم زمان

وفي النهاية فهمت إن الفقر مش عيب وإن الهروب من الظلم ساعات بيكون ضرورة لكن إنك تسيب طفلين مالهمش ذنب وتختفي من حياتهم سنين من غير ما تتأكد إنهم في أمان دي غلطة عمرها ما تتصلح بمجرد الاعتذار

لأن فيه ناس بنقضي عمرنا كله نحاول نرجع لهم ومهما رجعنا مش بنلاقي نفس المكان اللي سبناه ولا نفس القلوب اللي كانت مستنيانا

روايات_مشيره_محمد

 

 

3 من 3التالي
تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى