را، مش عاوزة وشك ولا عايزة خدمتك!
بص عادل لأمه وهو ساكت تماماً، لا دافع عن أميرة ولا طلب منها تقعد، كان سايب أمه تقول اللي هي عاوزاه وكأنه بيديها الحق في اللي بتعمله، نظراته لأميرة كانت كلها خذلان صامت.
حست أميرة بۏجع بيكسد قلبها، بس بلعت كبرياءها وقررت تكمل للآخر عشان احساسها الداخلي وعشان خاطر قلبها اللي متعلق بيه. بصت للحاجة وقالت بهدوء وثبات
أنا مش جيّة عشان ترضي عني يا خالة.. أنا جيّة أعمل واجبي، وتقدري ټشتمي وتعملي اللي عوزاه، ودنك مني ومش همشي.
وفعلاً، فضلت أميرة قاعدة اليومين دول، بتستحمل كلام الحاجة اللاسع، ومرارتها في الكلام، وتعليقاتها اللي مبتخلصش. كانت بتخدمها بصمت وصبْر غريب، بتعاملها كأنها أمها اللي بتعذر ۏجعها وعجزها، من غير ما ترد بكلمة واحدة تقيل.
بعد مرور يومين من الصبر والكتمان، بدأ الجليد يسيح شوية بين الاتنين. الحاجة لاحظت إن أميرة مابتزهقش ولا بتمثل، وبتقدم الخدمة بقلب صافي، فبدأت تبطل تتعصب، وبقت تكتفي بنظرات هادية أو بكلمة مقتضبة زي تسلم إيدك يا بنتي.
وفي وسط الجو ده، وبعد ما أميرة رجعت بيتها، رن تليفونها بالليل.. كان عادل.
ردت بتردد الو؟
جاءها صوته هادي وفيه نبرة ارتباك محببة
ازيك يا أميرة؟.. معلش بكلمك متأخر، بس.. كنت حابب اطمن على أمي، عاملة إيه النهاردة؟
قالت بنبرة متحفظة الحمد لله يا عادل، بقت أحسن بكتير من الأول.
سكت عادل شوية على الخط، وبعدين قال بصوت متردد
وأنتِ.. عاملة إيه؟.. تسلم إيدك على اللي عملتيه مع أمي الأيام اللي فاتت دي، بجد أنا مكسوف منك.
بدأت المكالمات تتكرر يوم ورا يوم، تحت حجج واهية زي الاطمئنان على الصحة، بس من جوه عادل، كان صوته ونبرته فاشلين في إخفاء شوقه الحقيقي. وفي كل مكالمة، كان بيلف ويدور لحد ما يفتح الموضوع الأصلي
يا أميرة.. البيت من غيرك ملوش طعم، وأنا.. أنا بجد حسيت بقيمتك لما بعدتي، مش عشان خدمة أمي وبس.. لا، عشان وحشتيني.. ارجعي لبيتك وعيلتك، ارجعي لي.
كانت أميرة بتتنهد بحزن وتسكته مش بالساهل يا عادل.. الموضوع مش هيرجع بكلمتين.
لحد ما جه اليوم اللي اتكلم فيه بجدية تامة، وراح بيت أهلها وطلبها صراحة قدام مامتها وباباها. بس هنا كانت الصدمة من الناحية التانية؛ أم عادل، رغم كل اللي عملته أميرة، لما سمعت إن عادل عايز يرجعهال البيت كمراته، برقت وقالت له پغضب وصوت بيترعش
ترجع مين؟! لاء.. ألف لاء! أنا مش ناقصة ۏجع دماغ ولا واحدة تحكمني في بيتي تاني! شوف غيرها!
عادل فضل يحايل أمه، ويدخل لها بكل الطرق، ويحلف لها إنه اتغير وإنه ما يقدرش يعيش من غير أميرة، وإنها الوحيدة اللي وقفت جنبه في وقت الشدة الحقيقي. فضلت أمه رافضة أيام، لحد ما لاحظت بعينها إزاي ابنها مابقاش عايش، وإزاي روحه
متعلقة بيها فعلاً، وفوق ده كله، افتكرت مواقف أميرة الصعبة معاها في المستشفى ومحدش استحملها غيرها.
في يوم، وهي قاعدة على الكرسي وبتحرك راسها بصعوبة، بصت لعادل اللي كان قاعد جنبها مكسور الخاطر، وقالت بصوت واطي ومتردد
خلاص.. هاتها.. بس بشرط، تبطل لسانها الطويل ده وتحترم كلمتي.
جري عادل زي الأطفال من الفرحة، وتاني يوم كانت أميرة راجعة بيتها، وهي حاسة إن صبرها ودموعها مقعدوش هباء، وإن الحب الحقيقي هو اللي بينتصر في النهاية بعد ما بينفض عنه كبرياء السنين.
تمت
