على دخلة الطرقة بتاعة الأوض. وسمر مرات أخويا كانت واقفة ومترشقة في حيطة المطبخ، ماسكة في درفة الدولاب بأطراف صوابعها وزي ما تكون ممسوسة، بتترعش من ساسها لراسها، وشعرها منكوش ومغرق عرق، وهدومها متقطعة من عند الكتف كأن في مخالب شديتها بقوة!
أول ما قدمي عتبت باب الشقة، سمر بصتلي بعيون واسعة مړعوپة، وشفايفها كانت بتترعش بكلمات مش مفهومة، لحد ما صړخت فيا بصوت طالع بالعافية اطلعي برررره يا نادية!! اطلعي وافلي الباب بسرعة!!
قبل ما أفهم في إيه، ولا أستوعب المشهد المرعب ده، سمعت الصوت تاني… خبط مكتوم وتقيل جداً، مش جاي من السقف ولا من الحوائط، ده كان جاي من تحت البلاط نفسه! خبطة.. اتنين.. تلاتة.. مع كل خبطة الأرض تحت رجلي كانت بتهتز، وكأن في حد مدفون تحت الشقة وبيحاول يكسر الخرسانة عشان يطلع!
قلبي سقط في رجلي، ونسيت ساعتها كل الغل والغيظ
اللي كان جوايا منها ومن أمي. نزلت على ركبي جنب أمي وحاولت أشدها من إيدها وأنا بصوت في إيه يا ماما؟! إيه اللي بيحصل هنا؟! فين أخويا أحمد؟! سمر إنتي عملتي إيه؟!
أمي مسكت في دراعي بأظافرها لدرجة إنها غرزتهم في جسمي، وقالتلي بصوت مبحوح ومړعوپ البودرة يا نادية… البودرة اللي رشيتيها!! دي مكنتش بودرة عفريت بتاعة الهرش… دي مكنتش من عند العطار!!
اتجمدت في مكاني والدم هرب من وشي. بصيت لأمي بذهول وقلت لها وأنا مش فاهمة حاجة إنتي بتقولي إيه يا ماما؟! أنا جايباها من العطار اللي في آخر الشارع بنفسي! الراجل قال لي دي بودرة عفريت وبتعمل حكة وهرش للعيال!!
سمر هنا اڼهارت في الأرض وقعدت تصرخ وتلطم على وشها وهي بتقول الراجل ده مش عطار يا غبية!! ده ساحر ومسخر! والشقة دي أساساً مكنتش مجرد سنتر دروس… أنا… أنا كنت باخد من العيال حاجة تانية خالص غير
الفلوس!!
الكلمة نزلت عليا زي الصاعقة. حسيت بدوخة شديدة والحيطان بدأت تلف بيا. يعني إيه بياخدوا حاجة تانية غير الفلوس؟! ويعني إيه العطار ساحر؟!
وقبل ما ألحق أسألها، النور قطع في العمارة كلها مرة واحدة! الضلمة كتمت على أنفاسنا، وما بقاش فاضل غير ضوء القمر الضعيف اللي داخل من البلكونة ومطرح خيالات مرعبة على الحيطان. وفجأة، الصوت المكتوم اللي تحت الأرض وقف… وحل سكوت رهيب، من النوع اللي يخليك تسمع دقات قلبك وهي بټضرب في صدرك زي الطبلة.
سمعت صوت خطوة… خطوة تقيلة ومش مألوفة، صوت أقدام كأنها مخالب بتزحف على سيراميك الصالة، جاية بالراحة من دلمة الطرقة وبتقرب ناحيتنا!
أمي زقيتني ورا ظهرها وهي بټعيط بحړقة وتقول سامحيني يا نادية.. سامحيني يا بنتي، أنا الطمع عماني! الألف جنيه ومصلحة سمر كانوا بيغطوا على البلاوي اللي بتتعمل هنا.. أنا كنت عارفة
إن سمر
