كان حاسس إن أيامه قربت تخلص. كان عارف إنه تعبان، وكان بيحاول يرتب كل حاجة عشان ما نحتاجش لحد بعده.
قلت
طب ما تقوليلهم كلنا؟ إحنا إخوات، إيه اللي يخلّي بابا يخصني أنا بحاجة؟
سكتت شوية، وبعدين قالت
لأن أبوكي كان شايف حاجات أنا ماكنتش شايفاها. كان عارف إنك الوحيدة اللي هتفضلي جنبي حتى لو الدنيا كلها اتخلت عني.
دموعي نزلت وقلت
بس أنا مش عايزة حاجة من إخواتي، ولا عايزة فلوس ولا شقة، أنا كل اللي عايزاه إنهم يحسوا إن ليهم أم.
مسكت وشي بين إيديها وقالت
عشان كده أبوكي اختارك يا بنتي، لأنه كان عارف إنك مش بتبصي للفلوس.
وبعدين مدتلي المفتاح وقالت
ده مفتاح صندوق صغير كان أبوكي مخبيه في مخزن قديم في شارع السوق. روحيله، بس لازم تروحي لوحدك، وماتقوليش لحد.
سألتها
طب وإنتِ عرفتي مكانه إزاي؟
قالت
أبوكي هو اللي قالي قبل ما يتوفى. وقالي بالحرف الواحد لما محمود ونهى يبتدوا يتكلموا عن بيع الشقة، خلي سلمى تعرف الأمانة اللي عندها.
حسيت إن قلبي بيدق بسرعة.
خرجت من عند أمي وأنا حاطة المفتاح في جيبي، ولما وصلت للصالة لقيت محمود بيتكلم في التليفون بصوت واطي.
أول ما شافني قفل المكالمة بسرعة.
قال
أمك مالها؟ بټعيط ليه؟
قلت
تعبانة شوية، ومحتاجة ترتاح.
نهى بصتلي وقالت
طب إحنا هنرجع بكرة، وعايزين رد واضح بخصوص الشقة.
قلت
مفيش شقة هتتباع، دي شقة أمي وهي صاحبة القرار طول ما هي واعية وقادرة تعبر عن رأيها.
محمود قام من مكانه وقال
إنتِ فاكرة إنك كده بتعملي الصح؟ إنتِ هتضيعي حقنا.
بصيت له باستغراب
حقكم في إيه؟ أمي عايشة، والشقة ملكها، وإنتوا مستعجلين على تقسيم إيه بالظبط؟
اتوتر للحظة، لكن رجع لبروده وقال
أنا مش هضيع وقتي معاكي.
خرجوا، وقبل ما محمود يقفل الباب سمعته بيقول لنهى
لازم نخلص الموضوع ده بسرعة.
الكلمة فضلت ترن في ودني.
استنيت لحد ما اتأكدت إنهم مشيوا، ورجعت لأمي.
قلت لها
أنا هروح المكان اللي بابا قال عليه بكرة، بس عايزاكي توعديني إنك مش هتخبي عني أي حاجة تاني.
قالت
أوعدك يا بنتي.
تاني يوم، بعد ما جهزت لأمي أكلها ودواءها، طلبت من جارتنا أم هالة تقعد معاها ساعتين، وخرجت.
كان المخزن في شارع قديم، جنب محل نجارة
مقفول من سنين.
وقفت قدام الباب، طلعت المفتاح، وحاولت أفتحه.
في الأول المفتاح ما رضيّش يدخل، وبعد محاولتين سمعت صوت القفل وهو بيفتح.
دخلت، وكانت ريحة التراب والخشب القديم مالية المكان.
فضلت أدور بعيني لحد ما لقيت دولاب حديد صغير في الركن.
قربت منه، ولقيت عليه ورقة مكتوب عليها بخط أبويا
إلى بنتي سلمى… لما توصلي هنا، اعرفي إن أبوكي كان واثق إنك هتكوني قد المسؤولية.
حسيت إن رجلي مش شايلاني.
فتحت الدولاب، ولقيت صندوق خشب صغير، وجواه ملف كبير، ومجموعة أوراق رسمية، ومظروف بني مكتوب عليه اسمي.
فتحت المظروف بإيد بتترعش.
كان جواه جواب من أبويا.
بنتي سلمى…
لو إنتِ بتقري كلامي ده، يبقى أنا مشيت من الدنيا، ويمكن تكوني كبرتي واتجوزتي وخلفتي.
عايزك تعرفي إن أمك عمرها ما كانت عبء على حد، وإن اللي يعجز جسمه عن الحركة مش معناه إن كرامته تقل.
أنا سايبلك أمانة مش عشان تفضلي تحاربي إخواتك، لكن عشان تكوني في أمان لو في يوم لقيتي نفسك لوحدك.
فيه عقار صغير اشتريته من سنين، وفيه شقتين ومحلات تحت، وكل أوراق الملكية موجودة في الملف. العقار ده ملكك بعقد رسمي، وأنا سجلت كل حاجة بطريقة قانونية قبل وفاتي.
وفيه كمان مبلغ كنت محوشه في حساب باسمك، ودي شهاداته وأوراقه.
