في اللحظة دي أمي نادت من جوه
محمود!
دخل لها، فقعدت وقالت
إنت جاي ليه يا ابني؟
قال
جاي أطمن عليكي يا أمي.
بصت له وقالت
لو كنت عايز تطمن عليا، كنت سألت عليا وأنا في المستشفى، مش لما عرفت إن فيه شقة وفلوس.
وشه اتغير.
قال
إنتِ بتقولي إيه يا أمي؟
ردت
أنا عارفة إنكم عايزين تبيعوا شقتي، وعارفة إنكم عايزين تخلوني أمضي على ورق من غير ما أفهمه.
قال محمود
أنا بعمل ده لمصلحتك.
أمي ردت بصوت قوي رغم تعبها
مصلحتي إني أفضل في بيتي، وسط حاجتي وذكرياتي، مش أتحط في دار رعاية عشان حد يقسم تمن الشقة.
محمود قام وقال
واضح إن سلمى قلبت دماغك عليا.
قلت
محدش بيقلب دماغ حد، كل واحد بيكشف نفسه بتصرفاته.
خرج محمود وهو بيقول
الموضوع مش هينتهي هنا.
بعد ما مشي، أمي فضلت ساكتة فترة طويلة.
وبعدين قالتلي
يا بنتي، أنا خاېفة عليكم من بعض.
مسكت إيدها وقلت
إحنا مش هنتخانق على فلوس يا أمي، لكن لازم نعرف الحقيقة.
تاني يوم، رحت لمحامي اسمه الأستاذ عادل، كان صديق قديم لأبويا.
أول ما شافني وعرف اسمي، اتغيرت ملامحه.
قال
إنتِ بنت الحاج حسن؟
قلت
أيوه.
طلب مني أقعد، وفضل يبصلي شوية، وبعدين قال
كنت مستني اليوم اللي تيجي فيه.
طلعت الأوراق من الشنطة وقلت
أنا لقيت الملف ده في مخزن بابا، وعايزة أفهم كل حاجة.
أخد الأوراق وبدأ يراجعها.
وبعد شوية رفع عينه وقال
والدك كان عامل حسابه لكل حاجة، والعقار ده فعلًا مسجل باسمك، ومفيش حد يقدر يتصرف فيه غيرك وفقًا للأوراق الرسمية.
سألته
طب والورقة اللي فيها حسابات محمود ونهى؟
اتنهد وقال
دي حكاية قديمة، والدك طلب مني أحتفظ بنسخة من بعض المستندات، وكان عنده شك إن فيه مبالغ اتسحبت من حسابه من غير إذنه.
قلت
مين اللي سحبها؟
قال
ما أقدرش أتهم حد من غير دليل، لكن فيه مستندات لازم تتراجع في البنك.
وبعدين فتح درج مكتبه وطلع مظروف تاني.
قال
أبوكي ساب عندي ده، وقالي أسلمهولك لو جيتي يوم من الأيام ومعاكي المفتاح.
فتحت المظروف، ولقيت جواب تاني.
كان مكتوب فيه
سلمى يا بنتي…
فيه شخص من العيلة حاول يستغل مرضي عشان يحصل على توقيعي، وأنا رفضت. مش عايزك تتسرعي في اتهام حد، لكن عايزك تعرفي إن فيه ورق اتعمل من غير علمي، ونسخة منه موجودة عند المحامي.
لو حصل خلاف
على الشقة أو العقار، خلي كل حاجة تمشي بالقانون.
وأوعى تنسي إن أمك أغلى من أي ورق.
رفعت عيني للمحامي وقلت
هو فيه ورق مزور؟
قال
فيه مستندات عليها توقيع منسوب لوالدك، لكن لازم تتفحص بمعرفة المختصين قبل ما نحدد حقيقتها.
خرجت من عنده وأنا حاسة إن الصورة بدأت تتجمع.
لكن قبل ما أوصل البيت، لقيت مكالمات كتير من نهى.
رديت عليها.
قالت بسرعة
إنتِ فين يا سلمى؟ محمود بيقول إنك رحتي للمحامي!
قلت
أيوه، رحت.
صړخت
إنتِ إزاي تعملي كده من غير ما ترجعي لنا؟
قلت
أرجع لكم في إيه؟ في حقي؟ ولا في حق أمي؟
قالت
إحنا إخواتك، ومش عايزين مشاكل.
قلت
طيب تعالوا بكرة، ونتكلم قدام أمي وبوجود المحامي.
قفلت المكالمة، وبعدها بدقايق وصلت البيت.
لقيت أحمد واقف قدام الباب.
اټصدمت من وجوده.
قال
إزيك يا سلمى؟
قلت ببرود
الحمد لله، خير؟
بص ناحية بطنِي وقال
عرفت إنك لسه حامل.
قلت
طبيعي، أنا حامل بابنك.
قال
أنا عايز أتكلم معاكي.
قلت
اتفضل.
دخل وقعد، وبص لأمي وقال
إزيك يا طنط فاطمة؟
أمي ردت من غير ما ترفع عينها
الحمد لله.
وبعدين رجع بصلي وقال
أنا عرفت إنك بقيتي صاحبة عقار، وإن والدك سايبلك فلوس.
اتسمرت مكاني.
قلت
إنت عرفت منين؟
قال
الناس بتتكلم، وأنا بصراحة شايف إننا لازم نرجع لبعض.
ضحكت من الصدمة وقلت
نرجع لبعض؟ هو إنت فاكر إن الطلاق لعبة؟
قال
أنا كنت متعصب، وأمي كانت بتدخل بينا، بس دلوقتي الظروف اتغيرت.
قلت
الظروف اتغيرت إزاي؟
قال
إنتِ بقيتي عندك مصدر دخل، ومش هتحتاجي تعتمدي عليا في أي حاجة، وأمك كمان ممكن نجيب لها حد يهتم بيها.
بصيت له وأنا مش مصدقة.
قلت
يعني لما كنت محتاجة زوج يقف جنبي، سبتني، ولما عرفت إن عندي فلوس رجعت؟
اتنهد وقال
بلاش نحكم على الأمور بالشكل ده.
قلت
لأ، هنحكم عليها بالشكل الحقيقي. إنت طلقتني وأنا حامل عشان أمى، والنهارده راجع عشان ورث أبويا.
قام وقال
أنا أبو الطفل، ومن حقي أشوفه وأكون موجود في حياته.
قلت
وده حقك، وأنا مش همنعك، لكن الرجوع للجواز موضوع تاني خالص.
أمي قالت من مكانها
يا أحمد، ربنا يرزقك باللي تريح قلبك، لكن بنتي مش لعبة. إنت اللي اخترت تمشي، وما ينفعش ترجع لما تعرف إن ظروفها بقت أحسن.
أحمد سكت، وبعدها خرج.
وقبل ما يقفل الباب قال
هنتكلم تاني
يا سلمى.
بعد خروجه، حسيت إن الدنيا بتضغط عليا من كل ناحية.
لكن كان عندي قرار واحد مش هسمح لأي حد يستغلني أو يستغل أمي.
في اليوم اللي بعده، جه محمود ونهى ومعاهم محامي.
أنا كمان كنت مستنية الأستاذ عادل.
أول ما دخلوا، محمود قال
إحنا جايين نخلص موضوع الشقة.
قلت
مفيش بيع.
نهى قالت
يعني إنتِ عايزة تاخدي كل حاجة لنفسك؟
رديت
أنا ماخدتش حاجة، أبويا هو اللي قرر يسيبلي الأمانة دي، وأمي لسه صاحبة شقتها.
المحامي اللي معاهم قال
من الأفضل إننا نشوف المستندات قبل ما نحكم.
الأستاذ عادل طلع نسخة من عقد العقار، وبدأ يشرح لهم إن الملكية مسجلة باسمي.
محمود اتوتر وقال
الكلام ده مش صحيح، أبويا عمره ما كان هيعمل كده.
قلت
دي أوراق رسمية، ولو عندك اعتراض، الطريق معروف.
نهى بدأت ټعيط وقالت
إحنا كمان ولاده، وإحنا محتاجين الفلوس.
أمي بصتلها وقالت
وأنا أمك يا نهى، ومحتاجة بنتي تقعد جنبي، مش محتاجة حد يستنى أملاكي.
نهى قالت
إحنا ما قصدناش نسيبك.
أمي ردت
طب كنتوا فين لما كنت بصحى بالليل ومش قادرة أتحرك؟ كنتوا فين لما كنت محتاجة حد يجيبلي دوا؟ كنتوا فين لما سلمى كانت بتقعد جنبي بالساعات؟
نهى نزلت عينيها.
أما محمود فكان ساكت، لحد ما الأستاذ عادل طلع ورقة تانية.
وقال
فيه موضوع تاني لازم يتوضح.
حط قدامهم صورة من مستند قديم، وقال
ده طلب تحويل مالي كبير من حساب الحاج حسن، والتوقيع اللي عليه محل مراجعة، لأن موكلتي والدها كان معترض على التحويل ده قبل ۏفاته.
محمود وشه اصفر.
نهى بصتله بسرعة.
قلت
المبلغ ده راح فين يا محمود؟
رد بعصبية
أنا مش فاكر!
الأستاذ عادل قال
الحساب البنكي هيوضح كل حاجة، وإحنا بالفعل طلبنا مراجعة المستندات من الجهات المختصة.
محمود قام من مكانه وقال
أنا مش هقعد في المهزلة دي.
أمي قالت
اقعد يا محمود، أنا عايزة أفهم.
بص لها وقال
إنتِ كمان مصدقة الكلام ده؟
ردت
أنا مصدقة إنك ابني، وعشان كده كنت مستنية منك تقول الحقيقة قبل ما توصل الأمور لكده.
محمود سكت، وبعد لحظات قال
أنا كنت محتاج الفلوس وقتها، وأبويا كان رافض يساعدني.
قلت
فعملت إيه؟
قال
أنا ما سرقتش حاجة، كنت هاخد المبلغ وأرجعه.
الأستاذ عادل سأله
هل والدك وافق على التحويل؟
محمود ما ردش.
نهى بدأت ټعيط أكتر.
وقالت
محمود، قول الحقيقة كلها.
بصتلها باستغراب.
قلت
إنتِ تعرفي حاجة؟
فضلت ټعيط وتقول
أنا آسفة يا سلمى.
محمود صړخ فيها
اسكتي يا نهى!
لكنها كملت
أنا اللي خدت صورة البطاقة بتاعة بابا من الدولاب، وأنا
