الفصل الرابع والعشرون
بعد عدة أيام، لم تذهب ملك للعمل لأنها كانت متعبة.
كانت في بيتها، وكانت تتقيأ كالعادة.
رنت سارة الجرس.
ملك: تعالي يا سارة.
كانت تشعر بوهم وتمسك بطنها.
سارة: مالك حبيبتي؟ بردو البرد دا طول أوي؟
ملك: والله ما أنا عارفة، أنا تعبانة أوي.
وبدون إنذار وقعت فاقدة الوعي.
فزعت سارة: ملك، ملك، فوقي يا حبيبتي.
وتركتها وذهبت إلى بيت دكتور عصام، وخبطت على الباب بفزع.
فتح عصام الباب.
سارة بدموع: الحق يا دكتور، ملك وقعت من طولها وأنا مش عارفة أعمل إيه.
عصام: طيب اسبقي، خليكي معاها، وأنا هجيب الشنطة وجاي وراكي.
نفذت سارة ما طلب، وهي تضربها على وجهها بخفة: ملك، قومي يا حبيبتي، ألف سلامة عليكي.
دخل عصام وحملها إلى غرفتها، وبدأ بالكشف عليها.
وبعد أن أتم الكشف.
عصام: سارة، روحي اعملي لملك أي عصير عشان ضغطها واطي.
سارة: حاضر.
تتململ ملك بعد أن أفاقها عصام.
ملك: دكتور عصام، حضرتك هنا؟ إيه اللي حصل؟
عصام: احم… ملك، انتي عارفة التعب اللي عندك دا من إيه؟
قامت نص قعدة وعدلت من وراءها الوسادة: لا يا دكتور، أنا داخلة في شهر والتعب كل مرة بيزيد. أنا عندي إيه؟
عصام: ملك… انتي حامل.
لم تذرف ملك الدموع ولم تتفوه بكلمة، وقعت عليها كلمات عصام كالصاعقة.
عصام: طيب، سارة في المطبخ بتعملك عصير، وبعدين نتكلم.
هزت ملك رأسها، ودخلت عليهما سارة بالعصير.
سارة: تفضلي يا تاعبة قلبي، خضتيني عليكي. ألف سلامة عليكي يا قمر.
مازالت ملك تحت تأثير الصدمة.
عصام: أنا هنزل دلوقت، ولو في حاجة اندهولي.
سارة: شكرًا يا عصام.
وذهبت معه تودعه.
عند جني في الجامعة.
لم تصاحب أي شخص جديد، وقد بدأت في الكلام مع آلاء وصديقتهما هايدي، وحكت لهما ما نوت على فعله، فيكفيها ما أضاعته.
آلاء: يعني انتوا اتفقتوا على الطلاق بعد سنة من جوازكم؟
جني: أيوة، عمر مش بيحبني.
هايدي: بالعكس، عمر بيحبك واتصرف معاكي بكل رجولة وشهامة.
جني: بس احنا غلطنا جامد.
هايدي: عارفة، واعتذرتي وتأسفتي بدل المرة مليون، آخرهم كان يوم ما حرجك وجرحك. وبكت: أنا تعبت وقلبي وجعني أوي.
وأجهشت بالبكاء.
عند فهد.
فهد: شريف، هي ملك ما جاتش؟
شريف: لا يا سيدي، وما بلغتش إنها هتغيب.
فهد: مش عارف مين بيشتغل عند مين.
شريف: طيب أنا هتصل عليها.
فهد بحدة: لا، ما تتصلش.
شريف: طيب اهدي، انت منفعل أوي.
دخل عامل البوفيه بالقهوة، وتركها وذهب.
أخذ فهد فنجان القهوة وارتشف منه القليل.
فهد: أووووف، إيه دا؟ طعمها بشع.
شريف غامزًا: بعشام، مش من إيد ملك.
فهد: شرييييف، روح مكتبك.
شريف: احم، طيب، إيه الإحراج دا.
اتصلت ملك بدكتور عصام وأخذت منه موعدًا لتذهب إلى عيادته، وقد ذهبت.
الممرضة: دكتور عصام موجود؟
الممرضة: أيوة يا هانم.
ملك: من فضلك قوليله ملك.
دخلت وأخبرته.
قابلها على الباب: أهلًا يا ملك، اتفضلي.
ملك: أنا جيت لحضرتك زي ما كلمتك.
عصام: طيب اتفضلي، اقعدي، تحبي تشربي إيه؟
ملك: لا، مالهوش لزوم. حضرتك متأكد من اللي قولته؟
عصام: أيوة يا ملك، وبردو لزيادة التأكيد ممكن نعمل اختبار حمل.
