بصتلي وقالت بابتسامة مستفزة:
\- صباح الخير يا فاطمة، هو مفيش فطار تاني؟ أصل أنا مش بحب الجبنة دي. بصيتلها وقلت بهدوء:
\- الفطار اللي موجود ده اللي في البيت، واللي مش عاجبه يعمل لنفسه اللي هو عايزه. وشها اتغير وبصت لجوزي، اللي حط كباية الشاي بعصبية وقال:
\- إنتِ بتكلميها بالطريقة دي ليه؟ هالة ضيفة عندنا. رديت وأنا ببصله:
\- الضيف اللي بيحترم نفسه بنحترمه، إنما أنا مش خدامة عند حد، واللي عايز حاجة يقوم يعملها لنفسه. هالة قامت من مكانها بسرعة وقالت:
\- خلاص يا حبيبي، ماتتخانقش معاها عشاني، أنا هعمل لنفسي أي حاجة.
لقيته بيبصلها بحنان ويقول:
\- إنتِ تقومي من مكانك ليه؟ اقعدي وأنا هعملك اللي إنتِ عايزاه. وبعدين بصلي وقال:
\- إنتِ واضح إنك نسيتي الكلام اللي اتفقنا عليه امبارح، أنا مش هسمحلك تضايقي هالة في بيتي. ضحكت بسخرية وقلت:
\- بيتك؟ هو إنت اشتريته لوحدك؟
ده بيتي أنا وابني كمان، وبعدين أنا مش مضايقاها، أنا بس بقول إني مش خدامة عندها. قرب مني وقال بصوت واطي:
\- خلي بالك من نفسك يا فاطمة، إنتِ عارفة أنا ممكن أعمل إيه. سكت، مش خوفًا منه المرة دي، لكن عشان ابني كان خارج من الأوضة وواقف بيتفرج علينا.
أخدت ابني ودخلت بيه أوضته، وفضلت طول اليوم أحاول أتصرف بشكل طبيعي قدامه، لكن جوايا كان فيه قرار بيتكون. أنا مش هفضل طول عمري عايشة تحت تهديده، ومش هسيب ابني يكبر وهو شايف أمه بتتهان وبتتضرب ومطلوب منها تسكت عشان أبوه يرضى عنها.
وبالليل، لما جوزي وهالة دخلوا أوضة الصالون وقعدوا يتفرجوا على التلفزيون، خرجت بالموبايل واتصلت بأختي الكبيرة. أول ما سمعت صوتها مقدرتش أتماسك وعيطت. قالتلي بقلق:
\- مالك يا فاطمة؟ إنتِ بتعيطي ليه؟ حصل إيه؟حكيتلها كل حاجة، من أول ما طلب مني الدهب لحد ما جاب هالة تعيش معانا، وقلت لها كمان على تهديده ليا بابني.
أختي فضلت ساكتة شوية، وبعدين قالت:
\- وإنتِ ساكتة ليه لحد دلوقتي؟ ده راجل بيهددك وبيمد إيده عليكي وعايز ياخد دهبك عشان يتجوز واحدة تانية!قلت لها:
\- أنا خايفة على ابني، هو بيقول إنه هيشكك في نسبه، وهيخليني ألف على المحاكم والتحاليل، وأنا مش مستعدة أشوف ابني بيتبهدل بسببه.
قالتلي:
\- اسمعيني كويس، أول حاجة ماتتنازليش عن أي حق ليكي، وتاني حاجة ماتواجهيهوش لوحدك، ولازم تعرفي موقفك القانوني قبل ما تاخدي أي خطوة. وموضوع نسب ابنك ده مش كلمة يقولها عشان يخوفك، خليه يثبت كلامه لو عنده دليل. قفلت معاها وأنا حاسة إني لأول مرة من فترة طويلة عندي أمل
ني يوم، استأذنت من جوزي إني أروح أزور أختي، وخرجت من البيت، لكن بدل ما أروح لها قابلت محامية كانت أختي رشحتهالي. حكيتلها كل اللي حصل، وسألتها عن التهديدات اللي قالها جوزي، وعن حقي في الدهب، وعن إمكانية إنه ينكر نسب ابني.
