في المخزن
فريد إيده لفوق مربوطه ورجله كذلك
م ميه عطشان هتعب
دخل حمزة ووراه رجالته أول ما شافه ضربه برجله في بطنه فصرخ فريد بألم
طول عمري بعتبرك أخويا مش ابن عمي واقرب حد ليا كنت بشوفك بتتصرمح مع شويه العيال الصيع دول كنت بقول عادي بيعيش سنه ومصيره يعقل بس مكنتش أتخيل أن الوساخة توصل بيك لحد كدا ي وسخ تف في وشه
بعياط والله ما عملت حاجة صدقني هما إلا جابوني ع هناك
قصدك الوسخ إلا زيك سيف ! وشرف أبوه إلا مش موجود دا لأجيبه هنا هو كمان وأخليكم عبرة قدام بعض
ضربه بقوة لحد ما وشه كله جاب أثر كان خلاص هيفقد الوعي لولا رجالته بعدته عنه بسرعة
تختفوا متجوش غير لما يكون الكلب التاني معاكم عاوزه هنا تحت رجلي في أسرع وقت سامعين تجبوه حتي لو كان في بطن أمه
تحت أمرك ي بيه
خرجوا بسرعة ووراهم حمزة
فريد بصوت خافت أشبه بالهلوسة ح حمزا والله ما عملت حاجة أنا مظلوم أنا عارف أني غلطان س سامحني
تاني يوم
في المستشفي
صباح الخي…. بخضة وعد !!
جت الممرضة من وراه حضرتك بتسأل ع المريضة إلا كانت هنا
بخوف ااا أه هي فين
بإبتسامة الحمد لله حالتها أستقرت ونقلناها أوضة عادية
كانت في سن الأربعينات
ي حبيبي ربنا يجبر بخاطرك ي رب دا محدش عملها من ساعة المرحوم
بعد حمزة عنها بسرعة وجري ع أوضة وعد
فتح الباب بدفعة وااعد
صرخت بخضة من المفاجأة وهي حاطة إيدها ع قلبها ي مامااا
بفرحة مفيش ي حمزة
إبتسمت بخجل ووشها في الأرض
بسرعة قرب منها وحشتيني والحمد لله ع سلامتك وبحبك
من صدمتها كانت مبلمة مش قادرة تتكلم
بصلها بستغراب وهو بيحرك إيديه قدام وشها ايه دا مالك أنتي كويسة !!
بلعت ريقها بصعوبة ووشها أحمر ح حمزة أنت قولت أيه دلوقتي !
لأ بقولك ايه أنتي الأيام الجاية دي مش هتسمعي من كل الكلام دا جمدي قلبك معايا كدا علشان لسه في حاجات كتير أوي عاوزة أقولهالك
دخلت الممرضة في الوقت دا و…..
حط إيده ع وشها بحب أحم بقولك ايه
بعيون لامعة نعم
وهو بيقرب منها أكتر هي ايه إلا عند دي ممكن أفحصها فجأة دخلت الممرضة بعد حمزة عن وعد بسرعة
شهقة الممرضة بخضة والدوا وقع من إيدها ااا أنا
نزلت وشها في الأرض بربكة طلعت بسرعة وقفلت الباب
ضرب
هي إلا مخبطتش الأول وبعدين يالا بقي عاوزين نروح البيت بدل ما كل واحد هينطلنا هنا كل شويه
بإمتنان بجد أنا مش عارفة أشكرك أزاي ع كل إلا عملته عشاني دا
قرب منها تاني عادي ع فكرة أقولك أنا تشكريني أزاي
دخل جده في الوقت دا فبعد عنها تاني ضحكت بكسوف ع تعبيرات وشه
أنت كنت بتعمل ايه يالا
بإحراج ااا أبدا ي جدي أنا كنت بس ااا
احترم نفسك أنت في مستشفي
ع فكرة أنت ظالمني أنا كنت علشان تعبانة مش قادرة تحرك إيديها
دا ع أساس إلا متجبسة إيديها مش رجليها !
