في اليوم التالي، ذهب فهد إليها واطمأن عليها، وأحضر معه الكثير من العصائر.
رن جرس الباب ففتحت له سارة.
سارة: خير حضرتك، مين؟
فهد: أنا فهد سليم المهدي، صاحب الشركة اللي بتشتغل فيها ملك، ممكن تبلغيها؟
سارة: أيوة تمام، اتفضل.
دخل وأغلقت الباب.
سارة: أيوة اتفضل حضرتك، هصحيها.
فهد: لا، مفيش داعي تقلقيها، خليها مرتاحة. أنا جبتلها عصاير، لو معدتها مش قابلة للأكل.
سارة: لا، الحمد لله، النهاردة القيء خف لما خدت العلاج.
فهد: طيب خير، أنا همشي دلوقت، وياريت تبلغيها، لو فضلت تعبانه بلاش تيجي وخليها ترتاح شوية.
سارة: حاضر بإذن الله، والقي عليها السلام.
وذهب.
دخلت سارة، فوجدت ملك تعتدل.
سارة: إيه يا بنتي؟ قومتي ليه؟ خليكي، لما أجيبلك حبة عصير.
ملك: لا مش عاوزة.
سارة: مش عاوزة إيه؟ دا ده من هيييييح؟ من فهد باشا صاحب الشغل.
ملك: هو هنا؟
سارة: لا، كان هنا جابلك عصائر ومعلبات وبيقولك لو لسة تعبانه خليكي بكرة ما تجيش الشركة.
سارة: في إيه يا بنتي؟ مالك سرحانة كدا؟ ولا يكون في بالك الموووز اللي كان هنا؟
ملك: لا أبدًا، أنا هقوم أدخل الحمام.
ملك في نفسها: آها، موووز أوووي، ما شوفتيهوش لما بيزعل؟ بحس إن الحيطة هتفلق من صوته.
وتركتها وذهبت.
عند فايز وعبير وفتحي وروجيدة.
فايز لعبير: فهمتي ولا أقول كمان؟
عبير: لا لا، فهمت يا باشا خلاص.
فايز: أنا هعمل إني عندي كريزة كلي واحنا مروحين، أقولها إن في ملف مهم لازم أوصله في فندق، وأخليها هي توصله.
عبير: طيب يا باشا، فهد باشا هيشوفها معاك إزاي؟
فايز: بصي يا ستي، فتحي هيروحله مكتبه وهيستأذنه، وهيقولوا إنه شاف ملك كذا مرة في فندق معايا، وكل مرة بيشوفها بيكون معاها ورق، وسمعها بالصدفة إنها هتجيب ملف بكرة بعد الشغل، بس مسمعش كويس الملف دا بتاع إيه.
عبير: تمام يا باشا.
روجيدة: تمام كدا، أنا عاوزة فهد يبعدها عن الشركة.
فايز: اهدي، وحياتك هنجيبلك حقك.
عبير: بس هي يا باشا مش بتيجي الشغل بقالها يومين.
فايز: انتي اليوم اللي هتيجي فيه هتتصلي بيا، وأنا هرتب كل حاجة.
عبير: تمام يا باشا.
