دخلت الصالة، والريحة اللي أمي كانت بتقول عليها كبريت مكنتش غير ريحة شياط سلك كهرباء! بصيت فوق على لوحة العدادات، لقيت الأسلاك الرئيسية محروقة ومطلعة ريحة شياط مالية المكان.. وده السر اللي خلي النور يقطع في العمارة فجأة!
طب والخبط؟
قربت بالكشاف من الطرقة، ووجّهت النور للأرض. البلاط في نص الطرقة كان فعلاً مكسور ومتشال منه أجزاء.. بس لما قربت أكتر، لقيت حاجة غريبة جداً.
تحت البلاط المكسور كان في ماسورة مياه رئيسية باظت وتفجرت، والمياه كانت بتخبط في الفراغ الخرساني تحت البلاط وتعمل صوت مكتوم وزنة جامدة كل ما الضغط يزيد!
بقيت واقفة في نص الشقة ومسكت راسي بإيديا الاتنين.
الړعب
اللي سمر عاشت فيه، والكلام اللي قالته عن السحر والرصد والعطار.. مكنش غير هيستيريا وذعر من الجهل والتفكير السلبي! سمر كانت ماشية في سكة الدجل والعمل، ولما الدنيا اتقلبت فوق دماغها والسبوبة وقفت بسبب هرش العيال، وضغط الأسلاك حړق العداد والماسورة ضړبت تحت الأرض، مخها صور لها إن العفريت خرج يطلب حقه!
الخۏف والجهل طيروا عقلها وخلوها تشوف خيالات وعيون حمرا في الضلمة وتسمع أصوات ملهاش وجود غير في أوهامها!
طلعت تليفوني واتصلت على أخويا أحمد في الخليج.
أول ما رد، صوته كان فرحان أهلاً يا نادية.. إزيك وإزي أمي والواد ياسين؟
ما قدرتش أمسك نفسي، وبكيت بحړقة في التليفون الحق بيتك
يا أحمد.. الحق بيتك قبل ما يضيع!
أحمد اتخض وقال في إيه يا نادية؟! سمر جرالها حاجة؟! أمي كويسة؟!
حكيت له كل حاجة من الألف للياء.. عن السنتر اللي مراته فتحته بدون علمه، وعن الألف جنيه اللي كانت بتسكت بيها أمي، وعن الدوشة اللي حرمت ابني النوم، وعن البودرة اللي رشيتها عشان أدافع عن راحة بيتي، ولحد ما الشقة اتقلبت وسمر هربت في الشارع وراجل السباكة والكهرباء اللي بيتها محتاجه!
أحمد كان ساكت تماماً على الناحية التانية، نَفَسه كان يعلى ويهبط پغضب مكتوم.
وفجأة قال بصوت زي الحديد أنا نازل مصر على أول طيارة يا نادية.. وافلي الشقة دي ومتخليش مخلوق يدخلها لحد ما أوصل.
قفلت مع أحمد
وطلعت شقتي
وق. لقيت أمي قاعدة ومستناني وهي بترعش، أول ما شافتني وقفت وقالت شفتي إيه تحت يا نادية؟! الكائن مشي؟!
قعدت على الكنبة وأخدت ابني في حضڼي وقلت لها ببرود وراحة مفيش كائن ولا عفاريت يا ماما.. في ماسورة مياه مکسورة تحت البلاط بتعمل صوت، وفي عداد كهرباء اتحرق عمل شرار وشياط! وفي واحدة دماغها اتلحست من الدجل والشعوذة وجريت في الشارع!
أمي بصتلي بذهول ومش قادرة تتكلم.
وأحمد أخويا حجز على أول طيارة وراجع بكرة.. عشان يشوف المهزلة دي بنفسه.
أمي اتجمدت مكانها ورجليها مكنتش شايلاها، وقعدت تبكي وتقول يا فضيحتي.. أخوكي هيخرب الدنيا!
أخويا هيصلح اللي اتخرب يا ماما.. والبيت ده لازم يرجع فيه الحق، وراحتنا وراحة الأطفال ترجع أهم من أي سبوبة وأي ألف جنيه!
مسكت إيد ابني
ياسين اللي كان بدأ يهدى وينام في حضڼي وأنا بحس بأمان لأول مرة من ست شهور.
البيت هدي، وصوت الهدوء رجع يسود المكان من جديد.. وعرفت ساعتها إن العفاريت الحقيقية مش هي اللي تحت الأرض، العفاريت الحقيقية هي الطمع والجهل اللي بيخلي الناس تظلم بعضها وتهد بيوتها بإيديها.
وقعدت مستنية الصبح يطلع.. ومستنية رجوع أحمد عشان كل واحد ياخد حقه.
