الفصل الثاني والعشرون
بعد أسبوع، استعدت مي وشريف للسفر إلى أمريكا لإتمام صفقة الأجهزة للمصنع المشترك بين شركة المهدي وشركة يوسف الجندي.
طوال الطريق كانت مي تتجنب الكلام مع شريف، وهو لم يضايقها وبادلها التجاهل أيضًا.
حتى وصلا مطار لوس أنجلوس الدولي، كان في استقبالهما بعض الأشخاص: السيد آدم المدير التنفيذي، والسيد مايكل المستشار القانوني للشركة الأمريكية.
آدم: أهلًا بكم، تفضلوا.
شريف: أهلًا بك سيد آدم.
تقدم السيد مايكل وصافح شريف، ثم اقترب من مي ومدت هي يدها، فقبلها، فخطفت مي يدها إحراجًا من فعلته، أما شريف فقد احتقن وجهه.
آدم: تفضلًا إلى الأوتيل حتى تستريحا، وفي الليل سيكون هناك عشاء عمل وسنتكلم عن كل شيء تريدونه.
شريف: حسنًا. تعالي يا مي.
صعدت مي وشريف كل منهما إلى غرفته، واستراحا وأبدلا ملابسهما استعدادًا للعشاء.
عند ملك، كانت تشعر بالدوار، فتوجهت إلى الحمام حتى تغسل وجهها لتستفيق. جاءت عبير فلم تجدها على مكتبها، وعند خروجها وجدت ملك آتية.
عبير: إيه يا بنتي؟ فينك؟
ملك: كنت في الحمام.
عبير: مالك يا ملك؟ شكلك تعبان أوي.
ملك: الظاهر الضغط واطي أوي، أنا ما أكلتش حاجة من الصبح.
عبير: ليه يا بنتي؟ استني، أنا هنزل أجيبلك أكل.
ملك: لا لا، أنا هستنى للمرواح وهبقي آكل.
عند عمر وجني.
عمر: أنا مسافر مأمورية وهغيب ١٠ أيام. مفيش نزول من البيت، مفهوم؟
جني: لا مش مفهوم. أنا هخرج، أنا مش في سجن، مش كفاية السنة دي مضروبة؟
عمر: قولت الكلمة تتنفذ، سامعة؟
جني: لا مش سامعة، أنا زهقت من معاملتك دي، أنا مش جارية عند سياتك.
عمر: جني… اتعدلي، أنا مش هقدر أكرر الكلام.
وتركها وذهب لإحضار حقيبته، أما هي فجلست باكية.
عند سارة.
سارة: ملك يا بت، ملك.
ملك بتعب: إيه؟
سارة: قومي اقعدي معايا، أحكيلك عملت إيه في الكلية.
ملك: لا سيبيني، أنا تعبانة.
سارة: لا قومي بقي، ما تبقيش رخمة.
نهضت ملك وهي واضعة يدها على جبينها، فهي تشعر بالدوار والغثيان. أول ما اعتدلت أصابها الغثيان، فنهضت وأسرعت إلى الحمام.
سارة بقلق: ملك فيكي إيه يا حبيبتي؟ مالك؟ معدتك فيها إيه؟
ملك بوهن: لا مالهوش لزوم، شوية وهبقي كويسة، أنا هنام.
سارة: طيب يا حبيبتي، سيبك ترتاحي.
شريف، بعد أن بدل ملابسه، ذهب إلى غرفة مي وطرق الباب.
فتحت مي: أفندم؟
شريف: إيه أفندم دي؟ ما تتكلمي عدل.
مي: والله هي دي طريقتي.
شريف: بصي، عشان الكام يوم يعدوا على خير، اتعدلي في الكلام معايا، سامعة؟
مي: بقولك إيه، اتكلم بطريقة أحسن من كدا، يا تخليك في حالك.
شريف: إزاي أخليك في حالي وانتي أمانة معايا، أبوكي موصيني عليكي.
مي: أمانة؟ وموصيك عليّ؟ على أساس جاي مع بنت أختك؟ بقولك إيه يا أخ، أنا أعرف أحمي نفسي كويس، ولآخر مرة بحذرك ملكش دعوة بيا.
وتركته وأغلقت الباب. ظل هو واقفًا مكانه يشد على شعره من شدة الغيظ.
في اليوم التالي في الشركة، دخلت روجيدة بكل غرور.
روجيدة: انتي… فهد موجود؟
ملك: اتكلمي عدل من فضلك، أنا ليا اسم.
روجيدة: بت… انتي.
ملك: بت لما تبتك.
روجيدة: احترمي نفسك.
ملك: أنا محترمة غصب عنك.
