هزت مي رأسها، ودثرت نفسها على الفراش، وظل شريف قريبًا منها يطمئن عليها كلما تحركت، حتى الصباح.
فتحت مي عيناها، فوجدت نفسها في غرفة غريبة، ووجدت شريف نائمًا على الكنبة.
مي: شريف…
شريف: صباح الخير، عاملة إيه دلوقت؟
مي: الحمد لله كويسة. أنا آسفة، أخدت سريرك وانت ما عرفتش تنام.
شريف: لا أبدًا، ولا يهمك.
مي: شريف، أنا مش عارفة أشكرك…
شريف: ما تقوليش حاجة يا مي، أنا ما عملتش حاجة.
مي: كل دا وما عملتش؟
شريف: أيوة يا مي، ما عملتش حاجة. يلا غيري هدومك وتعالي ننزل نفطر تحت، ولا تحبي أطلبه هنا؟
مي: لا، نفطر تحت.
شريف: تمام، أنا هدخل أغير وهسبقك عشان أشوف إجراءات الشركة، ولازم اعتذار رسمي، وهتاخد الشركة كل الإجراءات القانونية.
الفصل الثالث والعشرون
سافر فهد وملك إلى شرم لإتمام بعض الأعمال، ووصلا إلى الفندق.
نزل فهد وملك إلى العشاء، وحضر بعض رجال الأعمال وتكلموا في أمور كثيرة.
أحد رجال الأعمال: مستر فهد، أنا أهنيك على اختيارك في الناس اللي بتشتغل معاك. الآنسة ملك ما شاء الله ذكية جدًا.
ملك بخجل: شكرًا لذوقك.
أما فهد فكان يشعر بغيرة واضحة.
فهد: طيب نستأذن احنا، الآنسة ملك تعبانة هترتاح، وبالليل نتقابل.
صعدا إلى الغرفة.
فهد: انتي إيه اللي حصل دا؟
ملك: أنا عملت إيه؟
فهد: مش عارفة؟ أنا بقولك انتي تقعدي ساكتة وما ترديش على حد، سامعة؟
ملك: حاضر حاضر، سيب إيدي، بتوجعني.
ابتعد عنها ثم تابع: ادخلي غيري وتعالي.
ملك: ليه؟
فهد: عاوزك تفضلي معايا هنا، انتي مراتي.
ملك: مستر فهد، من فضلك، أنا تعبانة والله.
فهد: خلاص، ارتاحي الليلة، وبكرة نتكلم.
في غرفة جني.
دخل عمر فوجدها تجلس أمام التلفاز، وكانت في غاية الجمال بملابسها الهادئة وزينتها البسيطة.
أول ما نظر إليها تسمر في مكانه.
جني: عمر، انت جيت…
عمر: احم، مساء الخير.
جني: ادخل خد شاور على ما أحضرلك الأكل.
عمر: لا، مفيش داعي تتعب نفسك.
جني: لا، ولا تعب ولا حاجة.
في الخارج كانت تضع الطعام على المائدة، ثم ذهبت إلى المرآة لتعدل من حالها.
خرج عمر مرتديًا ملابسه الرياضية ووقف يصفف شعره.
جاءت من خلفه: عمر، أنا حضرت الأكل.
عمر: لا شكرًا، مش عاوز.
جاء ليبتعد فأمسكت بيديه.
جني: ممكن أتكلم معاك شوية؟
عمر: لا، أنا تعبان وعاوز أنام. قالها بجفاء.
جني: عمر، من فضلك، أنا عارفة إني غلطت، وغلطة كبيرة كمان، بس أنا آسفة والله، ما هكررها. عمر، أنا عاوزاك تسامحني، أرجوك.
كان طوال الوقت معطيها ظهره، خائفًا من أن ينظر في عينيها فتُضعفه دموعها.
عمر: خلصتي كل اللي عندك؟
جني: عمر، من فضلك، اديني فرصة.
عمر: لا يا جني، مفيش فرص. كذبتي عليا، وكنت بتصلي بيكي كل ربع ساعة أطمن، وانتي كنتي بتكدبي. لو ما كانش حصل اللي حصل، ما كنتش هعرف، وكانت هتتكرر تاني.
ثم التفت لها وقال بصرامة: انتي استهونتي بيا وبأخوكي وبجدك. أنا خلصت كلامي، وهنام، وبعد كدا ما تتعبش نفسك تاني.
تركها واستقل الفراش.
أما هي فتسمرت مكانها من مرارة كلماته.
عند مي وشريف.
خرجا سويًا إلى أماكن عديدة، وكان يعاملها كأنها طفلته.
مي: أنا فرحانة أوي يا شريف.
شريف: حبيبتي، ربنا يقدرني وأفرحك يا قلب شريف.
بدأت السماء تمطر.
شريف: يلا نمشي قبل ما نتغرق.