لكن أهم حاجة في الأمانة دي مش الفلوس، أهم حاجة إنك تفتكري إن الحق ما بيضيعش، وإنك ما تسمحيش لحد يكسرك لمجرد إنك طيبة.
خلي بالك من أمك، وخلي بالك من نفسك.
أبوكي.
فضلت أعيط وأنا ماسكة الجواب.
أبويا كان فاكرني حتى بعد ما ېموت، وكان محضرلي سند في يوم كنت فاكرة فيه إني بقيت من غير سند.
فتحت الملف وبدأت أراجع الأوراق، ولقيت عقد ملكية العقار، وإيصالات سداد، ومستندات الحساب البنكي.
لكن وسط الأوراق لقيت ورقة تانية غريبة، مكتوب فيها اسم محمود ونهى.
وتحت أسمائهم أرقام وتواريخ.
قلبي اتقبض.
قعدت على كرسي قديم وبدأت أقرا.
لقيت إن أبويا كان مسجل ملاحظات عن مبالغ مالية كان بيديها لمحمود ونهى على مدار سنين، ومبالغ تانية كان بيحولها لهم وقت مرضه.
وفي آخر الورقة مكتوب
فيه مبلغ كبير اتصرف من حسابي من غير علمي، ولازم أعرف مين اللي عمل كده.
وقتها فهمت إن الموضوع مش مجرد شقة عايزين يبيعوها.
كان فيه حاجة أكبر.
حطيت كل الأوراق في شنطتي، وقفلت المخزن،
ورجعت البيت.
أول ما دخلت لقيت أمي قاعدة ووشها شاحب.
قالتلي
محمود اتصل بيا.
قلت
قالك إيه؟
قالت
بيسألني عن المفتاح، وبيقولي إنتِ روحتي فين النهارده.
اتنهدت وقلت
إنتِ قلتي له إني خرجت؟
قالت
لأ، قلت له إنك عند الدكتور.
قربت منها وقلت
يا أمي، أنا لقيت أوراق كتير، وفيه حاجة مكتوبة عن فلوس بابا ومحمود ونهى.
أمي غمضت عينيها، وفضلت ساكتة.
قلت
إنتِ عارفة حاجة؟
فتحت عينيها وقالت
أيوه يا سلمى، وفيه حاجة تانية لازم تعرفيها.
قعدت جنبها، فقالت
قبل ما أبوكي يتوفى بفترة، محمود كان بيطلب منه فلوس كتير. مرة بحجة إنه داخل مشروع، ومرة عشان عليه ديون، ومرة عشان مراته تعبانة. أبوكي كان بيساعده، لكنه في الآخر اكتشف إن محمود كان بيستغل طيبته.
قلت
ونهى؟
قالت
نهى كانت عارفة، وكانت بتطلب مني أضغط على أبوكي عشان يديها فلوس. ولما رفض، بدأت تبعد عنه.
حسيت بۏجع شديد.
قلت
يعني إخواتي كانوا عايزين يبيعوا الشقة عشان الفلوس؟
أمي هزت راسها وقالت
مش بس كده.
سكتت شوية، وبعدين قالت
محمود جه عندي من حوالي شهرين، وكان معاه ورق عايزني أمضي عليه. قال لي إنه إجراء عادي عشان يساعدني في مصاريف العلاج، لكن أنا رفضت.
قلت بسرعة
ورق إيه؟
قالت
قال إنه توكيل عام، وإنه هيبقى مسؤول عن كل حاجة تخصني. أنا طلبت منه يسيبهولي أراجعه، لكنه اتعصب وأخده ومشي.
حسيت إن الموضوع بقى أخطر مما تخيلت.
قلت
طب ليه ما قلتيليش؟
قالت
كنت خاېفة أعمل مشاكل بينكم، وكنت فاكرة إن محمود مهما حصل مش هيأذيني.
حضنتها وقلت
يا أمي، إحنا مش هنظلم حد، بس محدش كمان هياخد حقك.
في نفس اللحظة، جرس الباب رن.
فتحت، لقيت محمود واقف لوحده.
دخل وقال
عايز أتكلم معاكي يا سلمى.
قلت
اتفضل.
بص على شنطتي، وبعدين قال
إنتِ كنتِ فين النهارده؟
قلت بهدوء
كنت بخلص مشوار.
قال
مشوار إيه؟
رديت
حاجة تخصني.
قرب مني وقال
المفتاح اللي معاكي ده، لقيتيه فين؟
اتجمدت مكاني.
قلت
مفتاح إيه؟
قال بعصبية
بلاش تمثيل، أنا عارف إن أمي اديتهولك.
بصيت له وقلت
وإنت عرفت منين إن فيه مفتاح أصلاً؟
سكت لحظة، وبعدها قال
أنا عارف كل حاجة يا سلمى، وأبويا كان سايب حاجات تخصنا كلنا، ومش من حقك تخبيها.
قلت
أبويا سايب أمانة باسمي، ودي حاجة تخصني.
ضحك بسخرية
أبوكي كان تعبان قبل ما ېموت، وممكن يكون
مش في وعيه الكامل وقت ما كتب الأوراق دي.
الكلمة دي خلتني أحس إن فيه حاجة مستخبية.
قلت
إنت بتشكك في عقل أبويا؟
قال
أنا بقول الحقيقة، واللي حصل لازم
