أشتري كرامة حد، أنا جاي أعتذر. أنا غلطت لما سبت أمي تهين خطيبتي، وغلطت أكتر لما مشيت معاها وسِبتها واقفة لوحدها. بس أنا اتكلمت مع أمي كتير، وهي دلوقتي عايزة تيجي بنفسها تستسمح بنتك، ومستعدة تعتذرلها قدامكم.
الكلام ده خلاني أحتار.
بصراحة، جزء مني كان لسه متعلق بمحمود، وكنت فاكرة الأيام الحلوة اللي عشناها قبل المشكلة. وكنت بسأل نفسي هو ممكن يكون فعلاً اتغير؟ ممكن يكون ندمان بجد؟
لكن قبل ما أرد، سمعت صوت العريس الجديد من جوه الصالون وهو بيقول لعمتي واضح إن فيه ضيوف، وأنا ممكن أستأذن وأمشي لو الوقت مش مناسب.
محمود لف وبص ناحيته، وأول ما عرف إنه عريس جاي يتقدملي، وشه اتغير وقال بعصبية هو مين ده؟ وإيه اللي بيعمله هنا؟
أمي ردت عليه بمنتهى الهدوء ده عريس جاي لبنتي، وداخل من الباب بالحلال، مش جاي بعد ما كسر خاطرها وافتكر
إن خاتم غالي ممكن يصلح كل حاجة.
محمود اتضايق وقال يعني إنتوا نسيتوا العشرة كلها؟ أنا لسه خطيبها!
أمي ردت لأ يا حبيبي، إنت اللي أنهيت كل حاجة بإيدك يوم ما قلت مفيش جواز، ويوم ما اخترت تمشي ورا كلام أمك.
أنا كنت واقفة بينهم ومش عارفة أتكلم. محمود كان ماسك الخاتم ومستني مني كلمة، والعريس الجديد واقف بعيد ومش عايز يدخل نفسه في موقف محرج.
وفجأة محمود قال أنا بحبك، ومستعد أعمل أي حاجة عشان ترجعيلي. حتى لو أمي تيجي تبوس إيدك وتعتذرلك.
الكلمة دي هزتني شوية، لكن في نفس اللحظة افتكرت أمه وهي بتبصلي باحتقار في محل الصاغة، وافتكرت لما قالت إني قد العجل، وافتكرت محمود وهو بيزعق لأمي وبيهددها بدل ما يدافع عني.
وساعتها حسيت إن فيه سؤال مهم لازم أسأله لنفسي لو كنت رجعتله، هل كنت هضمن إن الإهانة دي مش هتتكرر؟ وهل كنت هقدر أعيش
في بيت أمه وأنا مستنية كل يوم كلمة تجرحني؟
بصيت لمحمود وقلتله الخاتم جميل يا محمود، وغالي كمان، بس أنا مش محتاجة أغلى خاتم في الدنيا. أنا كنت محتاجة منك موقف واحد بس يومها، كنت محتاجة تحسسني إني مراتك اللي هتحافظ عليها، مش واحدة غريبة واقفة في محل دهب.
محمود قال بسرعة أنا اتغيرت والله!
قلتله يمكن تكون ندمت، ويمكن أمك فعلاً ندمت، بس أنا مش هقدر أرجع لنفس المكان اللي اتكسرت فيه. إنتوا من أول يوم استقلّيتوا بيا وبشكلي، وخلّيتوني أحس إني أقل من أي بنت. واللي يشوفني قليلة قبل ما يعرفني، ما يستاهلش إني أضيع عمري أحاول أثبتله إني أستاهل.
محمود عينه دمعت وقال يعني خلاص؟ مفيش فرصة؟
هزيت راسي وقلت ربنا يسامحك يا محمود، بس أنا مش راجعة.
فضل واقف شوية، وبعدها قفل علبة الخاتم وحطها في جيبه، وبص لأمي وقال أنا آسف يا طنط.
أمي
ردت ربنا يهدينا
