بعد ساعتين
خلاص كدا خلصنا كل الإجراءات وقفلنا الحساب
كويس أوي وأنا كمان كلمتهم قولتلهم يحضروا غدا خصوصي ليها بقولك ايه صحيح فريد مش باين من إمبارح فين الزفت دا هو كمان ازاي يسيبنا في إلا حنا فيه دا ويختفي كدا مكنش المفروض نقوله أنها أخته!
تغيرت تعبيرات وشه للغضب أول ما سمع أسم فريد بعدين ي جدي يالا علشان زمانهم مشيوا ووعد لوحدها
يالا ي وعد جهزتي
بستغراب وهي شايفة تعبيرات الغضب ع وشه أيوا
دخلت الممرضة بكرسي متحرك
حمزة ايه دا !
الدكتور قال مينفعش تمشي ع رجليها الفترة دي وجد حضرتك اتفق مع إدارة المستشفي ع الكرسي دا
ليه هو أنا اتشليت لما تقعد عليه وانا موجود !
حمزة هي مقالتش حاجة غلط أهدي
انا اسفة عن أذنكم
ليه كدا ي حمزة كسرت بخاطرها وبعدين معناه ايه ردك دا مفهمتش ومالك عصبي ليه كدا هو حصل حاجة !
يالا نطلع من هنا
طيب هات الكرسي
بصلها بحدة فسكتت قرب منها وشالها وجه حارس من بتوعه شال الشنطة وطلعوا
طول الطريق ساكتين حمزة سايق وهو سرحان وملامح وشه كلها غصب وجده بيحاول يكلم فريد تلفونه لسه مقفول
بصت وعد في المراية ع وش حمزة وهي خايفة من انقلاب حاله كدا وهي بتكلم نفسها هو فيه ايه ي رب أستر
قطع السكوت دا رنة تلفون حمزة بص في الشاشة ففتح بسرعة
أيوا
حصل
طيب انتم عارفين هتعملوا ايه وأنا نص ساعة وهبقي عندكم سلام
مين ي حمزة
دا واحد من رجالتي ي جدي مفيش حاجه
يالا وصلنا اتفضل
أيه مش هتنزل ولا ايه
لأ ورايا شغل هخلصه وهرجع ع طول
طيب تعالي دخل وعد الأول وبعدها أخرج
لا وعد هتيجي معايا
بلعت وعد ريقها بصعوبة أول ما قال كدا وهي بتابع الحوار بخوف
بس وعد تعبانة ولازم ترتاح
وهو بيبص قدامه بحدة ما أنا واخدها علشان ترتاح أتفضل أنت ي جدي ومتقلقش
في الطريق
بصلها في المراية لقاها عمالة تفرك في إيديها بتوتر وباصة في الأرض
خايفة
رفعت رأسها ه هو أنا ممكن اعرف أحنا رايحين فين
خلاص وصلنا أهو وهتعرفي دلوقتي
ايه المكان دا
متخفيش طول ما أنا جمبك وحتي لو مكنتش جمبك عاوزك دايما قوية ي وعد سمعاني
بخوف أكتر حاضر
دخلوا المخزن كان عبارة عن مكان واسع في جهة مربوط فريد وشكله دايخ خالص والجهة التانية مربوط سيف عنيه متغطية ووشه كله أثر
نزلها حمزة قدامهم وهي مستغربة مين دول
قرب من سيف وشال الشريطة من ع عنيه أول ما شافت وعد شكله أتهزت بخوف رجعت لورا كانت هتقع جري عليها حمزة بسرعة مسكها بصتله بعياط أنت اا
أيوا ي وعد أنا عرفت كل حاجة
بصت في الأرض وهي بتعيط رفع وشها بإيده لأ ي وعد مش أنتي الا وشك يبقي في الأرض أنتي ست البنات كلهم إلا لازم يحطوا رأسهم في الطين الكلاب دول وحياتك عندي لهندمهم ع اليوم إلا شافوكي فيه
داست وعد ع رجليها وهي بتقرب من سيف وكأنها مش حاسة بأي ألم وبغضب كامن مسكته من قميصه وضربته قلم عمل صدي صوت في المكان
بعياط انا اسف أبوس إيديك خليهم يرحموني
نزلت فيه ضرب بكل قوتها وصوت عياطها بيعلي وهي بتشتم فيه
قرب منها حمزة وعد أهدي أنتي تعبانة
بقهرة ودموعها نازلة بقوة د دا ي حمزة دا إلا دمر حياتي كلها وعشت بسببه مكسورة طول حياتي قالي يومها خليكي فاكرة شكلي دا كويس علشان لو طلعتي من هنا عايشة هيفضل ملازمك طول عمرك
سيف كان خلاص شبه أغمي عليه من كتر الضرب وبؤقه بينزل أثر
كفاية أنتي خدتي حقك منه سبيني أنا هاخد حسابي منه بطريقتي
بصوت خافت من الجمب التاني ح حمزة والله أنا معملتش حاجة صدقني مرمي في الأرض ملحقتش أعرف مين دي أصلا
وعد حمزة فريد مكنش معاه فعلا هو يعرفه !
سابه بستغراب وراح ناحيه سيف كب ميه ع وشه فشهق وهو بياخد نفسه بالعافية
مسكه من رقبته بغضب فريد كان معاك في عملتك السودة دي ولا لأ
حمزة والله أنا بقولك مكنش هناك كان الزبالة
دا ومعاه واحد تاني غير فريد
سيف بتعب لأ مكنش معانا أنا ووائل بس إلا نعرفها
امال ازاي وصل للفيلا في وجود وعد !
كح بإجهاد وبصوت خافت أنا.. أنا إلا اتصلت بيه علشان ييجي ع هناك كنا متفقين أنا وائل ونلبسها لفريد كلمناه وقولتله أن في ضيوف معانا علشان ييجي
جز ع سنانه بغضب دا أنت حسابك معايا تقيل أوي
بص ل فريد بشمئزاز شوف قذارتك وصلتك لأيه ي وسخ !
وهو بيشهق من العياط صدقني أخر مرة أنا مكنتش عاوز أروح هو إلا غصب عليا والله
أمر حمزة الرجالة تفكه وتسنده للعربية وبعدها شال هو وعد وقعدها في العربية وقفل الباب
حمزة أنت رايح فين مش هنمشي!
هو خد حسابه منك لسه حسابي أنا
بخوف حمزة أستني هتعمل ايه
شاور حمزة وفجأة جردل ميه أترمي عليه بقوة
اااه حرمت والله أبوس رجلك أرحمني
وهو بيحط طلق في الأداة بقي أنت قولتلها تفتكر شكلك علشان هيلازمها طول العمر !
عيط