بص ع وعد لقاها بتضحك وهي حاطة إيدها ع وشها بكسوف
بإحراج أحم طيب أستأذن أنا ي جدي هروح أشوف الدكتور
بصوت واطي وهو ماشي وربنا لأخذها منكم وهرب بيها
بتبرطم تقول ايه
ااا بقول منور ي جدي منور
خرج حمزة وضحك سالم هو وعد
تغيرت ملامح سالم للحزن وهو بيبص ل وعد الحمد لله ع سلامتك ي حببتي
الله يسلمك بجد شكرا أوي ع كل إلا بتعمله معايا أنتم بحبكم ليا حسستوني أنه لسه في خير وناس طيبة
مسك إيديها بعشم أنا إلا لازم أشكرك ع وجودك معانا وأشكر ربنا أنه نجاكي أنتي متعرفيش أنا كنت خايف عليكي أزاي
كان عندي يقين في ربنا أنه هييجي زي كل مرة وينقذني كل ما خلاص بفكر أن إلا جاي حاجة هتفرقنا بتفاجئ أنها بتقربنا أكتر من بعض أكتر
علشان كدا لازم تعرفي أنه بيحبك بجد ومستحيل يسيبك مهما حصل
تكونت دموع في عينيها وهي بتتكلم حمزة يستاهل أحسن واحدة في الدنيا يستاهل بنت ناس تشرفه قدام أي حد ويرفع رأسه جمبها في أي مكان مش واحدة من ملجأ وكمان م…
قاطعها ودموعه نزلت بقوة من كلامها وهو مش قادر يكتم قهرته ولا إحساسه بالذنب أنتي أحسن بنت في الدنيا كلها مفيش حد لا أحسن ولا أشرف منك
بستغراب وهي بتمسح دموعه ومشاعرها متلخبطة حاسة أتجاهه بشعور غريب وكأنه قريبها أنت بتعيط ليه
بتنهيدة وهو بيحاول يمسك نفسه العافية لأ أبدا دي بس دموع الفرحة بأنك قومتي بالسلا…
مقدرش يمسك نفسه أكتر ونفجر في العياط وهي بتعيط بقوة هي كمان
روايتي بقلمي فاطمة إبراهيم ومع ذلك الحرامية مبتبطلش أسرقوا يكش تفلحوا
دكتور ي دكتور
ألتفت ع الصوت أيوا
ممكن أعرف حالة وعد ايه دلوقتي
الحمد لله الخبطة إلا خدتها ع دماغها مأثرتش عليها حالتها مستقرة حاليا لو حابين تخدوها من بكرا مفيش مشكلة بس لازم الراحة التامة وياريت تجبولها كرسي بعجل لحد ما رجليها تتحسن شويه لأنها معتقدش هتتحمل تقف ع رجليها الفترة دي
طيب ممكن اخدها أنهاردة
انهاردة !
مش حضرتك قولت أن حالتها مستقرة
أيوا بس عاوزة رعاية خاصة ودوا تاخده بانتظام
اطمن أنا معاها وههتم بيها
خلاص براحتكم قفل الحساب وتقدر تاخدها عن أذنك
اتفضل
قفل الحساب شوف الحساب هو حد قالهم أحنا هنطير ولا أيه
فجأة سمع حد بينادي عليه
حمزه… حمزاااا
التفت وبتفاجئ ايه دا أنت !!
مد إسلام إيده بإبتسامة عامل ايه
بضيق ممزوج بغيرة أنت عرفت أزاي أن وعد دخلت المستشفي !
بصدمة اييه !! وعد هنا هي فين مالها حصلها ايه
بستغراب أمال أنت جاي ليه بدل متعرفش!
أنا وأمي هنا كنت بفك الدعامة إلا فرجلي شوفتك بالصدفة دلوقتي سيبك من دا كله وطمني وعد مالها !
وهو بيحاول يطفشه خير متشغلش بالك هي كويسة شويه مغص بس اا تقريبا حامل
بصدمة ايه دا بجد !!
