تعمل أشكال وألوان وشعوذة عشان تلم العيال وتخليهم يجوا السنتر بزنزانة وسحر، بس مكنتش اعرف إن اللعبة كبرت كده!
شعر جسمي كله وقف. افتكرت ابني الصغير اللي سيبته نايم في شقتي فوق لوحده! الستائر كانت بتطير في الهوا، والصوت قرب جداً لحد ما بقينا سامعين صوت نفس حار وطالع بصعوبة على بعد خطوات منا في الضلمة.
سمر صړخت بكتمة وهي بتبص للضلمة هو عايز العوض! البودرة اللي رشيتيها فسدت العهد اللي بيني وبينه! العيال لما هرشت ونزلت تجري، الډم اللي اتسحب منهم على الدرابزين فك الرصد! الحارس خرج من تحت الأرض يا نادية.. ونازل يطلب حقه!!
وقفت مكان مش قادرة أتحرك ولا أصرخ، ومخي عاجز يفهم البشاعة دي. شقة أخويا اللي كنت فاكراها
سنتر دروس عشان لقمة العيش، طلعت جحر للأسحار والأعمال، وأمي كانت ساكتة ومغطية عليهم عشان ألف جنيه وباقة نت! والبودرة اللي رشيتها عشان أطفش العيال وأنيّم ابني، طلعت هي السارينة اللي فكت قيد الحاجة المرعبة اللي مدفونة تحت عتبة البيت!
وفجأة، وسط الضلمة الكاحلة، ظهرت عينين حمرا زي الجمر المشتعل بتلمع في الطرقة، وصوت واطي وخشن جداً اتكلم وقال بلهجة تهز الجبال مين اللي فك الرصد… ومين يدفع الثمن؟
العينين كانت بتقرب ناحيتي أنا بالذات، ورائحة زفرة وكبريت بدأت تملأ المكان… وفي اللحظة دي بالظبط، سمعت من فوق.. من شقتي أنا.. صوت ابني الصغير صحي من النوم وقعد يعيط بصوت عالي!!
صوت عياط ابني كان زي خنجر اتغرز في قلبي.
العينين الحمرا اللي كانت مثبتة عليا وعلى سمر، اتدورت فجأة ورفعت راسها لفوق.. ناحية السقف.. ناحية الصوت!
الكائن اللي واقف في الضلمة أصدر صوت هسيس مرعب زي صوت التعبان، وقال بصوت هز جدران الشقة الډم الجديد… فوق!
ساعتها بس، حسيت إن روحي بتتسحب مني. ما فكرتش في أمي، ولا فكرت في سمر، ولا في الخۏف اللي كان شالل رجلي. الصړخة خرجت من حلقي شاقة الضلمة، واتحركت في ثانية زي المچنونة زقيت كل حاجة قدامي وطلعت أجري على باب الشقة عشان ألحق ابني قبل ما الرجل دي تطأ شقتي فوق!
طلعت على السلم وأنا بتكعبل في الضلمة، ورجليا بتخبط في الدرج، وأنا حاسة بظل أسود وطويل جداً بيطاردني وبيطلع ورايا خطوة بخطوة…
يتبع في الفصل الثاني.