المحامية طمنتني إن فيه إجراءات قانونية أقدر أحمي بيها نفسي وحقوق ابني، ونصحتني إني احتفظ بأي دليل على تهديداته أو اعتداءه عليا، وما أمضيش على أي ورقة من غير ما أفهم مضمونها. وقبل ما أمشي قالتلي:
\- أهم حاجة ماتخليش الخوف يخليكي تتنازلي عن حقوقك، والراجل اللي بيهددك بسمعة ابنك غالبًا عارف إن دي نقطة ضعفك وبيستغلها. رجعت البيت وأنا مقررة أغير طريقتي معاه. دخلت لقيت هالة قاعدة على الكنبة، وجوزي بيعرض عليها صور شقق على موبايله. قالتله:
\- الشقة دي حلوة، بس أنا مش عايزة أسكن بعيد عنك. رد عليها:
\- ماتقلقيش، أنا مش هبعد عنك، وإنتِ هتفضلي معايا لحد ما نرتب كل حاجة. أول ما شافني قفل الموبايل وقال:
\- إنتِ اتأخرتي ليه؟قلت:
\- كنت عند أختي. هالة بصتلي وقالت:
\- يا بختك يا فاطمة، عندك أخت تقدري تروحي لها وقت ما تحبي، إنما أنا ماليش غير ابن عمي اللي واقف جنبي. بصيتلها وقلت:
\- ربنا يخليلك ابن عمك، بس ياريت تفتكري إن الوقفة مع الناس ليها حدود، ومش من حق حد يهدم بيت غيره عشان يبني حياته.
جوزي قام من مكانه وقال بعصبية:
\- فاطمة!بصيتله وقلت:
\- أنا بتكلم عادي، ولا هو ممنوع أتكلم في بيتي كمان؟هالة قامت بسرعة ومسكت إيده وقالت:
\- خلاص يا حبيبي، أنا مش عايزة مشاكل، وبعدين أنا مش هفضل هنا كتير، أول ما أخلص موضوع الطلاق همشي.
ابتسمت لها وقلت:
\- ياريت فعلًا، لأن وجودك هنا طول أكتر من اللازم. دخلت أوضتي وقفلت الباب، وسمعت صوت جوزي بيزعق فيها إنها ماتاخدش كلامي على خاطرها، وإنه هيتصرف معايا. ابتسمت بسخرية. هو لسه فاكر إني هفضل خايفة من تهديداته، ولسه فاكر إن الغويشتين اللي أخدهم مني كانوا بداية تنازلي عن كل حاجة.
لكن اللي ماكانش يعرفه إن أختي كانت بدأت تساعدني أرتب أوراقي، وإن المحامية طلبت مني أحتفظ بكل حاجة تثبت إنه أخد الدهب مني تحت . وبعد كام يوم، حصلت المفاجأة اللي قلبت البيت كله. كنت قاعدة في أوضتي لما سمعت صوت تليفون جوزي بيرن، وكان بيتكلم بصوت واطي، لكن فجأة صوته علي وقال
نتِ بتقولي إيه؟ يعني جوزها عرف مكانها؟!سكت شوية، وبعدها بص لهالة اللي كانت قاعدة جنبه وقال:
\- طب وإنتِ عملتي إيه؟ مش قولتلك ماتكلمهوش من الرقم ده؟هالة وشها اصفر، وقامت من مكانها وقالتله:
\- أنا ماليش دعوة، هو اللي عرف مكاني!
ساعتها بدأت أفهم إن حكاية الطلاق والمحامي والشقة اللي محتاجينها مش بالبساطة اللي كانوا بيحكوهالي، وإن فيه أسرار تانية مستخبية. لكن المفاجأة الأكبر كانت لما جوزها اتصل بيه هو كمان، وطلب منه يقابله عشان يتكلموا في موضوع هالة.
ومن نظرات جوزي وارتباكه، حسيت إن الأيام الجاية مش هتكون سهلة على أي حد فينا.