مالك مستغرب كدا ليه أنت نسيت أنها مراتي ولا أيه
لأ مقصدش طبعا ألف مبروك
الله يبارك فيك عقبالك يالا سلام
ايه دا أنت رايح فين
تحب نفرش ونقعد نهزر هنا ولا ايه مراتي وأبني مستنيين
طب ممكن اطمن ع وعد وأباركلها
يوصل إن شاء الله هباركلها مكانك سلام
وصلت منال في الوقت دا وهي بتنادي ع إسلام
سبتني ورحت فين
ماما أعرفك حمزة جوز وعد
بصدمة اييه جوزها
حمزة لنفسه هي ايه العيلة إلا بتتصدم كل شويه دي أيه مش مالي عنيهم أكون جوزها ولا أيه !
وهو بيهرش في دقنه بخنقة اه جوزها تخيلي
متقوليش أنها اتجوزت !
لا وكمان طلعت حامل ي ماما
جز حمزة ع سنانه بغيظ أنا دلوقتي عرفت أنت طالع حشري لمين
بتقول حاجة ي حمزة
لا أبدا أنا بشكر بس في والدتك ما شاء الله ربنا يخليهالك
فين وعد عاوزة أشوفها
بقلة حيلة وضيق اتفضلوا
كفاية بقي ي وعد أنا عيوني وجعتني من كتر العياط
ضحكت وهي بتمسح دموعها بصراحة أنا أول أحس الإحساس إلا أنا حسيته دلوقتي
بلهفة الجد لحفيدته ح حسيتي بأيه
بإبتسامة حزينة شعور غريب أول مرة أحسه اسفة يعني في إلا هقوله بس حبكم ليا ساعات بيحسسني كأنكم أهلي
بدموع في عينه أنتي محاولتيش تدوري ع أهلك قبل كدا !
أنا معرفهمش حتي لو قابلتهم صدفة مكنت عرفتهم بس أنا متأكدة أنهم كانوا طيبين يمكن ماتوا وكانوا مضطرين يعملوا فيا كدا
أنتي ازاي طيبة للدرجة دي مش في قلبك ولو شويه كره ليهم ع سنين عمرك إلا قضتيهم في الملجأ!
لو فضلت أعد الحاجات الوحشة إلا في حياتي وأحزن عليهم وأكره إلا ظلموني صدقني كنت هبقي أتعس إنسانة في الدنيا ربنا كبير ودايما كان معايا في كل الأوقات الصعبة قبل الحلوة
وهو بيجمع كلامه وبيتشجع يعنى لو عرفتي أن أهلك عايشين هتسامحيهم
اهلي ماتوا من زمان أكيد لو عايشين مكنوش سابوني كل السنين دي
حط إيده ع خدها بدموع لأ ي حببتي أنا اا
قاطعهم فتح الباب ودخول منال وإسلام وحمزة برقت وعد بصدمة لما شافتهم
ي حببتي حصلك ايه مالها رجلك
طنط منال أنتم عرفتهم ازاي أني هنا !!
حمزة قابلنا حمزة وقال أنك هنا علشان تعبانة من الحمل ألف مبروك
بقلمي أنا مش بقلمك ي حرامي الرواية فاطمة إبراهيم
بإندهاش حمل مين قال كدا !!
بصوا ع حمزة بستغراب فبص حمزة في السقف وهو مكتف إيده بإحراج
حمزة قالنا انك حامل وجاية هنا علشان تعبتي من الحمل
حمل ايه ي إسلام أنت مش شايف ي قلبي عليها رجليها الاتنين متبهدلين ازاي
عادي يعني أنا مكدبتش ما هي فعلا تعبانة أهو
جده بإحراج طيب ي جم١عة أنا هاخد حمزة معايا نشوف الإجراءات ومعاد خروجها خدوا راحتكم معاها
مسكه من دراعه يالا ي حمزة
بصوت بينهم يالا ع فين مش هسيب الواد الملزق دا معاها وامشي
بقولك يالا كفاية كسفتنا قدام الناس
