
دخل مروان دون أن يرد على حديثها، فهو منذ رأها نبه مريم منها، فهى كالافعى.
مروان ببرود: فين مريم هانم؟ روحى اندهيها يلا.
نجاة بتوتر: مريم هانم؟ مريم هانم مش هنا حضرتك.
مروان بشك: آمال راحت فين؟
نجاة بكذب: خرجت هى و جاسر بيه.
اقترب منها مروان بعد أن استشف كذبها بهدوء قد ارعبها وجعلها ترتجف.
مروان بهدوء: أنتى متأكدة من كلامك ده؟ أنتى تعرفى ان اكره ما على قلبى الكذب، ومن الواضح إنك بتكذبى عليا.
نجاة بخوف: وأنا هكدب عليك ليه يا بيه؟ إيه مصلحتى؟
مروان: روحى هتيلى سعاد بسرعة يلا خلصينى.
ركضت نجاة حتى تجلب سعاد من الداخل، ولكنها نبهت عليها إلا تقول شيئ لمروان عن ما حدث هنا ل مريم، وإلا سوف تقطع عيشها هنا. خرجت سعاد ونجاة إلى مروان الواقف فى الصاله.
مروان: أختى فين يا سعاد؟ فى ناس بتقول أنها خرجت مع جاسر، الكلام ده صح؟
سعاد بحزن: لا مش صح يا مروان بيه، خلاص بقى كفاية لحد كده، مريم هانم منعتنى أقول إللى بيحصل ليها هنا ليك او لأى حد، لكن كفاية هى استحملت كتير.
نجاة بتوتر: ما تصدقهاش يا مروان بيه، دى كدابة صدقنى.
أشار لها مروان بطريقة مخيفة يأمرها بالصمت، وأمر سعاد بأن تكمل حديثها.
سعاد ببكاء: من يوم ما مريم هانم دخلت هنا وهما بيهنوها، وكمان النهارده حصل ان.
بدأت سعاد تسرد عليه ما حدث ل مريم من ساعة و جاسر بيه نقل مريم هانم على المستشفى دلوقتى، والسبب فى أى حاجة حصلت ل مريم هانم هى كاميليا ونجاة.
نظر مروان لنجاة ثم بدأ بالسير نحوها، ووقف أمامها وتحدث لها وهو يجز على أسنانه.
مروان بهدوء مريب: أنتى بقى السبب فى إللى حصل لأختى مريم؟ أنا بقى هندمك على اليوم إللى اتولدتى فيه.
مروان بتسأول: أختى فى مستشفى إيه يا سعاد؟ مريم فين انطقى.
سعاد: فى مستشفى مهران بتاعت صالح بيه وهى فى.
ما أن سمع مروان حتى انطلق متوجهه إلى المشفى التى بها مريم، وهو يتنبه ل جاسر فى نفسه على ما فعله فى مريم، وسوف يأخذها ولن يعمل حساب لأحد بعد الآن حتى جده، فيكفى ما حدث لجوهرته الغاليه مريم.
أما فى الصعيد، فقد كان منصور يستعد هو والرجال حتى يتوجهون إلى قصر توفيق السيوفى، فكان يلقى التعليمات عليهم وكيف سيتم التحرك، وكذلك يرسل التعليمات للرجال داخل قصر توفيق.
الحاج مهران: منصور تعالى ياولدى، منصور المهمة إللى أنت طالعها دى مش سهله، خلى بالك من نفسك يا ولدى وبلاش التسرع ده، سلامتك أنت وأخوك أهم عندى من أى حاجة تانية.
منصور: ما تخافش يا بوى، أنى هرجع ومش لوحدى، فارس كمان هيكون فى يدى.
الحاج مهران: أن شاء الله ياولدى.
دخل الحاج مهران غرفته وجلس على مقعده المفضل يتزكر ما حدث معه عندما وقعت الحادثه الاليمه. تم استدعائه من قبل السرطه التى وجدت السيارة مدمره على الطريق، فبدأت تعود إليه الذكريات تدريجيا.
فلاش باك
كان فارس يقود سيارته هو وأسرته على الطريق الصحراوى عائد من شرم الشيخ، بعد أن قضى أسبوع هو وأسرته هناك. كان يتحدثون معا فى سعادة بالغه ويتشاجرون بمرح بينهم.
مروان بمرح: إيه يا مريم مالك مقموصه ليه؟ مش قادره تنسى أنك كنتى هتغرقى يا زقرده، أنتى ولولا أنا كان زمانك بتعومى مع السمك.
مريم بغيظ: لا أنا بعرف اعوم أحسن منك، مش كده يا بابا؟
فارس بضحك: مروان خف على أختك شوية، مش وقت رخامتك دى.
مروان: أنا يا بابا ولا هى إللى بقامصه وبتزعل بسرعه؟
مريم بضيق: بص يا بابا، كل شويه يقولى أنى بقامصه، أنا مش بتقمص يابابا.
عائشة بضحك: بصراحة يا مريم، مروان عنده حق ههههه، أصلك بتتقمصى بسرعة.
مريم بصياح: ماما بس بليز.
وأثناء محادثتهم خرجت عليهم سيارتين دفع رباعى بها مجموعة من الملثمين يحاولون التضييق عليهم، وكان فارس يحاول الخروج من فخهم.
مروان بقلق: هو فيه إيه يا بابا؟ والناس دى عايزه إيه؟
فارس بحده: مش وقته يا مروان خالص.
مريم بخوف: هو فيه إيه يا مروان؟ أنا خايفه قوى.
مروان: ما تخافيش يا حبيبتى، أنا معاكى وان شاء الله مش هيحصب حاجة.
كانت العربيات تضيق عليهم بشده حتى فقد فارس السيطرة على السياره، وبدأت تنحرف عن الطريق وانقلبت السياره عدة مرات، ففقدت مريم وعيها، اما مروان فكان شبه مستيقظ، وكان فارس يطلق انينا. بدأ مروان يوعى لما حوله فبدأ دفع الباب حتى فتح، فخرج منه وهو يكتم ألمه، ثم جذب مريم وأخرجها معه. أبتعد مروان عن السياره وهو يحمل مريم حتى يضعها بعيدا، ثم يعود لنجدة والديه لكنه فقد وعيه.
طوقت السيارات سيارة فارس، ونزل منهم الرجال ومعهم توفيق الذى أمرهم بأنزال فارس منها، ثم سكبوا الماء على وجه فارس لكى يستفيق فشهق بقوة، فدبت عصا توفيق على الأرض.
توفيق بغل: أخيرا وقعت يا ولد الصياد، ده أنا هطلع عليك القديم والجديد، وهاخد حقى والورق إللى انت ماسكه عليا منك يا فارس.
فارس بحده: بأى حق عايز تاخد الحق يا توفيق؟ الحق انتهى بمجرد جوازى من أختك، وكمان أنا خلفت منها ابنى الكبير مازن، والورق إللى ماسكه عليك مش هتاخده حتى لو على موتى يا توفيق، مش هسمح ان واحد سيئ زيك يدمر البلد دى.
توفيق بضحك: وأنت فكرك يعنى أنى لو وقعت الناس الكبيره عاتسكت؟ لا والله، أنى مفرقش معاهم فى حاجة، ومعترف بكده، لكن المكانه إللى أنت هتهزها وتعديك على راجل من رجالتهم تمنه واعر قوى يا ولد الصياد، وكمان الحق منتهاش بمجرد زواجك من أختى، لا ده ابتدى بغيابها يا فارس. قولى عاد فين الورق يا فارس، بدل وعزة الله فى سما ما هايحصل كويس.
فارس بضحك: الورق مش هتقدر تاخده يا توفيق، وأنا كمان لو روحت طلبته من أبويا مش هيرضى يدهولى، خاصة بعد ما عرف إللى فيه، وانت عارف سيدك الحاج مهران لو غاب لازم يبرأ زمته قدام ربنا.
توفيق بغيظ: ماشى يا ولد الصياد، أنى هعرف اخد الورق ده كويس، بس الاول هاخدك أنت، هاتوه يلا، وأتلفوا العربية دى باللى فيها.
فارس بصياح: لا ولادى لا، حرام عليك يا توفيق، دول لسه صغيرين، ولادى اه اه اه يارب، عائشة لا عائشة.
أمر توفيق بإتلاف السيارة ظنا منه أن أحفاد الصياد فى الداخل، فهو لم يراى مروان وهو يبتعد هو وأخته ويدخل بها جزء قليل من الصحراء، وكذلك فارس الذى ظل يصيح على أبنائه، فارس الذى سوف ينبه به الحاج مهران حتى يعطيه الورق. اما الشرطه فقد أتت وبدأت تحقق فى الحادث، وتم إبلاغ الحاج مهران بالحادث فحضر للمكان الواقعه حتى يطمأن قلبه، ولكن أخبره الشرطى ان هذا الحادث مدبر، وان داخل السيارة قد تأثرت وتحولت لرماد، وهم يحاولون ان يتأكدوا كم عدد بالداخل. اما عناصر الشرطه الاخرى فقد بدأت بتمشيط المنطقة حتى وجدوا مروان و مريم.
عوده للحاضر

