راتي كانت بتشتغل خياطة بالليل عشان أوفر مصاريف السفر وبعد ما سافرت ونجحت، اتجوزت عليها. اسمي أشرف وعندي 42 سنة. وفي ناس بتخسر فلوس وناس بتخسر شغل. لكن أنا خسرت الإنسانة الوحيدة اللي كانت مؤمنة بيا قبل ما أبقى أي حاجة. وللأسف ما عرفتش قيمتها غير بعد ما ضاعت مني. لما اتجوزت سعاد، كنت موظف بسيط في شركة صغيرة. مرتب بالكاد يكفي إيجار الشقة ومصاريف الأكل. لكن كان عندي حلم كبير.
إني أسافر بره. وأشتغل. وأبني مستقبل أحسن لينا. المشكلة إن السفر كان محتاج مبلغ كبير. أكبر بكتير من إمكانياتي. وقتها ناس كتير ضحكت على الفكرة. وقالوا إني بحلم فوق طاقتي. حتى أهلي نفسهم قالولي خليك في شغلك أحسن. لكن سعاد كانت الوحيدة اللي وقفت جنبي. وقالتلي إحنا هنوصل. سألتها إزاي؟ ابتسمت وقالت سيبها على ربنا. وبعدها بأيام بدأت تشتغل خياطة من البيت. في الأول كانت بتفصل هدوم بسيطة للجيران. وبعدين الشغل كبر.
وبقت تقعد بالساعات قدام ماكينة الخياطة. لحد الفجر أحيانًا. وأصحى ألاقيها لسه صاحية. عيونها حمرا. وصوابعها كلها آثار إبر. لكن أول ما تشوفني أصحى تبتسم. وتقولي قربنا يا أشرف. كنت كل مرة أحس بالذنب. لكن هي كانت تطمني. وتقول إن تعبها كله هيهون يوم ما أسافر. وفعلًا بعد سنتين كاملتين. جمعنا المبلغ. وسافرت. فاكر يومها وهي واقفة في المطار. بتعيط وتضحك في نفس الوقت. وقالتلي أوعى تنسى إحنا بدأنا منين.
حضنتها. ووعدتها إني أول ما أقف على رجلي هجيبها تعيش معايا. وفي أول سنة غربة كنت أكلمها كل يوم تقريبًا. وأحكيلها كل حاجة. وهي كانت لسه تشتغل وتوفر فلوس عشان تساعدني لو احتجت. لكن مع الوقت الشغل نجح. والفلوس زادت. وبقيت أعرف ناس جديدة. وأدخل أماكن عمري ما حلمت أدخلها. وهنا بدأت أتغير. في الأول من غير ما أحس. بقيت أتأخر في الاتصال. وبعدين بقيت أتحجج بالشغل. وبعدين أيام كاملة تعدي من غير ما أكلمها.
وهي كانت تسامح. دائمًا تسامح. لحد ما دخلت حياتي واحدة تانية. اسمها نادين. كانت تشتغل معانا في الشركة. متعلمّة. وأنيقة. وكل الناس حواليّ كانوا بيقولوا إنها أنسب لشكلي الجديد ومكانتي الجديدة. وفي يوم سمحت للغرور يدخل بيني وبين ضميري. وأقنعت نفسي إن سعاد بقت جزء من الماضي. وإني أستحق حياة مختلفة. وبدل ما أواجه نفسي بالحقيقة واجهت سعاد. وقلتلها إني عاوز أتجوز عليها. فاكر الصمت اللي حصل بعدها. صمت عمره ما خرج من ذاكرتي.
ولا دموعها. ولا صوتها وهي بتسألني بعد كل السنين دي؟ لكن قلبي وقتها كان حجر. واتجوزت فعلًا. وفي البداية افتكرت إني كسبت. بيت أكبر. فلوس أكتر. وحياة جديدة. لكن الغريب إن الراحة ما جاتش أبدًا. كل نجاح كنت أوصل له كنت أحس إن فيه حاجة ناقصة. وحاجة بتطاردني. لحد ما في يوم من الأيام بعد 6 سنين كاملة. رجعت مصر في إجازة قصيرة. وقررت أزور البيت القديم اللي كنت ساكن فيه أنا وسعاد.
مجرد فضول. لكن أول ما وصلت عرفت من الجيران إنها ما عادتش هناك من زمان. وسألت عنها. فواحدة من الجارات بصتلي باستغراب وقالت إنت ما تعرفش؟ قلتلها أعرف إيه؟ سكتت ثواني. وبعدين قالت سعاد بعد ما سبتها حصلها حاجة عمرنا ما توقعناها. في اللحظة دي حسيت قلبي وقف. لكن الصدمة الحقيقية كانت لما مدت إيديها بصورة قديمة وقالت قبل ما تسمع أي حاجة بص على الصورة دي الأول. ولما بصيت
اتجمدت مكاني. لأن الشخص اللي كان واقف جنب سعاد في الصورة كان آخر إنسان كنت أتوقع أشوفه حكايات بسمه اتجمدت مكاني وأنا ماسك الصورة بإيدي. الشخص اللي واقف جنب سعاد ماكنش غريب كان مدير الشركة اللي كنت شغال فيها أول ما سافرت. نفس الراجل اللي كان ماسك ملف سفري، ونفس اللي رفض يدي أي مساعدة لناس غيري وقتها بس اللي صدمني أكتر مش وجوده في الصورة اللي صدمني إن سعاد
كانت واقفة جنبه بابتسامة هادية جدًا لكن مش ابتسامة فرح عادية كانت ابتسامة حد عارف حاجة أنا مش عارفها. رفعت عيني للجارة وقلت بسرعة الصورة دي من إمتى؟ وإيه علاقته بيها؟ سكتت شوية كأنها بتقيس كلامها، وبعدين قالت ده اللي كان بيساعدها وهي بتدور عليك بعد ما اختفيت من سنين وهي كانت بتيجي هنا كتير تسأل عليك في الغربة، ولما معرفتش توصل لك هو اللي كان بيساعدها تعرف أخبارك. حسيت الأرض بتسحب من تحت رجلي.