ملك: طيب تمام، ممكن نعمله دلوقت؟
عصام: أيوة أكيد، هنعمل اختبار دم وهنشوف.
تم عمل الاختبار الذي أكد كشف عصام.
عصام: ملك، مين اللي عمل كدا؟
ملك: دكتور عصام، قبل أي حاجة أنا عاوزة أقولك إني متجوزة.
عصام: إيه؟ إزاي؟ وامتى؟ ويبقى مين؟
ملك: يبقى صاحب الشركة. من شهرين. بس مش هنقدر نشهر جوازنا دلوقت.
عصام: ليه؟
ملك وهي تتكلم وتبكي من القهر: مش مستحملة، أرجوك.
قام ووقف: أنا كنت بعتبرك أخت ليا. وأنا مش هقول لأي مخلوق اللي أعرفه، بس ليا رجاء، يا ريت تخفي الموضوع مع سارة في المعاملة.
ملك: تقدري تتفضلي.
قامت من جلستها وتوجهت للباب.
عصام: استني، دي بعض الأدوية اللي هتحتاجيها الفترة دي، شوية فيتامينات ودا عشان الغثيان يخف عندك.
ملك: شكرًا يا دكتور.
وأخذتهم وذهبت، وخرجت من العيادة. وهي تفكر: ماذا أفعل؟ أذهب إليه وأخبره؟ هو من أخطأ، ولكن هل سيصحح هذا الخطأ؟ لا أعلم ما ردة فعله.
وأكملت سيرها.
في شركة يوسف الجندي، ذهب إليه شريف كي يفاتحه في موضوع زواجه من مي.
استأذنت السكرتيرة.
يوسف: أهلًا أهلًا، اتفضل يا باشمهندس.
شريف: أهلًا بحضرتك يا يوسف بيه.
يوسف: أنا مش عارف أقولك إيه على اللي عملته مع مي بنتي وانتو في أمريكا.
شريف: يا باشا، أنا ما عملتش غير الواجب. أنا كنت جاي لسيادتك في موضوع.
يوسف: اتفضل قول.
شريف: احم، أنا كنت حابب أطلب إيد الآنسة مي، وكنت عاوز أعرف رأيك.
سكت لحظة: مي عارفة بطلبك دا؟
شريف: احم، أيوة يا فندم، أنا سألتها الأول.
يوسف: طيب طالما هي موافقة يبقى أنا كمان موافق. ألف مبروك يا سيدي.
شريف بفرحة: الله يبارك في سعادتك. إن شاء الله أجيب أهلي وأطلبها رسمي من حضرتك.
يوسف: مفيش داعي للرسميات دي يا شريف، أنا وافقت أديك بنتي لأنك فعلًا راجل شهم وأصيل.
شريف: ربنا يخلي سعادتك. بس بستأذن حضرتك، هنعمل شبكة وكتب كتاب بس هيبقى في الصعيد، لأن الجدة ست كبيرة في السن ومش حمل سفر.
يوسف: تمام، مفيش مانع، اتكلم مع مي واتفقوا واللي انتوا عاوزينه أنا موافق عليه.
قام بسعادة: متشكر جدًا جدًا يا يوسف بيه.
يوسف: اسمي عمي يا ولد.
شريف: حاضر، متشكر جدًا يا عمي.
وخرج بسعادة لإبلاغ مي.
عند جني وعمر، لم يحدث شيء جديد، فكانت جني تنتبه على دروسها وكانت تتلاشاه، وهو أيضًا كان يعمل بجد ليلًا ونهارًا حتى لا يتواجد معها. أما هايدي وآلاء فكانتا تساندانها على تخطي محنتها.
جاء المساء، وذهب شريف إلى المكان الذي اتفق عليه مع فهد.
شريف: إيه يا ابني؟ بقيت بتسهر يعني؟
فهد: مخنوق يا شريف، ومش عاوز أروح البيت الوقت دا.
شريف: مالك يا صاحبي؟ فيك إيه؟
فهد: مش هقدر أحكي دلوقت، يمكن بعدين.
شريف: ماشي يا سيدي. بارك لحبيبك بقي.
فهد: على إيه؟
شريف: على كتب الكتاب، أنا طلبت مي من أبوها وهو وافق.
فهد: ألف مبروك يا شريف، ربنا يتمم بألف خير.
شريف: يارب يا صاحبي. بس كتب الكتاب هنعمله في الصعيد عشان الجدة.
فهد: ماشي يا صاحبي.
شريف: سليم باشا وعمر وجني أكيد مش محتاجين عزومة.
فهد: أكيد يا ابني.
شريف: بس امتى بقي؟
فهد: إن شاء الله بعد أسبوعين