خرج فهد على صوت صراخهما.
فهد: إيه؟ في إيه؟
تظاهرت روجيدة بالبكاء واقتربت منه.
روجيدة: فهود حبيبي، البنت دي بتزعقلي.
فهد: روجيدة، انتي بتعملي إيه؟ قالها بصوت حاد.
روجيدة: انت بتزعقلي ومش عاوزني أأدبها؟ ماشي يا فهد.
وتركته وذهبت.
صدمت ملك من فعلته، لم تتوقع رد فعله.
فهد: تعالي ورايا. إيه اللي حصل؟
ملك: والله حضرتك اللي حصل…
فهد: طيب روحي على مكتبك.
في مكتب ملك جاء سامح.
سامح: السلام عليكم يا آنسة ملك.
ملك: وعليكم السلام.
سامح: حضرتك مش عرفاني؟ أنا موظف في الشركة هنا، وبشوف حضرتك كتير، وكنت عاوز أكلمك في موضوع شخصي.
ملك: شخصي؟ شخصي إزاي يعني؟
سامح: احم، طيب ممكن نتكلم مع بعض في مكان عام بعد الشغل؟
ملك: لا والله، آسفة، مش بخروج مع حد.
سامح: يا آنسة، أنا عاوز أطلب إيدك.
ملك: اتفضل حضرتك على مكتبك، مستر فهد لو شافك هنا بجد مش هيحصل طيب.
سامح: طيب تحبي أستناكي بعد الشغل؟
ملك: يا حضرت، طلبك مرفوض، ممكن بقي تمشي على مكتبك ومتعمليش مشاكل.
خرج فهد وقال: انت مين؟
سامح: أنا سامح.
فهد: وعاوز إيه؟
سامح: أنا موظف هنا، وكنت بستأذن من الأستاذة ملك بعد الشغل أقابلها.
فهد: ليه؟
ملك بسرعة: يا حضرت قولتلك طلبك مرفوض، اتفضل لو سمحت.
فهد: اسكتي انتي. قالها بحدة، ثم التفت لسامح: اللي هو إيه؟
سامح بعد أن تنحنح: أنا كنت عاوز أطلب إيد الآنسة ملك.
فهد: اطلع على مكتبك حالًا، والموضوع دا مش هيتكلم فيه تاني في وقت الشغل.
فهد: تعالي ورايا.
ذهبت إليه ملك وهي خائفة، دخلت المكتب، فذهب إلى الباب وأغلقه من الداخل، وظل يقترب منها وهي ترجع للخلف حتى اصطدمت بالمكتب.
فهد: طبعًا انتي فرحانة؟ وأكيد مش أول مرة يجي هنا؟
ملك برعب: لا لا والله، أنا معرفهوش، أنا أول مرة أشوفه.
فهد: طيب يا ملك، خلينا نتفق إن ده مش يتكرر تاني.
فهد: اتفضلي على مكتبك.
ملك: حاضر.
في أمريكا عند مي وشريف، بعد أن تناولوا العشاء مع الوفد.
مايكل: آنسة مي.
مي: نعم مستر مايكل.
مايكل: هل تودين أن ترقصي معي؟
مي: أوكي، ولما لا.
في المساء، بعد أن صعدت مي إلى غرفتها، سمع شريف صوتًا غريبًا من ناحية غرفتها، فقلق وطرق الباب، ولم يجبه أحد، فدخل ليجدها في حالة خوف شديد، وأن السيد مايكل تجاوز حدوده معها. أخرجها من الغرفة وغطاها، واستدعى أمن الفندق، وتولت الشركة وكل الإجراءات القانونية التعامل مع الأمر.
كانت مي ترتجف، فهدأها شريف وأحضر لها ملابسها، وطلب لها عصيرًا.
شريف: اهدي يا مي، أنا معاكي، محدش هيقدر ياذيكي، ما تخافيش.
مي ببكاء: شريف، ما تسبنيش.
شريف: أنا معاكي. بصي، ادخلي الحمام وأنا هفضل هنا، ماشي؟
هزت مي رأسها ودخلت الحمام في وهن، وظل هو يشدد على رأسه من الغيظ.
خرجت مي بعد أن ارتدت ملابسها، وطلب لها عصيرًا كي تهدأ.
شريف: مي، اشربي دا، هيهديكي شوية.
أخذته وبدأت ترتشف منه.
شريف: تحبي تنامي؟
مي بدموع وهزت رأسها: لا، أنا خايفة.
شريف: ما تخافيش، قولتلك أنا معاكي. بصي، نامي انتي هنا وأنا هنام على الكنبة دي، ماشي.
