مرات أخويا حولت شقتها لسنتر دروس، ولما اشتكيت لأمي من دوشة العيال قالتلي روحي شقتك وخدي راحتك! عشان الألف جنيه اللي بتاخدهم منها كل شهر… بس أنا قررت أتصرف بطريقتي…!!!
أنا اسمي نادية، متجوزة وعندي ابن صغير لسه مكملش سنتين، وساكنة في شقة فوق شقة أمي، يعني المفروض إننا عايشين في بيت عيلة، وكل واحد في حاله، لكن للأسف حياتي اتحولت لچحيم بسبب مرات أخويا.
مرات أخويا اسمها سمر، ومن حوالي ست شهور قررت إنها تدي دروس للأطفال في شقتها. في الأول قالت إنها هتدي درسين تلاتة في الأسبوع، وإن الموضوع بسيط ومش هيضايق حد، لكن اللي حصل إنها حولت الشقة لسنتر دروس خصوصية!
من بعد الضهر لحد المغرب، تلاقي العيال طالعة ونازلة على السلم، وجرى وزعيق وخبط على الأبواب، وأمهات واقفة تحت مستنية ولادها، وعيال بټعيط وعيال بتتخانق.
والمصېبة إن شقتي فوق
شقتها على طول، يعني كل دوشة العيال كأنها بتحصل جوه أوضتي!
ابني الصغير مبقاش عارف ينام، وكل ما أحطه في سريره وأقعد أهدهده، ألاقي صوت عيل بيزعق أو حد بيخبط على الباب، فيفزع ويصحى يعيط.
استحملت كتير، لحد ما في يوم كنت خلاص على آخري.
نزلت لأمي وقلتلها وأنا شايلة ابني اللي عينيه وارمة من العياط يا ماما، والنبي شوفي حل مع سمر، أنا مش عارفة أعيش في بيتي! من الضهر للمغرب دوشة وعيال داخلة وعيال خارجة، وابني مش عارف ينام حتى ساعة على بعضها.
أمي بصتلي ببرود وقالت
وإنتي مالك يا نادية؟ ما تسيبي البنت تاكل عيش، هو إنتِ عايزاها تقعد من غير شغل؟
بصتلها باستغراب وقلت
تاكل عيش على عيني وراسي، بس مش على حساب راحة الناس! دي شقتها مش سنتر في عمارة سكنية!
أمي اتنهدت وقالت بمنتهى الهدوء
طب ما تروحي شقتك، خدي راحتك هناك، واقفلي الباب على نفسك، وسيبي
الناس في حالها.
اتجمدت مكاني!… يعني أنا اللي أستخبى في بيتي عشان مرات أخويا تعرف تشتغل براحتها؟!
حاولت أفهمها إن الموضوع مش مجرد صوت، وإن ابني تعبان ومش عارف ينام، لكنها قلبت وشها وقالت
خلاص يا نادية، مش كل حاجة تعملي منها مشكلة!
طلعت شقتي وأنا مخڼوقة، لكن اللي اكتشفته بعد كده كان كفيل يخليني أكره حتى أسمع صوت أمي.
كنت داخلة المطبخ، وسمعتها بتتكلم في التليفون مع مرات أخويا، وبتقولها متقلقيش يا سمر، أنا معاكي، وإنتِ عارفة إن الألف جنيه اللي بتديهالي كل شهر بيساعدوني، وباقة النت اللي بتجدديهالي مش هنساهالك، وأنا مش هسيب نادية تنكد عليكي. حصري على صفحة روايات و اقتباسات.
وقفت مكاني وأنا مش مصدقة!… أمي بتاخد منها فلوس كل شهر، وعشان كده مستعدة تضحي براحة حفيدها، وتخليني أنا اللي أسيب بيتي؟!
ساعتها حسيت إن محدش هيقف جنبي، وإن طول
ما أنا مستنية حد يدافع
