روايات وقصص

جوزي ملا العربيه حكايات بسمه

ننا منعرفش؟ ده أنا روحت البنك وسألت مدير الفرع اللي صاحبي من سنين.. ابنك المحترم زور توقيع مراته على توكيل عام بحجة إنه هيخلص لها ورق معاش والدتها، ومن يومها وهو بيسحب الفلوس في السر، وبيصرف منها على ملذاته وهداياه الكدابة اللي بيتمنظر بيها علينا!
الكلام نزل على كريم زي الصاعقة، وقع على الكرسي ومش قادر ينطق.
حمايا كمل وهو بيلهث من العصبية
بكرة الصبح، الفلوس دي كلها هترجع في حساب منى مليم مليم.. وإلا قسماً بعزة جلال الله، أنا اللي هبلغ المباحث عنك پتهمة التزوير وخېانة الأمانة وهرميك في السچن بإيدي!
الجزء الثالث المواجهة
تاني يوم الضهر، كنت قاعدة في كافيه الفندق بشرب قهوتي، ويوسف بيلعب في ركن الأطفال.
الموبايل رن، بس المرة دي مكنش كريم.. كان رقم حمايا، الحاج محمود.
رديت باحترام
ألو، أيوة يا عمي.
صوته كان حزين ومكسور
حقك عليا يا بنتي.. حقك على راسي أنا. أنا عرفت كل حاجة.. عرفت كريم عمل إيه
في الفلوس بتاعت ورث والدتك، وعرفت إزاي رماكي إنتِ وابنك الصبح.
قلبي اتنفض.
ورث والدتي؟ الفلوس اللي سايباها ليوسف عشان مستقبله؟ كريم سرقها؟!
حسيت إن الدنيا بتلف بيا، قعدت على الكرسي وأنا مش قادرة أتنفس.
سرق ورثي يا عمي؟ إنت متأكد؟
حمايا حكالي كل اللي حصل في العزومة، وكل كلمة قالها لكريم. وفي الآخر قالي
مټخافيش يا بنتي. أنا حجزت على كل أرصدة كريم اللي كان محول الفلوس عليها، وهبيعله عربيته اللي طردك منها، وهردلك كل قرش سرقه منك. أنا راجل بخاف ربنا ومش هقبل إن ابني يوكّلني أو يوكّل ابنه حرام.
قفلت مع حمايا، والدموع اللي كنت مانعاها من امبارح نزلت زي الشلال.
مش زعل على كريم.. زعل على نفسي إني كنت مغفلة للدرجة دي. أمنت لراجل كان بيسرقني في الضلمة، وبيهينني في النور!
بعد ساعة، لقيت كريم بيكلمني. المرة دي رديت.
صوته كان ضعيف، مهزوز، ومكسور
منى.. أنا عرفت إنتِ فين. أنا جاي أخدك.. أبويا طردني من البيت،
وقالي مرجعش غير بيكي وإنتِ مسامحاني.
ابتسمت ببرود وقولتله
متتعبش نفسك وتيجي يا كريم.. أنا مش راجعة معاك.
يعني إيه مش راجعة؟! هخرب بيتي عشان شوية فلوس وموقف عبيط الصبح؟! أنا جوزك وأبو ابنك!
إنت كنت جوزي.. بس إنت ولا أب ولا راجل! الراجل اللي يركّب ابنه أتوبيس عشان يحط مكانه صندوق هدايا، واللي يسرق ورث مراتها اللي شقيانة معاه سنين.. ملوش مكان في حياتي. جهز ورق الطلاق، لأن لو الفلوس مرجعتش لحسابي بكرة الصبح، أنا هرفع عليك قضية تزوير وسړقة وهخليك تقضي بقية عمرك في السچن.
قفلت السكة في وشه، وعملتله بلوك.
بصيت ليوسف اللي كان بيجري وبيضحك ومبسوط.
يمكن الرحلة دي بدأت بكسرة قلب وطردة من عربية، بس انتهت بإني كشفت أكبر كدبة في حياتي. اتعلمت إن الست اللي تستغنى عن كرامتها وتستحمل الإهانة بحجة البيت ميخربش، بيجي عليها يوم وتتسرق عمرها وفلوسها.
قررت أبدأ من جديد، أنا ويوسف وبس.. بحرية، وبكرامة، ومن غير
أي صندوق هدايا ياخد مكانا!
تمت

4 من 4التالي
تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى