سحب صلاح إيده من بين إيديا بقسوة أول مرة أشوفها في عينيه، وقام وقف وهو بينفخ بضيق، وكأن استعطافي ليه كان بيزنقه في الزاوية ويخليه يتخنق أكتر. بصلُي ببرود شديد وقال بصوت طالع منه حاد زي الموس: ـ **”بس بقى يا هنا.. بلاش التمثيل والتوسل ده! أنا مكنتش عايز أقولك عشان مجرحكيش، بس إنتي الجبرتيني أنطق. أنا عمري ما حبيتك.. ولا عمرك كُنتي في قلبي! الـ ١٠ سنين دول كُنت عايشهم معاكي عشان واجب وخلاص، مشاعر قلبي مقفولة من زمان على واحدة تانية.. شهد رجعت، شهد اتطلقت ورجعتلي!”**
عملت نفسي بموت من الصدمة، فتحت بوقي ومش قادرة أتنفس، وحطيت إيدي على قلبي وكأني مش مصدقة اللي بيسمعه عغلي، فكمل هو بكل قسوة وبدون أي مراعاة لمشاعري:
ـ **”شهد طلبت مني أطلقك رسمي ونكتب شقتنا باسمها هي وبنتها عشان ترجعلي، وأنا مستعد أعمل أي حاجة في الدنيا عشانها. فاهمة يعني إيه؟ يعني وجودك في حياتي انتهى خلاص!”**
صرخت بوجهه بنبرة كله انكسار وتمثيل للرفض المستميت:
ـ **”شهد مين دي اللي ترجع تهد بيتي؟! والشقة دي شقتي وشقة بناتي اللي طفحت الدم معاك عشان نجيبها! مش هسيب بيتي يا صلاح، مش هخرج منها لو على ج/ثتي! مش هسيبك تاخد تعبي وتديه لوحدة تانية بكل السهولة دي!”**
صلاح بصلُي بقرف وقال وهو بيلبس جكتته بكل استعلاء:
ـ **”هتخرجي يا هنا.. بالذوق أو بالعافية هتخرجي، وأنا نازل دلوقتي أظبط أموري وهتلاقيني راجع بكرة معايا المأذون وكل واحد فينا يروح لحاله
خرج ورزع الباب وراه بقوة هزت أركان الشقة.
أول ما سمعت صوت خطواته بتبعد عن السلم، اختفت ملامح الانكسار والدموع من على وشي تماماً! وقفت على رجلي بثبات، وبصيت للباب بابتسامة ثقة وتحدي.
جمعت أوراقي الشخصية، وقود الملكية، وإثباتات الجواز وعقود الشقة، وحطيتهم في شنطتي بسرعة. بصيت لبناتي وقولتلهم بكل هدوء: *”قفلوا الباب كويس من جوة وما تفتحوش لأي حد، أنا راجعة بسرعة.”*
نزلت من العمارة وعيني عليه وهو ماشي مستعجل ومبسوط، أول ما حود شارع شهد، أنا لفيت الناحية التانية وحودت على طول على **قسم الشرطة**..
دخلت بخطوات ثابتة وقلب ميت، وقفت قصاد الضابط وطلبت منه محضر رسمي ومباشر بطلب **تمكين من شقة الزوجية** بصفتي زوجة وأم لرعاية صغار!
رجعت البيت وقعدت مع البنات وأنا جوايا ثبات وراحة، مستنية اللحظة الحاسمة.
على الساعة 4 العصر.. سمعت صوت المفتاح بيلف في الباب.
دخل صلاح ومعه فريد صاحبه، ووراهم رجل وقور ماسك شنطته وفي إيده دفتر المأذون. صلاح دخل وعلى وشه ابتسامة انتصار وتكبر، بصلُي بنظرة استعلاء وقال:
ـ “يلا يا هنا.. المأذون جيه عشان يكتب ورقتك بالمعروف وتأخدي حاجتك وتطلعي بره.. الشقة دي خلاص تلزم صاحبها!”
مثلت الانكسار ومشيت معاه للآخر من غير ما أنطق كلمة واحدة. قعد المأذون، وصلاح عينه كانت بتلمع بالفرحة كأنه بيحقّق أحلامه، وخلال دقايق، نطق المأذون صيغة الطلاق ورسمياً بقينا منفصلين.
أول ما المأذون خلص وختم الورق، صلاح بصلي بابتسامة شامتة وقال وهو بيشاور على الباب:
ـ “كده كل شيء انتهى يا هنا.. ورقتك هتتوثق وتوصلك، قدامك ساعة تلمي هدومك أنتِ والعيال وتطلعي بره الشقة عشان صاحب الشقة عايزها!”
في اللحظة دي.. اختفت ملامح الحزن من على وشي تماماً، وابتسمت ابتسامة هادية جداً أربكته وأربكت صاحبه فريد. وقفت بثبات، وطلعت من شنطتي ورقة المحضر الرسمية وصورة إثبات طلب التمكين، ورميتها على الطاولة قصاده:
