وإنت مخبي الكلام ده من أربع سنين
حمدي رد بصوت مكسور
ـ كنت خايف على ولادي يا بيه أنا مش راجل غني أقدر أحميهم
زينب قالتله بهدوء
ـ خوفك مفهوم بس سكوتك ظلم ناس كتير ولو كنت اتكلمت من زمان كان ممكن تمنع كل اللي حصل
حمدي نزل راسه وقال
ـ عندك حق وأنا مستعد أقول كل حاجة قدام النيابة
آدم شكره واتفق معاه إنهم يتواصلوا مع المحامي ويتحركوا بشكل قانوني
لكن في نفس الليلة حصلت مفاجأة تانية
آدم كان قاعد بيراجع الأوراق لما سمع صوت عربية بتقف بعيد شوية عن العشة وبعدها حد خبط على الباب
فتح لقى راجل غريب بيسأله عن زينب
قاله آدم بقلق
ـ إنت مين وعايز منها إيه
الراجل قال
ـ أنا جاي من طرف أبوها وعايزها ترجع البيت
زينب سمعت الكلام وطلعت من جوه
ـ أبويا عايزني ليه بعد ما طردني
الراجل اتردد وقال
ـ هو تعبان وعايز يشوفك
زينب سكتت شوية وبعدها قالت
ـ لو عايز يشوفني يقدر ييجي بنفسه أنا مش ههرب منه
الراجل مشي وآدم لاحظ إن زينب كانت متوترة
سألها
ـ إنتي عايزة تروحي تشوفيه
قالتله
ـ مش عارفة بس هو أبويا مهما كان عمل فيا
تاني يوم آدم أخدها لبيت أبوها
لما دخلت البيت سمعت صوت أبوها اللي كانت فاكرة إنها مش هتسمعه تاني
ـ زينب
قربت منه وقالت
ـ أنا جيت يا بابا
روايات_مشيره_محمد
أبوها كان قاعد على كرسي ومش باين عليه إنه مريض بالشكل اللي اتقال ليها
قال بصوت ضعيف
ـ أنا عارف إني ظلمتك
زينب سكتت
كمل كلامه
ـ أمك لما ماتت أنا مقدرتش أستحمل فكرة إنك اتولدتي كفيفة وكنت كل ما أبصلك أفتكر اليوم اللي فقدتها فيه
زينب ردت بصوت موجوع
ـ يعني أنا كنت بفكرك بمو/ت أمي فقررت تعاقبني على حاجة مليش ذنب فيها
أبوها نزل عينه وقال
ـ كنت غلطان
ـ لأ يا بابا إنت مش بس كنت غلطان إنت خليتني أحس إني عار على البيت وحرمتني من أبسط حقوقي وكنت بتتمنى إني أختفي
أبوها دمعت عينه وقال
ـ سامحيني
زينب أخدت نفس طويل وقالت
روايات_مشيره_محمد
ـ أنا مش جاية أقولك إني نسيت اللي عملته لأن ده مستحيل لكن أنا مش عايزة أفضل شايلة كره في قلبي طول عمري أنا مسامحاك علشان نفسي وعلشان ربنا لكن ده مش معناه إنك تقدر ترجع تعاملني زي زمان
بوها مد إيده ناحيتها وقال
ـ ممكن تقعدي معايا شوية
قعدت جنبه دقائق وبعدها قامت
قبل ما تمشي قالها
ـ الراجل اللي اتجوزتيه ده طلع مش زي ما كنت فاكر
زينب ابتسمت وقالت
ـ هو فعلا مش زي ما إنت فاكر بس مش علشان معاه فلوس هو علشان بيعاملني باحترام
أبوها نزل راسه ومقدرش يرد
خرجت زينب من البيت وهي حاسة إنها أخيرا قفلت باب قديم كان بيوجعها من سنين
بعد شهر بدأت القض/ية تتحرك بشكل رسمي
المحامي قدم المستندات وشهادة حمدي والتسجيل الصوتي للجهات المختصة
فؤاد حاول ينكر كل حاجة واتهم آدم إنه بيحاول ينتقم منه بسبب خلافات عائلية
لكن الأدلة كانت أقوى من كلامه
وفي جلسة التحقيق اتعرض التسجيل اللي فيه فؤاد بيتكلم بوضوح عن تزوير الحسابات والاستيلاء على ممتلكات أخوه
حمدي شهد بكل اللي يعرفه
وبعد مراجعة الأوراق اتضح إن جزء كبير من ممتلكات آدم اتنقل بطريقة غير قانونية وإن فيه مستندات اتزورت بالفعل
آدم خرج من مبنى النيابة وهو حاسس إن حمل تقيل اتشال من على صدره
زينب كانت مستنياه في العربية
أول ما ركب سألته
ـ ها يا آدم حصل إيه
ابتسم وقال
روايات_مشيره_محمد
ـ الحق بدأ يرجع
زينب مسكت إيده وقالت
ـ الحمد لله
بعد شهور من الإجراءات القانونية صدر الحكم بإدانة فؤاد في التهم اللي ثبتت عليه واتحفظ على ممتلكات تم الاستيلاء عليها بطرق غير قانونية لحين استكمال إجراءات رد الحقوق لأصحابها
آدم رجع يدير شركات والده لكن أول قرار أخده كان مختلف عن كل اللي الناس توقعته
خصص جزء من أرباح الشركات لمشروع خيري بيساعد المكفوفين ويوفر لهم تعليم بطريقة برايل وفرص عمل حقيقية
ولما زينب عرفت بالموضوع قالتله
ـ إنت عملت المشروع ده عشاني
رد عليها
ـ عملته علشان كل واحد اتحرم من فرصة لمجرد إن الناس حكمت عليه من شكله أو ظروفه
قالتله
ـ طب وأنا دوري إيه في المشروع
ابتسم وقال
ـ أنا عايزك تكوني مسؤولة عن قسم التدريب والتعليم
زينب اتفاجئت
ـ أنا
ـ أيوه إنتي عندك خبرة في التعامل مع الكتب بطريقة برايل وعندك صبر وفهم للناس اللي محتاجة فرصة