تساعدها؟ أنا ما كنتش مختفي أنا كنت بكلمها في الأول الجارة هزّت راسها وقالت بهدوء أول سنتين بس بعد كده مكالماتك وقفت فجأة وهي فضلت تدور عليك، لحد ما اتقالها إنك اتغيرت ومش عايز حد من حياتك القديمة يظهر في طريقك. الكلام دخل جوايا زي السكـ,ـينة. بس قبل ما أتكلم، لقيتها بتطلع ظرف قديم من درج خشب صغير جنبها. وقالت ده اتساب ليكي من سعاد من كام شهر وقالت لو جه اليوم اللي تسأل فيه عنها، اديهوله.
إيدي كانت بترتعش وأنا باخد الظرف. فتحت أول ورقة وكانت بخط إيدها. بس الخط مش زي زمان كان أضعف، أهدى كأن كل حرف مكتوب وهو بيقاوم حاجة. وقريت أشرف لو الرسالة دي وصلتلك، يبقى أنت أخيرًا جيت تدور عليا. قفلت الورقة لحظة قلبي بيخبط بسرعة مش طبيعية. كملت القراءة أنا ما زعلتش منك عشان اتجوزت زعلت من حاجة واحدة بس إنك نسيت نفسك اللي كنت بتحلم معاها. سكتت ثواني، وبصيت للصورة تاني.
لكن الجارة كملت جملة خلت دمي يتجمد سعاد بعد ما سابت البيت ما راحتش لحد من اللي تعرفهم راحت مكان واحد بس مكان انت عمرك ما كنت تتوقعه. رفعت عيني بسرعة فين؟ لكن قبل ما ترد الموبايل بتاعي رن. رقم مجهول. رديت بإيد تقيلة. وجاني صوت هادي جدًا من الطرف التاني صوت ست أعرفه كويس لكن عمري ما توقعت أسمعه تاني قالت بصوت شبه همس أشرف ما تجيش لوحدك لأن في حاجات لازم تعرفها قبل ما توصل.
وصوت خطواتها كان بيبتعد كأنها بتجري أو بتهرب من حاجة وراها والخط اتقفل فجأة. بصيت للصورة تاني ولأول مرة حسّيت إن الرجوع مش هيكون للبيت القديم ده هيكون لسر أكبر بكتير من اللي كنت متخيله وقفت مكاني وأنا ماسك الموبايل كأنه هيكسر من كتر الضغط على إيدي. الصوت اختفى بس الجملة لسه بتتردد في وداني ما تجيش لوحدك بصيت للجارة بسرعة مين دي؟ مين اللي كلمني؟! هزّت كتفها بخوف واضح وقالت
مش عارفة بس الرقم ده كان بييجي لها كتير آخر فترة وهي كانت بتقول إنه الوحيد اللي عارف مكانها. قلبي بدأ يدق أسرع. مكانها فين؟! سكتت لحظة، وبعدين قالت جملة واحدة بس في دار مسنين على أطراف المدينة اتجمدت. سعاد؟ في دار مسنين؟ ليه؟ هي تعبانة؟! لكن الجارة ما ردتش. بس مدتلي ورقة صغيرة كانت لسه في الظرف. وعليها عنوان مكتوب بخط مرتعش. وقبل ما أتحرك، لقيتها بتكمل هي دخلت المكان ده بإرادتها من 3 سنين وقالت محدش ييجي يشيلها منه غيرك.
ثلاث سنين يعني طول الوقت ده وأنا فاكر إنها عايشة حياتها ونسيتني وهي كانت مستخبية عن الدنيا كلها. خرجت من العمارة وأنا مش شايف قدامي. كل خطوة كانت تقيلة كأن الأرض بتشدني لتحت. ركبت تاكسي وقلت للسواق العنوان من غير ما أتكلم زيادة. الطريق كان طويل بشكل غريب. كل شوية أفتكر صوتها قربنا يا أشرف أوعى تنسى إحنا بدأنا منين وأنا اللي نسيت كل حاجة. وصلنا قدام مبنى قديم هادي شكله أقرب للصمت منه للحياة.
نزلت بسرعة. بوابة حديد كبيرة. مقفولة بنص قفلة قديمة. دفعتها بإيدي وقلبي في وداني. وأول ما دخلت شمّيت ريحة معقمة تقيلة. وممر طويل فيه نور ضعيف بيترجف على الحيطان. سألت الممرضة سعاد سعاد أحمد فين؟ بصّتلي نظرة غريبة. وبعدين قالت بهدوء أنت أشرف؟ هزّيت راسي بسرعة. سكتت لحظة وبعدين قالت الجملة اللي وقفت الزمن هي مستنياك من امبارح بس حالتها مش مستقرة. جريت من غير ما أفكر.
