بجى لابسه ومتشيكه ومستنيه العريس الجديد علشان خاطر ياجي يخطبك يا ام الواد ! واديني قاعد مستنيه علشان خاطر يبجى هو اللي جاني على روحه انه فكر بس يبص لحاجه تخص زين العزيز . ابتسمت من جواها وقالت له وهي فرحانه فيه وبنا*ر قلبه المكويه بالغيـ,ـره وده كان الهدف اللي عايزاه في دماغها جدا وقالت له : _ خلاص خليك جاعد بجى من هنا لحد بكره انا هطلع أشيع له رساله واجول له ما يجيش النهارده وناجلها ليوم ثاني علشان خاطر عندنا ضيوف تقال مش هيمشوا عاد دلوقتي ، وكملت بدلع وهي قصدها تستفزه : _اصله بيحبني وبيغير عليا جدا وبيتمنى لي الرضا ارضى وعمره ما يزعل لما اجول له ما تاجيش ودايما بيلتمس لي الاعذار .
بص لها بغضـ,ـب على طريقتها وعلى استفـ,ـزازها لي وقال لها : _شوفي يا قمر اما انظبطتيش في الحوار وانت بتتكلمي قدامي الله الوكيل لا هبعت اجيب الماذون دلوقتي وهـ,ـردك غصـ,ـب ويبقى انت اللي اخترت الطريق الصعب ما بينا فاحسن لك هاتي سكه ودغري معايا وسيبك من شغل كيد النسا اللي انت جايه فيه ده علشان خاطر انا صبري قرب ينفذ عليك .
بصيت له قمر من فوق لتحته وقالت له : _لا يا حبيبي كان زمان لما كنت تكش وتزعق وتحمر لي عينيك اخاف واكش في جلدي وافضل مرعـ,ـوبه منك ومن رد فعلك دلوقتي الكلام ده تنساه انت ما لكش حكم عليا واه هتجوز وغصـ,ـب عنك ويلا بقى اتفضل علشان عايزه انام .
اول ما قالت له كلمه هتجوز وتصورها مع راجل تاني الغض*ب اتجمع قدامي ليه ما بقاش عارف اللي بيعملوا ايه ولقى نفسه بينزل على وشها بقلم شديد خلاها وقعت مكانها، الكل انصدم من رد فعله حتى هو ذات نفسه انصدم اما هي قامت بقوه من مكانها وقالت له : _هدفعك تمن القلم ده غالي قوي يا زين ولولا ان في بنا عيل كان زماني دلوقتي مجـ,ـرجراك في الاقسام ومورياك النجوم في عز الظهر .
قالت الكلام ده وسابته وطلعت على فوق وهي منهـ,ـاره من اللي بيحصل بينهم هي كرامتها بتوجـ,ـعها قوي منه وهو بيحبها وعمره ما هيسيبها تروح لغيره ولا تضيع من ايديه ، وعدت الايام لحد ما عدى اسبوع بحاله هو بعيد عنها خالص علشان خاطر يسيبها تنسى القلم اللي اداه لها ، هو عارف ان النهارده ميعادها في المتابعه مع دكتوره السكر بتاعتها اتفق مع اخوها ان هو ما يروحش معاها علشان خاطر هو هيحاول يصلح اللي ما بينهم، فركبت هي العربيه واثناء ما هي ماشيه لقيت عربيه اعترضت طريقها فنزلت تشوف مين وبسرعه كان طالع زين من وراها وشايلها ومركبها عربيته حاولت تعترض لكن ما قدرتش عليه طبعا واول ما دخلت عربيته قالت له بغض*ب : _انت اكيد بني ادم مش طبيعي علشان تعمل اللي انت بتعمله ده ازاي تعترض طريقي بالمنظر ده وتركبني معاك في العربيه واحنا الاثنين اغراب ولا هيهمك سمعتي ولا شكلي ولا الناس تتكلم عليا حقيقي نظرتي فيك ما خيبتش .
