دي باين عليها غلبانة يابني وملهاش حد هنا.
هربت… هربت مني أعمل ايه أنزل إعلان في الجرايد اقول مراتي هربت ي جماعه ياريت الا يشوفها يقولها ترجع البيت !
هربت !!
أيوا وياريت نقفل الموضوع.
دا بقي علشان أنا الصراحة مبسوط بالهدوء دا ومش عاوز قلق تاني أنا طالع أرتاح.
ااا في حاجة كمان.
أمم خير ي سحر التحقيق دا مش هيخلص ولا ايه.
الظرف دا جالك من شوية.
ظرف ايه دا !
معرفش حد سبهولك ومشي.
طيب هاتيه.
فتحه لقاه قسيمة الجواز بتاعته هو ووعد.
بغضب رماها بعيد حقيقي مكنتش أتخيل أنك ممكن تعمل فيا كدا ي جدي دي هديتك ع كل تعبي معاك في الشركة تدبسني التدبيسة دي !
بستغراب كأن لفت إنتباهه حاجة مسك الورقة تاني وبص بتركيز أيه دا غريبة يعني مفيش مؤخر ولا مهر ولا حتي شهود ع العقد من طرفها ! ايه حكايتك ي وعد وايه جابك في طريقي وخلي جدي يحطني في موقف زي دا من غير حتي ما ياخد رأيي ولا حتي يلمح بالموضوع أنا لازم أفهم أنتي الوحيدة دلوقتي إلا عندها أجابة لكل سؤال محيرني.
في الشقة عند وعد.
قامت وهي بتتوجع من ضهرها اااه أنا نمت أزاي بحالتي دي يااه الساعة عشرة لين أتأخرت أوي شكلهاا.
أن دماغك مشتغلتش ولو لثانية وشكيتى أن كل دي ممكن تبقي لعبة.
قعدت مكانها ولسه مش قادرة تستوعب كلامه عرفت أزاي أني كنت هقولها تهربني.
الحقيقة دي مكنتش متوقعها هي إلا جت قالتلي أنك طلبتى منها كدا علشان تاخد فلوس.
أمال كنتي فاكرة ايه مفتاح شقة أخوها معاها بالصدفة وكمان كاتبة العنوان في ورقة.
مجهزاه وفلوس التاكسي كل دا صدفة ولا مين هي علشان أخوها يبقي عنده شقة في عمارة زي دي !
بعدم إستيعاب أفرض مكنتش قولتلها تشوفلي مكان.
كانت هي إلا هتعرض عليكي العرض دا بطريقة غير مباشرة وكنتى برضو هتوافقي لأنك مكنتيش هتلاقي حل تاني تفكير واحد معقد بقي.
كانت هي إلا هتعرض عليكي العرض دا بطريقة غير مباشرة وكنتى برضو هتوافقي لأنك مكنتيش هتلاقي حل تاني تفكير واحد معقد بقي.
بعصبية وصوت عالي لأ أنت أكيد ضغط عليها وعذبها علشان تجبرها تعمل دا ي حيوا..
قاطعها بنظرة حادة وهو بيقربلها أنا بقول تخلي بالك من كلامك علشان أحنا هنا لوحدنا وسهل عليا أعاقبك بالطريقة إلا تسكتك خالص.
فضلت ترجع لورا لعند ما خبطت في الحيطة وراها بخوف بصتله وصوت نفسها بيعلي ااا أنت هتعمل أيه.
بص ع لبسها وبعدها رفع عينه في عنيها وهو قريب منها أوي لسانك.
بخوف ماله.
يقصر علشان مزعلكيش.
ح حاضر.
وصوتك.
ماله دا كمان.
يبقي واطي وياريت مسمعهوش خالص أنتي هنا في عالمي الخاص الشقة دي محدش يعرف أني شريها أصلا حتي جدي وأنتي بالنسبة ليهم هربتي خلاص وأنا معرفش عنك حاجة يعني مصيرك بإيدي أنا يبقي واطي وياريت مسمعهوش خالص أنتي هنا في عالمي الخاص الشقة دي محدش يعرف أني شريها أصلا حتي جدي وأنتي بالنسبة ليهم هربتي خلاص وأنا معرفش عنك حاجة يعني مصيرك بإيدي أنا.
ضربات قلبها زادت من قربه وتعبيرات وشه المخيفة.
وعنيكي دي.
بدموع مالها.
بسرحان مش عارف !
بخوف أأنت أنت.
مش كفاية إنك أنت السبب في كل دا.
كټفت إيديها بضيق نعم عاوز أيه.
اقعدي.
بقولك اقعدي !
أهو قعدنا جاي عاوز أيه.
فتح قدامها قسيمة الجواز بهدوء أيه دا.
بخوف دي دي ورقة.
القسيمة.
بزعيق لا بجد ! تصدقي كنت بحسبها ورقة بفرة.
عنيها بدأت تد مع بخوف والله قسيمة جواز.
مسك أعصابه وبهدوء ما أنا عارف أنها زفت ايه الا مكتوب دا فين الشهود أبوكي ممضيش ليه وليه مفيش أي حقوق ليكي في العقد !
لأ ما أنتي هتتكلمي يعني هتتكلمي مفيش حل تاني.
أنتي مين وبنت مين علشان جدي يضحي بمستقبلي علشانك ويجوزنا بالطريقة دي !!
