
ليفون!
لو بتعملي حركة من حركاتك دي عشان تحرجيني قدام أهلي، قسماً بالله ما هرحمك!
ابتسمت بسخرية. حتى وهو قلقان، بيلومني وبيهددني. قفلت شاشة الموبايل وحطيته جنبي، ومردتش. خليه يغلي شوية، خليه يعرف إن وجودي مش تحصيل حاصل ولا مضمون طول الوقت.
في نفس الوقت ده، في بيت أهل كريم في المنصورة، الأجواء مكنتش هادية أبداً.
حسب اللي عرفته بعدين من أخته سحر اللي دايماً كانت محايدة، كريم كان قاعد في نص الصالة، حواليه أهله كلهم، وعمال يزعق ويشتمني عشان يحفظ ماء وجهه.
بقولكم ست نكدية! أنا محمل العربية هدايا لحضراتكم، ومظبط كل حاجة، تقوم عشان أقولها اركبي إنتِ والولد الأتوبيس تتقمص وتعملي فيها زعلانة وتقفل تليفونها! دي قاصدة تبوظلي إجازتي وتحرجني قدامكم!
حماتي الحاجة سعاد، اللي عمرها ما فوتت فرصة عشان تطلعني وحشة، ردت بتأييد
ما أنا قولتلك يا ابني من الأول الجوازة دي مش شبهنا! دي ست عنيدة وبتاعت مشاكل، إنت مكبر الموضوع ليه؟ تاخد بعضها وتروح مطرح ما راحت، المهم إنت وسطنا والهدايا اللي جبتها دي تعيش وتجيب يا حبيبي.
كريم اتنفخ
وبدأ يكمل في شتيمته ليا، وهو فاكر إن الكل هيقف في صفه.
لكن حمايا، الحاج محمود، اللي طول عمره ساكت وقليل الكلام، كان قاعد بيسمع وعينيه بتطق شرار. حمايا كان راجل أصول، صح مبيتدخلش كتير، بس مبيسكتش على الغلط الواضح.
الحاج محمود خبط بعكازه على الأرض بقوة خلت الكل يسكت، وبص لكريم بنظرة كلها احتقار
اخرس خالص يا قليل الأصل!
الصمت نزل على الصالة زي التلج. كريم اتخض وبص لأبوه باستغراب
في إيه يا بابا؟! أنا عملت إيه؟ أنا بشكيلكم من مرات…
حمايا قاطعه بصوت جهوري هز الحيطان
مراتك اللي إنت بتشتمها قدامنا دي، ومركبها الأتوبيس زي الشغالة عشان تحط مكانها وماكينة قهوة وسلسلة دهب لأمك.. إنت عارف السلسلة دي وماكينة القهوة دول جايين بفلوس مين؟!
كريم وشه جاب ألوان، وبدأ يتهته
ف.. فلوسي يا بابا! ده شقاي وتلخيص بونص السنة دي!
كداب!! الحاج محمود صړخ فيه وهو بيقف على حيله، ومسك ظرف قديم من على الترابيزة ورماه في وش كريم
ده كشف حساب بنكي جالي بالغلط على عنوان البيت هنا من يومين باسمك.. الكشف ده بيثبت إنك بتسحب آلاف الجنيهات كل شهر
من حساب توفير باسم منى مراتك، الحساب اللي فيه ورثها من أمها الله يرحمها اللي ماټت من سنة! إنت سړقت ورث مراتك اللي شايلاه لابنها يا كريم؟!
شهقة جماعية طلعت من كل اللي قاعدين.
حماتي حطت إيدها على بؤها بړعب، وسحر أخت كريم بصت لأخوها كأنها بتشوف كائن غريب أول مرة تعرفه.
كريم بدأ يعرق، صوته اترعش وهو بيحاول يدافع عن نفسه
يا بابا.. دي مراتي! فلوسها هي فلوسي! أنا أخدت الفلوس دي عشان أسدد ديون عليا وعشان أقدر أعيشكم في مستوى كويس وأجبلكم هدايا تليق بيكم! أنا عملت كده عشانكم!
حمايا مقدرش يمسك نفسه، ورفع إيده وضړب كريم بالقلم على وشه قدام الكل!
قلم رن في الصالة ووقع هيبة كريم في الأرض.
عشاننا؟! تسرق فلوس يتيمة وتكدب عليها وتهينها وتطردها هي وابنها من عربيتك عشان تجيب لأمك سلسلة دهب وتقول عشاننا؟! أنا ربيتك على الحړام يا لص؟! إنت مفكرني هفرح بهدية جاية من دموع ست مکسورة وحق طفل صغير؟!
حماتي حاولت تتدخل وهي بټعيط
يا حاج محمود اهدى! ده ابنك، ميفضحناش قدام الناس، يمكن هي اللي مدياله الفلوس برضاها!
حمايا بصلها پغضب
برضاها
إيه وإنتِ كمان؟! إنتوا فاكرين

