أول ما طلعت الصالة، وقفت مسمرة في مكاني من الصدمة..
طارق واقف في نص الصالة، ولابس بدلته كأنه رايح مشوار رسمي، بس مش لوحده! كان معاه عمته الكبيرة، الست عفاف، المعروفة في العيلة كلها بلسانها السليط وتدخلها في اللي ملهاش فيه، ومعاهم خاله الكبير الحاج إسماعيل.. شكلهم كده كانوا مجمعين مجلس عرفي عشان يلووا دراعي ويدخلوني بيتهم منكسرة الرأس!
بابا بصلهم بهدوء، وقال بنبرة وقار مفيهاش ترحيب كبير أهلاً يا حاج إسماعيل، اتفضلوا اقعدوا.. خير على الصبح؟
الحاج إسماعيل دخل قعد وحط رجل على رجل، وبص لبابا وقال بنبرة عتاب ناشفة عيب عليك يا حاج محمود، بقى بنتك تسيب بيت جوزها من تالت يوم عشان حتة كلمة قالتها حماتها؟ إحنا ناس أصول، والبيوت ليها أسرار، والست الشاطرة ټدفن سرها في بطنها ومش أول ما يحصل خلاف تجري على بيت أبوها!
بابا وشه اتغير، ورد بحزم الأصول نعرفها كويس يا حاج إسماعيل، وبنتي متربية في بيت عِز، مش خارجة من ملجأ عشان تتهان. حماتها نزلتها تخدم البيت كله من تالت يوم جواز وتقولها مفيش دلع، ده يرضي مين في شرع ربنا ولا في عرف الناس؟
هنا عمته نطت
في الكلام وقالت بلوم ولؤم وفيها إيه يا أخويا لما تنزل تساعد حماتها؟ هي هتنزل لغريبة؟ دي بمقام أمها! وبعدين بنات اليومين دول مايعين وعايزين الجواز كوافير وخروج وأكل جاهز، الجواز مسؤولية يا حبيبتي، وإنتِ داخلة عيلة كبيرة وليها مقامها!
أنا مقدرتش أسكت، دمي غلي ولقيت نفسي بتكلم بصوت باين فيه القوة رغم رجفة القهر عيلة كبيرة ومقامها على راسي، بس مقام البني آدم عند ربنا بكرامته! أنا أخدم حماتي لما تعيا، أشيلها فوق راسي بذوقي وإحساني، مش بالأمر وفرض السيطرة كأني شغالة بلقمتي!
طارق قرب مني، وعينيه كانت بطلع شرار، وقال بصوت واطي بس حاد يرن في ودني ياسمين، اخرسي ومتدخليش في كلام الكبار! إنتِ دلوقتي تدخلي جوة تلبسي طرحتك وتلمي حاجتك وتنزلي معايا بالذوق، قبل ما الموضوع يكبر بجد وساعتها مش هتعجبك النتيجة!
بصيتله في عينيه، كنت بدور على الراجل اللي حبني وخطبني سنتين، ملقيتش غير نسخة مصغرة من أمه.. نسخة عايزة تكسرني وخلاص عشان منظره قدام أهله.
قلتله بثبات وعيني في عينه مش هدخل ومش راجعة يا طارق. وأنا قولتلك شرطي في التليفون، شقة مستقلة بعيد عن بيت أمك، وكرامتي تتصان، غير كده إحنا منصلحش لبعض.
طارق ضحك باستهزاء، وبص لخاله وعمته وقال شايفة يا عمتي؟ شايفة الست هانم؟ بتشترط عليا أسيب بيت أمي اللي ربتني عشانها!
عمته ضړبت كف على كف وقالت يخيبك يا راجل لو سمعت كلام واحدة لسه متجوزها من تلات تيام وتمشيك على عجين ما تلخبطوش! ده اللي كان ناقص، تفرقي بين الولد وأمه؟
بابا قام وقف، وبصوت هز حيطان الصالة قال لحد هنا وكفاية! مجلسكم ده ملوش لازمة عندي، وبنتي مش هتنزل من بيتي ڠصب، ولا هي ملطشة لحد. اللي عنده كلمة عدلة يقولها، واللي جاي يستعرض عضلاته يطلع برة بيتي!
الحاج إسماعيل قام وقف بعصبية وقال إحنا كنا جايين نلم الشمل بالمعروف، بس واضح إنكم مش مقدرين الأصول. يلا يا طارق.. يلا يا عفاف، وخلي بنتك قاعدة جنبك تشبع بيها!
طارق وقف عند الباب، وبصلي بصه كلها غل وتحدي، ومد إيده في جيبه وطلع ورقة وطبقها في إيده وهو بيبتسم ابتسامة صفرا خلت شعر جسمي يقف فاكرة إنك كده لويتي دراعي يا ياسمين؟ طيب ابقي شوفي الورقة دي بعد ما أمشي، وخلي أبوكي ينفعك لما الناس كلها تتكلم عنك وتعرف الحقيقة اللي أمي جهزتهالك!
رمى الورقة على الترابيزة اللي جنب الباب وخرجوا، ورزع الباب وراه برنة خلت قلبي يقع في رجلي.
أخويا جرى على الترابيزة ومسك الورقة، وماما قربت منه ملهوفة، وبابا وشه بهت وهو بيبص عليها. أنا كنت واقفة متجمدة، رجلي مش شيلاني، وسؤال واحد بيرن في دماغي ورقة إيه دي؟ وأمه مجهزة إيه عشان ټفضحني بيه وسط الناس؟
مديت إيدي المرتعشة
عشان أفتح الورقة وأقرأ المصېبة اللي سايبينهالي وراهم…
الجزء الثاني
الورقة كانت في إيدي بتتحرك زي ورقة شجر في عز الخريف من كتر ما صوابعي كانت بتترعش. ريحة الخبث كانت فايحة من الموقف كله، ورزعة الباب لسه صوتها بيرن في نفوخي كأنها قنبلة اڼفجرت في نص شقتنا.
ماما حطت إيدها على كتفي، وصوت نفسها كان عالي ومكتوم من كتر الخضة، وبابا كان واقف مربع إيديه، وشه محقون ډم وعروق رقبته نافرة بطريقة عمري ما شفتها عليه طول عمري، أخويا الصغير أحمد كان باصصلي ومبرق، الكل مستني الکاړثة اللي طارق رماها ومشي وهو بيضحك ضحكته الصفرا المسمۏمة دي.
فتحت الورقة ببطء.. كانت ورقة بيضا متطبقة أربع تربع، مكتوبة بخط إيد، بس مش أي خط.. خط ست عجوزة سن القلم بتاعها عريض وحروفها معوجة ومحفورة في الورقة حفر من كتر الضغط والغل.
قريت السطر الأولاني، وحسيت إن ركبي سابت والأرض بتلف بيا. الورقة مكنتش مجرد ټهديد عادي، دي كانت قايمة.. أيوة، قايمة مكتوبة ببند بند، وعنوانها بخط كبير في النص
حصر المسروقات والذهب الناقص من شقة الأستاذ طارق بعد هروب زوجته ياسمين محمود!
عيني وسعت لدرجة حسيت إنها هتطلع من وشي، ملامحي كلها اتجمدت وأنا بنزل بعيني على السطور
طقم ألماظ دهب صيني كان هدية من الحماة لابنها في خزنته.
مبلغ أربعين ألف جنيه مصاريف الفرح كانت في درج الكومودينو.
غوايش دهب عيار 21 ملك الوالدة تم أخذها من دولاب الشقة التحتانية يوم الواقعة.
المكتوب تحت البنود دي كان أفظع تنبيه أخير.. إما ترجعي بيتك بكرة الصبح طايعة لبيت حماتك وتبطلي تمرد، إما المحضر ده هيتقدم رسمي في القسم الساعة حداشر الظهر، والبلاغ هيكون رسمي بالسړقة وخېانة الأمانة، وساعتها خلي سيرتك وسيرة أبوك على كل لسان في المنطقة، ده غير الفضايح اللي هتتنشر على صفحات الفيس بوك بتاعة المنطقة بصورك واسمك!
الورقة وقعت من إيدي على السجادة، حسيت بضربات قلبي بتدق في وداني.. طُق.. طُق.. طُق.. النفس انقطع من صدري وكأن حد خنقني بكيس بلاستيك.
سړقة؟! أنا حرامية؟! أنا ياسمين أسرق دهب حماتي وفلوس جوزي؟!
ماما وطت بسرعة شالت الورقة من على الأرض، وقرتها مع بابا.. بابا أول ما قرا الكلام، الورقة اتكرمشت بين صوابعه لحد ما صوابعه ابيضت، وشه اللي كان أحمر قلب للون تاني خالص، لون الڠضب اللي ملوش آخر، ولقيته بيقول بصوت هادي بطريقة مرعبة، الهدوء اللي بيسبق الطوفان ده آخرة نسبنا فيكم يا ولاد …؟ بنتي تترمي پتهمة سړقة عشان رفضت تتذل؟
ماما لطمت على صدرها بصوت مكتوم يا نهار مش فايت! يا ڤضيحتنا وسط الناس! دي ولية قادرة وڤاجرة ومبتخافش ربنا، دي لو عملت المحضر ده بجد هتفضحنا وسط الجيران والأهل، والناس مبتصدق تمسك في سيرة البنت! مين هيصدق إنها تهمة ملفقة يا محمود؟ مين؟
أنا قعدت على أقرب كرسي ودفنت وشي بين إيديا. كنت بنهار، مش من الخۏف، لأ، من حجم الصدمة.. إزاي بنى آدم كنت ببتسم في وشه