مسحت دموعها وتكلمت بصوت خافت بابا كان صاحب أنكل سالم جدك فلما توفى مكنش ليا حد خالص وخصوصا أنه كان عارف من بابا أن فيه مشاكل بينه وبين أعمامي علشان كدا صمم يجوزني ليك علشان يحمينى منهم.
لا والله دخل عليا أنا كدا فيلم الخمسينات دا صح !
وهي بتفرك في إيدها بتوتر صدقني دا إلا حصل وقالي كمان أن الجواز دا هيبقي لفترة قصيرة وبعدها هنطلق.
مستحيل يكون دا السبب الحقيقي جدي مش قليل وكان قادر يحميكى من أي حد مهما كان ومن غير ما يعمل كل دا وبعدين أزاي بتقولي أنه عمل كدا علشان خايفة من أهلك وفي نفس الوقت كنتى هترجعي برجلك أسكندرية تاني !
قامت وهي بتعيط ولسه هتمشي صرخت بقوة من رجلها لما داست عليها بشدة فوقعت في الأرض اااه.
قام حمزة بسرعة وشالها بدون أي كلام ودخلها ع السرير أنتي لازم ترتاحي كدا رجلك هتورم والجبس هيطول.
بعيون حمرة من كتر العياط أنا بجد أسفة.
نامي أنتي لازم ترتاحي.
هو أنت هتعمل معايا أيه.
بصلها بغضب ممزوج بحزن معنديش حل غير أني أستني وأشوف القدر مخبيلي أيه معاكي كنت جاي وفي بالي اني هلاقي إجابة لكل سؤال معنديش إجابته وهرتاح بس حتي إجاباتك بتخليني محتار أكتر شايف في عنيكي حاجات كتير عكس إلا بيطلع منك والمصيبة أني معرفش أول ما ببص في عنيكي بيحصلي أيه مبعرفش.
أنا كنت بقولك ايه أصلا وكأن غضبي كله بيروح في ثانية هو أنتي بتعملي لي أيه !
ع العموم مضطر أصدقك ع الأقل لعند ما جدي يظهر.
طب هترجعني الفيلا تاني.
مش هينفع أنتي هتفضلي هنا دي الطريقة الوحيدة إلا لو كلامك صح هتخلي جدي يظهر بسرعة.
مش فاهمة.
أنا عارف جدي كويس هو مستحيل يسافر بالطريقة دي ويقفل كل أرقامه كدا من غير ما يعرف إلا بيحصل معانا.
ااا قصدك أنه بيكلم حد وبيعرف منه كل حاجة.
بصلها بإبتسامة خفيفة ما شاء الله دماغك طلعت بتشتغل.
ب بس أنت قولت أن تلفونه مغلق !
هي مدة ذكائك تلات ثواني بس ولا ايه ما كنتى بدأتي تفكري صح هو جدي هيغلب يعني يجيب خط تاني وتالت وعاشر وبعدين أنا بتكلم معاكي ليه أصلا.
يالا نامي.
طب وأنت.
بغمزة أيه تحبي أنام جمبك هنا ولا ايه.
يخربيت إلا يفكر يفك معاكي في الكلام أنا غلطان أتخمدي أنا همشي بس هفل عليكي بالمفتاح عارفه لو عملتي حاجة ولا عرفتي حد أنك محبوسة هعمل ايه !
أحم هتعمل أيه.
قرب منها هاجي أعيش معاكي هنا وبصراحة لو دا حصل موعدكيش أني أفضل محترم كدا كتير.
دا ع أساس أنك محترم أصلا !
فجأة تلفونه رن.
هو أنا ااا.
فجأة لاقي عينيها بتغمض بالتدريج ومالت ع السرير مغمي عليها.
أتصدم وقرب منها بخوف وعد… واااعد فوقي.
د دي غابت دي ولا أيه ي ربي أعمل أيه دا كله علشان بس!!!
جاب برفان وحاول يفوقها فضلت دايخة شويه بس عرف أنها خلاص هتبقي كويسة جاب لزقة وحطها مكان الجرح وهو بيقول لنفسه أنا هقوم أمشي بسرعة قبل ما تفوق وساعتها هتلم عليا العمارة بجد غطاها كويس وخرج.
تاني يوم في الفيلا.
حمزة ي يابني قوم الساعة تسعه تلفونك مش بطل رن.
سحر سبيني لسه بدري أنا تعبان.
أنت راجع البيت الساعة واحدة بالليل إمبارح لازم تبقي تعبان وكمان نايم بهدومك !
قوم فوق كدا وأنا هجهزلك الفطار بسرعة أنت أول مرة تتأخر ع الشغل كدا.
طيب طيب روحي أنتي أنا خلاص صحيت بلاش فطار جهزيلي بس القهوة بتاعتي علشان أصحصح.
من عنيا.
بص في الساعة بستغراب يانهار أبيض الساعة تسعه.
خلص ودخل خد شاور ولبس شميز أبيض ع بنطلون كلاسيك وساعة كلاسيك ونظارة شمس رافعها ع رأسه.
القهوة ي حمزة.
تسلم ايدك ي سحورة.
مزاجك رايق أوي النهاردة.
خد رشفة من القهوة يعني حاجة زي كدا.
تصدق بقيت أحس فعلا إن البت وعد دي وجودها كان شؤم علي البيت.
شرق وهو بيشرب أول ما جابت اسم وعد ليه بتقولي كدا.
مش عارفه مكنتش مرتاحة كدا من ساعة ما جت أول ما دخلت البيت في ناس تدخل بإبتسامة تنور البيت ودي داخلة مكشرة وساكتة.