وتوجها إلى الفندق.
عند ملك وفهد.
في الصباح، استيقظت ملك وهي متعبة، ونهضت من جانبها ومشت خطوتين وشعرت بالتعب، فأمسكت بطنها وتألمت.
ملك: آه…
قام على صوتها وتوجه إليها: مالك؟
بعدت يده عنها: ابعد عني.
فهد: ملك، اتكلمي عدل، أنا بسألك مالك.
ملك: هتعمل فيا إيه أكتر من كدا؟ أنا عملت فيك إيه لكل الزعل دا؟
فهد: مش عارفة؟ أنا هقولك. اذهب ليأتي بفونها وفتح الواتس. إيه دا؟ مين بقي “البوص” دا؟ وعلى فكرة، هو اللي فتن عليكي.
أخذت ملك الفون وبدأت تقلب فيه.
ملك: إيه دا؟ دا دي الملفات اللي أخدتها من مكتبك وبعتها للفايز.
فهد: ولما ما تعرفهوش، الحاجات دي جت على فونك إزاي؟ ولا رقمه اتسجل عندك إزاي؟
ملك: أنا ما عملتش دا، أنا معرفهوش.
فهد: أنا هتأكد من الموضوع بنفسي، وأنا اللي هعرف الحقيقة.
عند مي.
نزلت بعد أن جهزت حالها، ووجدت شريفًا جالسًا.
مي: إيه دا؟
شريف: مش حاجة، بس عشان الجو بارد.
جلسا يتكلمان قليلًا، ثم صعدا إلى الغرف ليرتاحا، فقد كان اليوم طويلًا ومرهقًا.
في الصباح.
جني: أنا رايحة الجامعة ومش هغيب تاني.
عمر: لهجتك تتغير أحسنلك.
جني: حاضر يا سيادة الرائد.
عمر: جني…
جني: إيه؟ مش فعلا حضرتك سيادة الرائد؟
عمر: استني هوصلك.
جني: لا، جدو عين ليا سواق هيوديني ويجيبني، وما تقلقش، مش هكررها تاني. ودا مش عشانك، لا عشان خاطر أبييه وجدو. أنا لازم أنتبه على نفسي وأكمل تعليمي وأشتغل وأحقق ذاتي.
عمر: تمام، اتفضلي.
نظرت له دون كلام وانصرفت.
أما هو فكان قلبه يتأكل حزنًا على حب عمره، على طفلته التي لم يحب أحد مثلها. هو لم يستطع أن يسامحها، ولكنه يحبها.
عند شريف ومي.
تململت وبدأت في فتح عينيها في تثاقل.
مي: آه، راسي بتوجعني.
مسحت بعينيها الغرفة فلم تكن غرفتها، ووجدت شريفًا يخرج من الحمام يرتدي ملابسه الرياضية وينشف شعره.
قال لها مبتسمًا: صباح الخير، فوقتي؟
كانت مي مذهولة، ونظرت لنفسها ووجدت ما ترتديه.
مي: انت… انت كنت… انت عملت إيه؟
شريف: أنا ما عملتش، انتي اللي عملتي كل حاجة.
مي: بلعت ريقها وقالت: إيه اللي حصل؟
شريف: اللي حصل يا ستي إنك جيتي عندي، وكنتي تعبانة، وقعدتي معايا، وبعدها طلبتي مني أطلعك أوضتك، وأنا طلعتك ونمت على الكنبة.
مي: وبعدين؟ إيه اللي حصل؟
شريف: اللي حصل يا ستي إنك كنتي تعبانة أوي، وأنا ما سبتكيش لوحدك لحد ما نمتي.
بدأت شفاها ترتعش والدموع تتحرك في عينيها: لا، قول، حصل ليا إيه؟
شريف: ما حصلش حاجة.
مي: يعني إيه؟ انت كداب، انت اللي عملت فيا كدا؟ انت حقير، انت عملت فيا إيه؟
ووضعت يدها على وجهها وأجهشت في البكاء.
جلس بجوارها ومسك بيدها وأبعدها عن وجهها وقال بحنو: مي، ما تخافيش يا مي، ما حصلش حاجة، أنا بضحك معاكي.
مي: أنا…
شريف: أنا راجل صعيدي، وعارف يعني إيه شرف البنت، ويعني إيه بالنسبة ليها ولعيلتها. وأنا مش ممكن أبدًا أقدر أأذيكي.
ضربته مي على صدره عدة ضربات، وارتمت في حضنه وبكت.
مسح هو على شعرها: اهدي، والله ما حصل حاجة، أنا كنت طول الليل على الكنبة. صحيح انتي فرهدتيني، بس ما حصلش حاجة، صدقيني.
احمرت خجلًا من كلماته، ولكنها كانت سعيدة. فشريف رجل بحق الكلمة، حافظ عليها حتى وهي في أشد حالات تعبها.
