زينب ابتسمت ابتسامة بسيطة وقالت
ـ أنا مراتك يا آدم مش ضيفة عندك ومش عايزة تعيش معايا بنص الحقيقة
آدم حس إن الكلام لمس قلبه وقال
ـ أوعدك من النهارده مفيش حاجة هتتخبى عنك
وفي اللحظة دي زينب عملت حاجة عمر آدم ما نسيها
مدت إيديها ولمست وشه بحذر وقالت
ـ أنا مش محتاجة أشوف شكلك علشان أعرف إنت إنسان كويس ولا لأ أنا عرفت ده من معاملتك ليا
آدم نزل راسه وباس إيديها وقال
ـ ربنا يخليكي ليا
لكن اللي الاتنين مكنوش يعرفوه إن الحكاية لسه في بدايتها
بعد يومين آدم سمع صوت عربية بتقف قدام العشة وبعدها خبط شديد على الباب
فتح الباب لقى راجل في أواخر الأربعينات لابس بدلة غالية ومعاه اتنين رجالة
قال الراجل ببرود
ـ أخيرا لقيتك يا أستاذ آدم
آدم اتغيرت ملامحه وقال
ـ إنت جاي تعمل إيه يا فؤاد
زينب سمعت الاسم وقامت من مكانها
عم فؤاد ضحك وقال
ـ لسه فاكرني يا ابن أخويا أنا جاي أخلص الموضوع اللي بدأناه من زمان
آدم وقف قدام الباب وقال
ـ مفيش بيني وبينك كلام
فؤاد بص حواليه باحتقار وقال
ـ هو ده المكان اللي بقيت عايش فيه يا خسارة كنت متوقع ألاقيك في قصر على الأقل
آدم رد بهدوء
ـ المكان ده أنضف من أماكن كتير كنت بتدخلها
فؤاد ضحك بسخرية وقال
ـ لسه عندك نفس تتكلم عن النظافة والأخلاق
زينب قربت من الباب وقالت
ـ مين حضرتك
فؤاد بص ناحيتها وقال باستهزاء
ـ إنتي مرات الشحات
آدم اتعصب وقال
ـ اتكلم باحترام دي مراتي
فؤاد قال وهو بيعدل ياقة بدلته
ـ أنا جاي أعرض عليك حل أخير ترجع بعيد عن حياتي وتتنازل عن أي مطالبات ليك في الشركات مقابل مبلغ تعيش بيه بقية عمرك
آدم رد من غير تردد
ـ مش عايز منك جنيه واحد أنا عايز حقي وحق أبويا
فؤاد قرب منه وهمس
ـ إنت فاكر إن حد هيصدقك بعد كل اللي حصل إنت معاكش ورقة تثبت حاجة وأنا معايا كل الأوراق
آدم ابتسم وقال
ـ متأكد إن معاك كل الأوراق
فؤاد اتلخبط للحظة لكنه رجع ابتسم وقال
ـ أكتر مما تتخيل
ومشي هو والرجالة
زينب فضلت واقفة مكانها وقالت
هو كان جاي يهددك
آدم قال
ـ أيوه بس المرة دي مش هسيبه يهرب
ـ إنت معاك دليل عليه
ـ عندي شكوك قوية لكن محتاج أوصل لشخص واحد كان شغال مع أبويا وعنده معلومات مهمة
ـ طب ليه متروحش للشرطة
ـ هروح بس لازم أكون جاهز ومعايا دليل واضح علشان ميدورش الموضوع في نفس الدائرة تاني
زينب قالت بحزم
ـ وأنا هساعدك
آدم ابتسم
ـ إنتي هتساعديني إزاي يا زينب
ردت عليه من غير تردد
ـ زي ما إنت ساعدتني أرجع أحس إني بني آدمة ليها قيمة أنا كمان مش هسيبك تواجه كل ده لوحدك
من اليوم ده بدأت زينب تساعد آدم في كل حاجة تقدر عليها
كانت بتسمع منه تفاصيل القضايا والمواعيد وأسماء الأشخاص وتكتب الملاحظات بطريقة برايل علشان تقدر تراجعها بنفسها
وكان آدم بيستغرب دقتها في تذكر التفاصيل
وفي يوم قالها
ـ إنتي عندك ذاكرة أقوى من أي كمبيوتر
ضحكت وقالت
ـ أصل طول عمري مضطرة أعتمد على وداني وعقلي بدل عيني
بعد أسبوعين آدم قدر يوصل لراجل اسمه حمدي كان محاسب قديم في شركات والده واختفى بعد وفاة أبو آدم بفترة قصيرة
راح آدم يقابله في ورشة صغيرة في منطقة بعيدة عن وسط البلد
زينب أصرت تروح معاه
أول ما حمدي شاف آدم وقف من مكانه وقال بخوف
ـ إنت لسه عايش يا آدم بيه
آدم قال
ـ أيوه ولسه فاكر كل حاجة يا حمدي
حمدي بص حواليه واتأكد إن مفيش حد بيراقبهم وبعدها قعد وقال
ـ أنا كنت عارف إن اليوم ده هييجي
آدم سأله
ـ ليه اختفيت بعد وفاة أبويا
حمدي رد بحزن
ـ لأن عمك فؤاد زور حسابات الشركة وكان بيحاول يخليني أمضي على مستندات تثبت إن أبوك كان مديون بمبالغ ضخمة وبعدها ينقل كل الممتلكات باسمه
آدم قرب منه وقال
ـ وإنت وافقت
حمدي هز راسه بسرعة
ـ لأ يا بيه والله ما وافقت ولما رفضت هددني وهدد عيالي فاضطريت أسيب الشغل وأمشي من البلد
زينب تدخلت وسألته
ـ طب معاك حاجة تثبت كلامك
حمدي سكت لحظة وبعدين قال
ـ عندي نسخة من دفتر الحسابات الأصلي ومعايا تسجيل صوتي لعم فؤاد وهو بيتكلم عن التزوير
آدم قام من مكانه وقال بصدمة
